నాగర్కర్నూల్ (Nagar kurnool) ప్రభుత్వ మెడికల్ కళాశాలలో మరోసారి ర్యాగింగ్ ఘటన వెలుగుచూసి హడలెత్తించింది. జూనియర్ విద్యార్థినులను వేధించిన నలుగురు సీనియర్ విద్యార్థులపై యాజమాన్యం కఠిన చర్యలు ప్రకటించింది. హాస్టల్ వసతిపై ఏడాది నిషేధం విధిస్తూ ప్రిన్సిపాల్ ఆదేశాలు జారీ చేశారు.
Read also: GHMC: హైదరాబాద్ లో కొత్తగా డివిజన్లు ఏర్పాటు?
Raging incident at Nagarkurnool Medical College
మరోసారి ఇలాంటి ఘటనలు జరగితే
ఈ నెల 6న ఉత్తరాది రాష్ట్రాలకు చెందిన నాలుగుమంది సీనియర్లు జూనియర్ విద్యార్థినులను తరగతులకు వెళ్లే ముందు ఇబ్బందులకు గురిచేశారని ఆరోపణలు ఉన్నాయి. గోడకుర్చీ వేయించి సెల్యూట్ చేయాలని ఒత్తిడి చేయడంతో బాధితులు తీవ్ర ఆందోళనకు గురై వెంటనే ప్రిన్సిపాల్ రమాదేవిని సంప్రదించారు. వారి ఫిర్యాదుతో ఈ విషయం యాజమాన్య దృష్టికి వచ్చింది.
ఫిర్యాదు అందుకున్న వెంటనే ప్రిన్సిపాల్ చర్య తీసుకుంటూ సంబంధిత విద్యార్థులను హాస్టల్ నుంచి బహిష్కరించారు. ర్యాగింగ్పై కళాశాల శూన్య సహన విధానాన్ని అనుసరిస్తోందని, మరోసారి ఇలాంటి ఘటనలు జరగితే క్రిమినల్ కేసులు నమోదు చేయడానికి వెనుకాడబోమని హెచ్చరించారు. కళాశాల చర్యలతో తల్లిదండ్రులు సంతృప్తి వ్యక్తం చేస్తున్నారు.
Read hindi news: hindi.vaartha.com
Epaper: epaper.vaartha.com/
Read Also:
