TG: ల్యాబ్ టెక్నీషియన్ గ్రేడ్-2 ఫలితాలు విడుదల

హైదరాబాద్: TG తెలంగాణ రాష్ట్రంలోని వైద్య, ఆరోగ్య శాఖ పరిధిలో ఖాళీగా ఉన్న ల్యాబ్ టెక్నీషియన్ల (Lab technicians) నియామక తుది ఫలితాలను తెలంగాణ (Telangana) మెడికల్ అండ్ హెల్త్ సర్వీసెస్ రిక్రూట్‌మెంట్ బోర్డు (MHSRB) సోమవారం ప్రకటించింది. మొత్తం 1,284 పోస్టులకు గానూ 1,260 పోస్టులకు అభ్యర్థులను ఎంపిక చేసింది. మిగిలిన పోస్టులకు సంబంధించి కోర్టు కేసులు, మెరిట్ అభ్యర్థులు లేకపోవడం వంటి కారణాల వల్ల ఎంపిక చేయలేదని బోర్డు ప్రకటించింది.

TG: Lab Technician Grade-2 results released

నియామక ప్రక్రియ, పెండింగ్ కేసులు

ఎంహెచ్ఎస్ఆర్బి 1,284 ల్యాబ్ టెక్నీషియన్ల నియామకం కోసం సెప్టెంబర్ 11, 2024న నోటిఫికేషన్ విడుదల చేసింది.

ఖాళీల వివరాలు: డైరెక్టర్ పబ్లిక్ హెల్త్ (DPH), డైరెక్టర్ మెడికల్ ఎడ్యుకేషన్ (DME) పరిధిలో 1,088 పోస్టులు, టీవీవీపీ (TVVP) పరిధిలో 183, ఎంఎన్జే క్యాన్సర్ ఆసుపత్రి పరిధిలో 13 పోస్టులు ఉన్నాయి.
పరీక్ష వివరాలు: ఈ పోస్టుల కోసం 24,045 మంది దరఖాస్తు చేసుకోగా, 23,323 మంది సీబీటీ పరీక్షలకు హాజరయ్యారు.
ఎంపిక నిలిపివేత: కోర్టు కేసులతో పాటు, స్పోర్ట్స్ కోటా నియామకాలను బోర్డు పెండింగ్‌లో పెట్టింది. 1,260 మంది ల్యాబ్ టెక్నీషియన్ పోస్టుల మెరిట్ లిస్టును ప్రకటించిన నేపథ్యంలో, రాబోయే రోజుల్లో ప్రభుత్వ ఆసుపత్రులు, ప్రాథమిక ఆరోగ్య కేంద్రాల్లో పరీక్షల నిర్వహణ వేగవంతం, సులభతరం కానుందని వైద్య, ఆరోగ్య శాఖ అధికారులు భావిస్తున్నారు.