Award-ప్రజాకవి, పద్మ విభూషణ్ కాళోజీ నారాయణరావు పేరిట తెలంగాణ ప్రభుత్వం ప్రతి ఏటా సాహితీ పురస్కారాన్ని ప్రదానం చేస్తోంది. ఈ సంవత్సరం 2025వ సంవత్సరానికి గాను కాళోజీ సాహితీ పురస్కారం(Kaloji Literary Award) కోసం తెలంగాణ భాషా సాంస్కృతిక శాఖ ఆధ్వర్యంలో నిపుణుల కమిటీని ఏర్పాటు చేశారు. ఈ కమిటీకి తెలంగాణ రాష్ట్ర గీత రచయిత, లోకకవి అందెశ్రీ అధ్యక్షత వహించారు. కమిటీ పరిశీలన తర్వాత, ఈసారి ప్రముఖ కవయిత్రి, రచయిత్రి, కాలమిస్ట్ నెల్లుట్ల రమాదేవిని 2025 కాళోజీ సాహితీ పురస్కారం గ్రహీతగా ఎంపిక చేసింది. ఈ నిర్ణయాన్ని ముఖ్యమంత్రి రేవంత్ రెడ్డి ఆమోదించి, రమాదేవికి అభినందనలు తెలిపారు.
ప్రముఖ కవయిత్రి, రచయిత్రి రమాదేవి గౌరవం
కాళోజీ జయంతి ఉత్సవాలలో భాగంగా, తెలంగాణ భాషా దినోత్సవం సందర్భంగా ఈ పురస్కారాన్ని సెప్టెంబర్ 9, 2025 సాయంత్రం 6 గంటలకు రవీంద్రభారతిలో అందజేస్తారు. ఈ కార్యక్రమంలో మంత్రులు జూపల్లి కృష్ణారావు, పొన్నం ప్రభాకర్, ఇతర ప్రముఖులు పాల్గొంటారు. రమాదేవి స్వస్థలం స్టేషన్ ఘన్పూర్(Station Ghanpur). ఆమె ఆంధ్రా బ్యాంకులో సీనియర్ మేనేజర్గా పనిచేసి, ప్రస్తుతం బ్యాంక్ ఉద్యోగులకు ట్రైనింగ్ ఫ్యాకల్టీగా సేవలందిస్తున్నారు. కవిత్వం, కార్టూన్లపై పలు రచనలు ప్రచురించారు. ఇప్పటికే సాహితీ రంగంలో అనేక పురస్కారాలు అందుకున్నారు. ఈసారి కాళోజీ పురస్కారం రమాదేవి సాహితీ ప్రయాణానికి మరొక గొప్ప గుర్తింపు కానుంది.
2025 కాళోజీ సాహితీ పురస్కారానికి ఎవరు ఎంపికయ్యారు?
ప్రముఖ కవయిత్రి, రచయిత్రి నెల్లుట్ల రమాదేవి ఎంపికయ్యారు.
ఈ అవార్డు ఎప్పుడు అందజేస్తారు?
సెప్టెంబర్ 9, 2025న రవీంద్రభారతిలో జరిగే కాళోజీ జయంతి ఉత్సవాల్లో అందజేస్తారు.
Read hindi news: hindi.vaartha.com
Read also:
