Ganesh Immersion: నల్గొండలోని గణేశ్ నవరాత్రి ఉత్సవాల వద్ద తీవ్ర ఉద్రిక్తత నెలకొంది. నల్గొండ పాతబస్తీలో ఉన్న ఒకటో నంబర్ వినాయకుడి మండపం దగ్గర మంత్రికోమటిరెడ్డి(Minister Komati Reddy)వెంకట్ రెడ్డి. మాట్లాడుతుండగా, బీజేపీ నాయకులు, కార్యకర్తలు ఆయన ప్రసంగాన్ని అడ్డుకున్నారు. ఒక పవిత్రమైన పండుగ వేదికపై రాజకీయ ప్రసంగాలు చేయడంపై బీజేపీ నేతలు తీవ్ర ఆగ్రహం వ్యక్తం చేశారు.
బీజేపీ, కాంగ్రెస్ వర్గాల మధ్య తోపులాట
ఈ ఘటనతో కాంగ్రెస్, బీజేపీ శ్రేణుల మధ్య తీవ్ర వాగ్వాదం చోటుచేసుకుంది. అది తోపులాటకు దారితీయడంతో ఆ ప్రాంతంలో గందరగోళ పరిస్థితి ఏర్పడింది. వెంటనే రంగంలోకి దిగిన పోలీసులు రెండు వర్గాలను చెదరగొట్టి, పరిస్థితిని అదుపులోకి తీసుకురావడానికి ప్రయత్నించారు.
ఈ ఘర్షణ నేపథ్యంలో, నల్గొండ(Nalgonda District)బీజేపీ అధ్యక్షుడు నాగం వర్షిత్ రెడ్డిని పోలీసులు అదుపులోకి తీసుకుని పోలీస్ స్టేషన్కు తరలించేందుకు ప్రయత్నించారు. అయితే, తమ నాయకుడి అరెస్టును నిరసిస్తూ బీజేపీ కార్యకర్తలు పోలీసులను అడ్డుకున్నారు. పోలీసుల చర్య ఏకపక్షంగా ఉందని, అధికార పార్టీకి అనుకూలంగా వ్యవహరిస్తున్నారని వారు ఆరోపించారు. అన్యాయంగా అరెస్టులు చేస్తే చూస్తూ ఊరుకోబోమని వారు హెచ్చరించారు. ఈ సందర్భంగా పోలీసులకు, బీజేపీ కార్యకర్తలకు మధ్య తీవ్ర వాగ్వాదం చోటుచేసుకుంది. అనంతరం పోలీసులు వారిని చెదరగొట్టి, పరిస్థితిని అదుపులోకి తెచ్చారు.
నల్గొండలో ఉద్రిక్తత ఎక్కడ చోటుచేసుకుంది?
నల్గొండ పాతబస్తీలోని ఒకటో నంబర్ వినాయకుడి మండపం వద్ద ఈ ఘటన జరిగింది.
ఈ ఘర్షణకు కారణం ఏమిటి?
గణేశ్ ఉత్సవాల వేదిక వద్ద మంత్రి కోమటిరెడ్డి వెంకట్ రెడ్డి రాజకీయ ప్రసంగాలు చేయడంపై బీజేపీ కార్యకర్తలు అభ్యంతరం వ్యక్తం చేయడంతో ఈ ఘటన చోటుచేసుకుంది.
Read hindi news : hindi.vaartha.com
Read also :
