Nandyala road accident : నంద్యాల జిల్లా లో శుక్రవారం తెల్లవారుజామున జరిగిన ఘోర రోడ్డు ప్రమాదం తీవ్ర విషాదాన్ని మిగిల్చింది. ఈ ప్రమాదంలో నలుగురు అక్కడికక్కడే మృతి చెందగా, మరో ఇద్దరి పరిస్థితి విషమంగా ఉన్నట్లు అధికారులు తెలిపారు. మృతులంతా హైదరాబాద్ వాసులుగా గుర్తించారు.
ఈ దుర్ఘటన ఆళ్లగడ్డ మండలం నల్లగట్ల–బత్తలూరు గ్రామాల మధ్యగా ఉన్న 40వ నంబర్ జాతీయ రహదారిపై జరిగింది. పోలీసులు తెలిపిన వివరాల ప్రకారం, ఆరుగురు ప్రయాణిస్తున్న కారు తిరుపతి నుంచి హైదరాబాద్ వైపు వెళ్తుండగా, తెల్లవారుజామున సుమారు 3 గంటల సమయంలో డ్రైవర్ కంటిమీద కునుకు రావడంతో వాహనంపై అదుపు కోల్పోయాడు.
దీంతో కారు రోడ్డు డివైడర్ను దాటి ఎదురుగా వస్తున్న ప్రైవేట్ ట్రావెల్స్ బస్సును ఢీకొట్టింది. ఈ బస్సు హైదరాబాద్ నుంచి పుదుచ్చేరికి వెళ్తున్నట్లు పోలీసులు తెలిపారు. ప్రమాద తీవ్రత కారణంగా కారు ముందు భాగం పూర్తిగా నుజ్జునుజ్జయింది.
Read also: Water Board: హైదరాబాద్లో నీటి సరఫరాకు 36 గంటల అంతరాయం
ఈ ఘటనలో కారులో ఉన్న నలుగురు అక్కడికక్కడే (Nandyala road accident) ప్రాణాలు కోల్పోయారు. మరో ఇద్దరు తీవ్రంగా గాయపడ్డారు. సమాచారం అందుకున్న వెంటనే పోలీసులు, స్థానికులు ఘటనా స్థలానికి చేరుకుని సహాయక చర్యలు చేపట్టారు. వాహనంలో చిక్కుకుపోయిన మృతదేహాలను మరియు క్షతగాత్రులను ఎంతో శ్రమించి బయటకు తీసి, గాయపడిన వారిని సమీప ప్రభుత్వ ఆసుపత్రికి తరలించారు. బస్సులో ప్రయాణిస్తున్నవారంతా సురక్షితంగా ఉన్నారని అధికారులు తెలిపారు.
ప్రమాద స్థలాన్ని కె. ప్రమోద్ కుమార్ (ఆళ్లగడ్డ డీఎస్పీ) పరిశీలించారు. డ్రైవర్ నిద్రమత్తే ఈ ప్రమాదానికి ప్రధాన కారణమని ప్రాథమికంగా నిర్ధారించినట్లు పోలీసులు వెల్లడించారు. మృతదేహాలను పోస్టుమార్టం నిమిత్తం ఆళ్లగడ్డ ప్రభుత్వ ఆసుపత్రికి తరలించి, కేసు నమోదు చేసి దర్యాప్తు చేపట్టారు.
ఈ జాతీయ రహదారిపై తరచూ ప్రమాదాలు జరుగుతున్నాయని, ముఖ్యంగా తెల్లవారుజామున డ్రైవర్ల అలసట, నిద్రమత్తు కారణంగా ఇలాంటి దుర్ఘటనలు పెరుగుతున్నాయని స్థానికులు ఆందోళన వ్యక్తం చేస్తున్నారు.
Read hindi news: hindi.vaartha.com
Epaper : epaper.vaartha.com
Read also:
