TG: తెలంగాణ జాగృతి అధ్యక్షురాలు కల్వకుంట్ల కవిత (kavitha) సీఎం రేవంత్ రెడ్డి పై తీవ్రస్థాయిలో విమర్శలు గుప్పించారు. ఫీజు రీయింబర్స్మెంట్ బకాయిలు చెల్లించకపోవడంపై, కళాశాలల యాజమాన్యాలను బెదిరించే రీతిలో మాట్లాడటం తగదని ఆమె మండిపడ్డారు. “ముఖ్యమంత్రి వీధి రౌడీలా ప్రవర్తించడం సిగ్గుచేటు” అని కవిత వ్యాఖ్యానించారు. హన్మకొండలో జరిగిన ‘జాగృతి జనంబాట’ కార్యక్రమంలో మీడియాతో మాట్లాడిన ఆమె, రేవంత్ రెడ్డి “తాట తీయడం, తోలు తీస్తా” వంటి వ్యాఖ్యలు ప్రజాస్వామ్యానికి విరుద్ధమని విమర్శించారు. “వీధి రౌడీలు కూడా సిగ్గుపడేలా మాట్లాడుతున్న సీఎం భాష మారాలి” అని ఆమె హెచ్చరించారు.
Read also: Pension Scheme: వృద్ధులకు రూ.4 వేల, మహిళలకు రూ.2500 సాయం త్వరలోనే
TG: నీ రౌడీ భాష మార్చుకో సీఎం! కవిత వార్నింగ్
రాజకీయ వ్యాఖ్యలు చేయకూడదని
TG: ఉమ్మడి రాష్ట్రంలో విద్యా వ్యవస్థ బలహీనంగా ఉన్న సమయంలో, తెలంగాణలో విద్యా అవకాశాలు కల్పించేందుకు యాజమాన్యాలు ఎంతో కృషి చేశాయని కవిత గుర్తుచేశారు. “విద్యార్థుల కోసం శ్రమించిన వారిని ఇప్పుడు బెదిరించడం అన్యాయం” అని ఆమె పేర్కొన్నారు. రాష్ట్రంలో 1,800 కాలేజీలు ఉన్నప్పటికీ, కేవలం రెండు కాలేజీలను టార్గెట్ చేయడం అన్యాయమని ఆమె అన్నారు. ఫీజు రీయింబర్స్మెంట్ పథకం పేద విద్యార్థులకు ఎంతో అవసరమని, ఈ విషయంలో రాజకీయ వ్యాఖ్యలు చేయకూడదని కవిత సూచించారు. రేవంత్ రెడ్డి వరంగల్ వరద బాధితులను పరామర్శించినా, నిధులు విడుదల చేయలేదని ఆమె విమర్శించారు.
Read hindi news: hindi.vaartha.com
Epaper: epaper.vaartha.com/
Read Also:
