హైదరాబాద్ వనస్థలిపురంలో బోనాల వేళ (Bonal time) ఓ విషాదకర ఘటన చోటుచేసుకుంది. ఫ్రిజ్లో నిల్వ చేసిన మాంసాహారాన్ని (Meat stored in the fridge) వేడి చేసి తినడంతో ఒక వ్యక్తి ప్రాణాలు కోల్పోయాడు. అదే ఆహారం తిన్న ఏడుగురు కుటుంబ సభ్యులు తీవ్ర అస్వస్థతకు గురై ఆసుపత్రి పాలయ్యారు.చింతల్కుంట ఆర్టీసీ కాలనీలో నివసించే శ్రీనివాస్ యాదవ్ ఆదివారం మటన్ తీసుకువచ్చారు. రాత్రి ఇంట్లో వండుకుని కుటుంబ సభ్యులతో కలసి భోజనం చేశారు. మిగిలిన మాంసాన్ని ఫ్రిజ్లో ఉంచారు. మరుసటి రోజు అదే మాంసాన్ని తిరిగి వేడి చేసి తిన్నారు.తిన్న కొద్ది గంటలకే కుటుంబ సభ్యులందరికీ వాంతులు, విరేచనాలు ప్రారంభమయ్యాయి. ఆహారం విషపూరితం అయ్యే అవకాశం ఉందని కుటుంబ సభ్యులు భావించారు. వెంటనే వారిని సమీపంలోని ప్రైవేటు ఆసుపత్రికి తరలించారు.
శ్రీనివాస్ యాదవ్ మృతి – కుటుంబంలో విషాదం
విషపూరిత ఆహార ప్రభావంతో శ్రీనివాస్ యాదవ్ ఆరోగ్య పరిస్థితి తీవ్రమైంది. చికిత్స పొందుతూ సోమవారం ఉదయం ఆయన మృతి చెందారు. మిగిలిన ఏడుగురు కుటుంబ సభ్యులు ఇంకా ఆసుపత్రిలో చికిత్స పొందుతున్నారు.ఈ ఘటనపై వనస్థలిపురం పోలీసులు కేసు నమోదు చేశారు. ఆహార విషపూరిత ఎలా ఏర్పడిందన్న దానిపై విచారణ చేపట్టారు. ఫ్రిజ్లో నిల్వ చేసిన మాంసం కారణంగా బ్యాక్టీరియా పెరిగి ఉండే అవకాశం ఉన్నట్టు ప్రాథమిక అంచనా.
పాత మాంసాహారం తినడంలో అప్రమత్తత అవసరం
ఈ ఘటన అందరికీ హెచ్చరికగా మారింది. ఫ్రిజ్లో ఉంచిన ఆహారాన్ని మళ్లీ తినేటప్పుడు జాగ్రత్తలు తీసుకోవాలి. వాసన, రంగు మార్చిన మాంసాన్ని తినకూడదు. వేడి చేసినా సురక్షితం అన్న గ్యారంటీ ఉండదు.బోనాల శుభ వేళలో ఓ కుటుంబం దుఃఖంలో మునిగిపోయింది. అందువల్ల ప్రతి ఒక్కరూ ఆహార విషయంలో అప్రమత్తంగా ఉండాలి. చిన్న అజాగ్రత్త కూడా జీవితం మారుస్తుందని ఈ ఘటన చెబుతోంది.
Read Also : Heavy Rains : తెలంగాణలోని ఆ నాల్గు జిల్లాలో అతిభారీ వర్షాలు..
