తెలంగాణ రాజకీయాల్లో సంచలనం సృష్టించిన ఫోన్ ట్యాపింగ్ కేసు రోజుకో కొత్త మలుపు తిరుగుతోంది. ఈ కేసు దర్యాప్తులో భాగంగా తాజాగా బీఆర్ఎస్ ఎమ్మెల్సీ నవీన్ రావుకు ప్రత్యేక విచారణ బృందం (SIT) నోటీసులు జారీ చేయడం హాట్ టాపిక్గా మారింది. ఈరోజు ఉదయం 11 గంటలకు జూబ్లీహిల్స్ పోలీస్ స్టేషన్లో విచారణకు హాజరుకావాలని అధికారులు ఆదేశించారు. గత కొంతకాలంగా సాగుతున్న దర్యాప్తులో వెలుగుచూసిన కీలక ఆధారాల ప్రాతిపదికన, నవీన్ రావును ప్రశ్నించడం ద్వారా ఈ కేసులో మరిన్ని లోతైన విషయాలు బయటకు వస్తాయని పోలీసులు భావిస్తున్నారు.
Satya Kumar: 108 సర్వీసులపై వైసీపీ ప్రచారం..తిప్పికొట్టిన ప్రభుత్వం
ఈ కేసులో నవీన్ రావు పాత్రపై సిట్ అధికారులకు కొన్ని కీలక అనుమానాలు ఉన్నాయి. ఒక ప్రత్యేక ఎలక్ట్రానిక్ డివైజ్ (Special Device) సహాయంతో ఆయన ఫోన్ ట్యాపింగ్కు పాల్పడినట్లు ప్రాథమిక దర్యాప్తులో తేలినట్లు సమాచారం. సాధారణంగా ప్రభుత్వ విభాగాల నిఘా పరిధిలో ఉండే పరికరాలను కాకుండా, ప్రైవేటుగా కొందరు వ్యక్తుల ఫోన్లను ట్యాప్ చేయడానికి ఈ పరికరాన్ని వాడారా? అనే కోణంలో పోలీసులు విచారించనున్నారు. ముఖ్యంగా రాజకీయ ప్రత్యర్థుల కదలికలను కనిపెట్టడానికి లేదా వ్యక్తిగత ప్రయోజనాల కోసం ఈ ట్యాపింగ్ జరిగిందా అనే అంశంపై ఇవాళ అధికారులు ఆయనపై ప్రశ్నల వర్షం కురిపించే అవకాశముంది.
నవీన్ రావు రాజకీయ నేపథ్యం చూస్తే, ఆయన సుదీర్ఘ కాలంగా మాజీ ముఖ్యమంత్రి కేసీఆర్ నమ్మకస్తుడిగా ఉంటూ వచ్చారు. తెలంగాణ ఉద్యమ కాలం నుండి కేసీఆర్ వెంటే ఉండి పార్టీ పటిష్టతకు కృషి చేసినందుకు గుర్తింపుగా, 2019లో ఆయనకు బీఆర్ఎస్ తరపున ఎమ్మెల్సీగా అవకాశం కల్పించారు. కేసీఆర్ కుటుంబానికి అత్యంత సన్నిహితుడిగా పేరున్న నేత కావడంతో, ఇప్పుడు ఆయనపై ఫోన్ ట్యాపింగ్ ఆరోపణలు రావడం రాజకీయ వర్గాల్లో చర్చనీయాంశమైంది. ఒకవేళ విచారణలో ఆయన పాత్ర ఉన్నట్లు రుజువైతే, ఈ కేసు మరికొందరు కీలక నేతల చుట్టూ తిరిగే అవకాశం ఉందని విశ్లేషకులు భావిస్తున్నారు.
Read hindi news: hindi.vaartha.com
Epaper : epaper.vaartha.com
