మోసం తంతు క్రమంగా పెరుగుతున్న నేపథ్యంలో
సైబర్ నేరగాళ్లు రోజుకో కొత్త మోసపు విధానంతో ప్రజలను మభ్యపెట్టి, వారి ఖాతాల్లోని డబ్బులు దోచేందుకు రెచ్చిపోతున్నారు. తాజాగా, ‘RTO Traffic Challan.APK’ పేరుతో వస్తున్న వాట్సాప్ మెసేజ్లు తీవ్ర ప్రమాదానికి దారితీయవచ్చని తెలంగాణ సైబర్ సెక్యూరిటీ బ్యూరో (TGCSB) ప్రజలను హెచ్చరించింది. ఈ మోసం తంతు క్రమంగా పెరుగుతున్న నేపథ్యంలో అందరూ అప్రమత్తంగా ఉండాలని TGCSB సూచిస్తోంది.ఇటీవల చాలా మంది వినియోగదారులకు వాట్సాప్ ద్వారా ఈ APK ఫైల్స్కు సంబంధించిన లింకులు పంపబడుతున్నట్లు TGCSB తెలిపింది. ఈ సందేశాల్లో, మీకు ట్రాఫిక్ చలానా పడిందని, దానిని పరిశీలించాలంటే క్రింది లింక్పై క్లిక్ చేయాలని సూచిస్తూ ఉంటాయి. అయితే నిజానికి, ఆ లింక్లో ఉన్నది చలానా సమాచారం కాదు, అది ఒక వైరస్తో కూడిన APK ఫైల్.
అనుమానాస్పద లింక్
దీనిని ఓపెన్ చేసినవారి ఫోన్లోకి ఒక మాల్వేర్ (malware) ప్రవేశించి, వారి బ్యాంకింగ్ వివరాలు, పాస్వర్డ్లు, ఓటీపీలు వంటి కీలక సమాచారం సైబర్ నేరగాళ్లకు చేరేలా చేస్తుంది.ఈ రకమైన మోసంలో నేరగాళ్లు నకిలీ APK ఫైళ్లను పంపి, బాధితులు వాటిని ఇన్స్టాల్ చేసుకునేలా ప్రేరేపిస్తారు. ‘మీకు ట్రాఫిక్ చలానా ఉంది, వివరాల కోసం ఈ లింక్ను క్లిక్ చేయండి’ వంటి సందేశంతో ఒక అనుమానాస్పద లింక్ వస్తుంది. బాధితుడు ఆ లింక్ను క్లిక్ చేయగానే, ఒక నకిలీ యాప్ డౌన్లోడ్ అవుతుంది. అది ‘RTO Traffic Challan’ లాంటి అసలైన యాప్ లాగే కనిపిస్తుంది. యాప్ ఇన్స్టాల్ అయిన తర్వాత, అది యూజర్ నుంచి అనేక అనుమతులను (ఉదా: SMS చదవడానికి, కాంటాక్ట్స్ యాక్సెస్ చేయడానికి, బ్యాంకింగ్ యాప్లను పర్యవేక్షించడానికి) కోరుతుంది. చాలా మంది వినియోగదారులు వాటిని చదవకుండానే అనుమతులు మంజూరు చేస్తారు.
ప్రజలు తీసుకోవాల్సిన జాగ్రత్తలు
ఈ అనుమతుల ద్వారా, సైబర్ నేరగాళ్లు యూజర్ ఫోన్లోని సున్నితమైన సమాచారాన్ని (బ్యాంక్ ఖాతా వివరాలు, OTPలు, క్రెడిట్/డెబిట్ కార్డు వివరాలు, వ్యక్తిగత సమాచారం) దొంగిలిస్తారు. ఈ సమాచారాన్ని ఉపయోగించి, నేరగాళ్లు బాధితుల బ్యాంక్ ఖాతాల నుంచి లేదా క్రెడిట్కార్డుల నుంచి డబ్బును అపహరిస్తారు.తెలియని వ్యక్తుల నుంచి, లేదా అనుమానాస్పదంగా కనిపించే ఏ లింక్పైనా క్లిక్ చేయవద్దు.యాప్లను గూగుల్ ప్లే స్టోర్ (Google Play Store) లేదా యాపిల్ యాప్ స్టోర్ల నుంచి మాత్రమే ఇన్స్టాల్ చేసుకోవాలి. లింక్ల ద్వారా వచ్చే యాప్లను లేదా అపరిచితుల నుంచి వచ్చే APK ఫైళ్లను అస్సలు ఇన్స్టాల్ చేయవద్దు.
పోలీస్ వెబ్సైట్లను
ఏదైనా యాప్ ఇన్స్టాల్ చేసేటప్పుడు అది కోరే అనుమతులను క్షుణ్ణంగా పరిశీలించండి. అనవసరమైన అనుమతులు అడిగితే జాగ్రత్తగా ఉండండి.ట్రాఫిక్ చలాన్ల వివరాల కోసం అధికారిక ట్రాఫిక్ పోలీస్ వెబ్సైట్లను మాత్రమే సందర్శించండి.సైబర్ నేరగాళ్లు (Cyber criminals) నిరంతరం కొత్త పద్ధతులను ఉపయోగిస్తుంటారు కాబట్టి, ఎప్పటికప్పుడు అప్రమత్తంగా ఉండాలి.ఈ మోసాల బారిన పడితే వెంటనే 1930కు ఫిర్యాదు చేయాలని తెలంగాణ సైబర్ సెక్యూరిటీ బ్యూరో సూచించింది. మీ ఫిర్యాదు సైబర్ నేరగాళ్లను పట్టుకోవడానికి, ఇతరులు మోసపోకుండా నిరోధించడానికి సహాయపడుతుంది.
తెలంగాణకు ప్రత్యేకత ఏమిటి?
తెలంగాణ భారతదేశంలోనే సబ్బంధమైన, నవీన రాష్ట్రం, ఇది జూన్ 2, 2014న ఆవిర్భవించింది.
తెలంగాణ రాష్ట్రానికి ప్రసిద్ధి చెందిన ఆహార పదార్థాలేవి?
తెలంగాణకు ప్రత్యేకంగా గుర్తింపు తెచ్చిన అనేక సాంప్రదాయిక, రుచికరమైన వంటకాలు ఉన్నాయి. వాటిలో కొన్ని హైదరాబాద్ బిర్యానీ,సర్వపిండి,పచ్చి పులుసు ,సక్కినాలు,చేగొడిలు.
Read hindi news: hindi.vaartha.com
Read Also: Dulquer Salmaan: సీఎం రేవంత్ రెడ్డిని కలిసిన హీరో దుల్కర్ సల్మాన్
