హైడ్రా కమిషనర్ రంగనాథ్ (Hydra Commissioner Ranganath) మీడియాతో మాట్లాడుతూ, కొన్ని వర్గాలు హైడ్రాపై కావాలనే తప్పుడు ప్రచారం చేస్తున్నాయని తీవ్ర ఆవేదన వ్యక్తం చేశారు. హైడ్రా తొలి వార్షికోత్సవాన్ని పురస్కరించుకుని బతుకమ్మకుంట వద్ద జరిగిన మానవహారంలో పాల్గొన్న ఆయన, విద్యార్థులు, ప్రజలతో కలిసి నీటి వనరుల పరిరక్షణపై ప్రతిజ్ఞ చేయించారు.ఒవైసీ కళాశాలలపై పదే పదే తప్పుడు ఆరోపణలు చేస్తున్నారని రంగనాథ్ అన్నారు. హైడ్రా సమాజానికి మేలు చేసే లక్ష్యంతోనే పని చేస్తుందని ఆయన స్పష్టం చేశారు. “ఒవైసీ కళాశాలల విషయంలో మేం అప్పుడే స్పష్టంగా చెప్పాం, అని ఆయన గుర్తు చేశారు.
చెరువుల నోటిఫికేషన్ వివరాలు
2015-16లో ఆ కళాశాలలు నిర్మించబడ్డాయని, వాటి ప్రాంతం 2016లో మాత్రమే ప్రాథమిక నోటిఫికేషన్కు లోబడ్డదని ఆయన వివరించారు. “ఇప్పటివరకు 540 చెరువులకు మాత్రమే ప్రాథమిక నోటిఫికేషన్ ఉంది. 140 చెరువులకే తుది నోటిఫికేషన్ ఉంది,” అని ఆయన తెలిపారు.ఒవైసీ కళాశాలలపైనే ఎందుకు ప్రత్యేకంగా ప్రశ్నిస్తున్నారని రంగనాథ్ ప్రశ్నించారు. హైడ్రా అన్నది అన్ని వర్గాల విద్యా సంస్థలపై ఒకే దృక్కోణంతో చూస్తుందని ఆయన స్పష్టం చేశారు. “పేదలపై మనకు ఎలాంటి పగ లేదు,” అని ఖండించారు.
ఆక్రమణల వెనుక రాజకీయ ముళ్లు
“పెద్దలే ఆక్రమణల వెనుక ఉన్నారు. వాళ్లు పేదలను ముందుకు నెట్టి తప్పించుకుంటున్నారు,” అని ఆరోపించారు. ప్రజలు తమ ఆస్తులను ఆక్రమణదారుల నుంచి కాపాడుకోవాలని సూచించారు.ఈ ఏడాది బతుకమ్మ పండుగను సీఎం రేవంత్ రెడ్డి ప్రారంభించనున్నారని తెలిపారు. అందుకు అనుగుణంగా బతుకమ్మకుంటను పూర్తిస్థాయిలో అభివృద్ధి చేస్తామని చెప్పారు.
Read Also : Chandrababu : రెండ్రోజుల్లో అమరావతి గ్రీన్ హైడ్రోజన్ డిక్లరేషన్ : చంద్రబాబు ప్రకటన
