‘పల్లె సీమలే దేశానికి పట్టుకొమ్మలు’ అన్న నానుడిని నిజం చేస్తూ తెలంగాణ పల్లెలు దేశవ్యాప్తంగా ప్రశంసలు అందుకుంటున్నాయి. గ్రామీణ స్వపరిపాలనలో సమర్థవంతమైన పనితీరుతో రాష్ట్రం అగ్రస్థానంలో నిలుస్తోంది. 2023లో కేంద్ర ప్రభుత్వం ప్రకటించిన దీన్ దయాళ్ ఉపాధ్యాయ పంచాయతీ సతత్ వికాస్ పురస్కారాలు 9 విభాగాలకు గాను 8 విభాగాల్లో తెలంగాణ పంచాయతీలు అవార్డులు సాధించడం విశేషం. ఇది దేశవ్యాప్తంగా ఒక రికార్డు గా నిలిచింది. సమగ్ర అభివృద్ధి, పారదర్శక పాలన, ప్రజా భాగస్వామ్యంతో ఈ విజయాన్ని సాధించాయి.
Read also: Kishan Reddy: ప్రధాని మోడీ ఆదేశం మేరకే వచ్చా
Telangana villages as an example for the countr
ఆరోగ్యం, జలసంపద, మహిళా సాధికారతలో ప్రథమ స్థానాలు
కేంద్ర పంచాయతీ రాజ్ శాఖ ప్రకటించిన వివరాల ప్రకారం నాలుగు గ్రామాలు ప్రథమ స్థానంలో నిలిచి ఒక్కొక్కటి రూ.1 కోటి చొప్పున నగదు బహుమతి పొందాయి. కొత్తగూడెం జిల్లా గౌతంపూర్ ఆరోగ్యకర పంచాయతీగా గుర్తింపు పొందింది. జనగాం జిల్లా నెల్లుట్ల జల సమృద్ధి విభాగంలో అగ్రస్థానం దక్కించుకుంది. మహబూబ్నగర్ జిల్లా కొంగటపల్లి సామాజిక భద్రత విభాగంలో, సూర్యాపేట జిల్లా ఐపూర్ మహిళా స్నేహపూర్వక పంచాయతీగా నిలిచి జాతీయ గుర్తింపు సాధించాయి. ఈ విజయాలు గ్రామీణ అభివృద్ధికి ఆదర్శంగా నిలుస్తున్నాయి.
ద్వితీయ, తృతీయ స్థానాలతో కొనసాగుతున్న జైత్రయాత్ర
గద్వాల జిల్లా మందోడ్డి పేదరిక నిర్మూలన విభాగంలో, వికారాబాద్ జిల్లా చీమల్దారి సుపరిపాలన విభాగంలో ద్వితీయ స్థానాలు సాధించి రూ.75 లక్షలు గెలుచుకున్నాయి. పెద్దపల్లి జిల్లా సుల్తాన్పూర్ క్లీన్ అండ్ గ్రీన్ విభాగంలో, సిరిసిల్ల జిల్లా గంభీరావుపేట మౌలిక సదుపాయాల విభాగంలో తృతీయ స్థానాలు దక్కించుకుని రూ.50 లక్షల బహుమతి అందుకున్నాయి. తరువాతి సంవత్సరాల్లో కూడా తెలంగాణ తన ప్రతిభను చాటుకుంది. 2024లో చిల్లపల్లి గ్రామం, 2025లో రంగారెడ్డి జిల్లా మాల్ గ్రామం ప్రత్యేక విభాగాల్లో అగ్రస్థానాలు సాధించాయి. ఈ విజయాలు తెలంగాణ పల్లెలు స్థిరమైన అభివృద్ధి దిశగా దూసుకెళ్తున్నాయని స్పష్టంగా తెలియజేస్తున్నాయి.
Read hindi news: hindi.vaartha.com
Epaper: epaper.vaartha.com
Read Also:
