హైదరాబాద్ మెట్రో (Hyderabad Metro) రైలు ప్రయాణికులకు షాకింగ్ న్యూస్. నేటి (మే 17) నుంచి మెట్రో ఛార్జీలను భారీగా పెంచింది సంస్థ. ఇప్పటి వరకు కనీసంగా రూ.10 ఉండే టికెట్ ధరను రూ.12కు పెంచారు. అంతేగాక, గరిష్ఠంగా రూ.60 వరకు ఉండే టికెట్ రేటును రూ.75కి పెంచారు. రోజూ మెట్రోపై ప్రయాణించే వారికీ, విద్యార్థులకు ఇది నిధులపై అదనపు భారం కిందపడనుంది.
పెరిగిన చార్జీలు చూస్తే
పెరిగిన చార్జీలు (Increased charges) దశలవారీగా అమలులోకి వచ్చాయి. 2 కిలోమీటర్ల వరకూ ఛార్జీ రూ.12 కాగా, 6 కి.మీ వరకు రూ.18గా, 9 కి.మీ వరకు రూ.30గా, 12 కి.మీ వరకు రూ.40గా వసూలు చేయనున్నారు. అలాగే, 15 కి.మీ వరకూ రూ.55, 18 కి.మీ వరకూ రూ.60, 21 కి.మీ వరకూ రూ.66, 24 కి.మీ వరకూ రూ.70గా నిర్ణయించారు. 24 కి.మీ కంటే ఎక్కువ ప్రయాణిస్తే, ప్రయాణికులు గరిష్ఠంగా రూ.75 చెల్లించాల్సి ఉంటుంది.
మెట్రో ఈ నిర్ణయం తీసుకోవడానికి కారణం
మెట్రో నిర్వాహకులు తమ ఖర్చులను పరిశీలించి, మౌలిక వసతుల నిర్వహణ, మెరుగుదల పేరుతో ఈ నిర్ణయం తీసుకున్నట్టు చెబుతున్నారు. అయితే ప్రజలు ఈ పెరుగుదలపై తీవ్ర అసంతృప్తి వ్యక్తం చేస్తున్నారు. పెరిగిన ధరల వల్ల రోజూ మెట్రోలో ప్రయాణించే మధ్య తరగతి కుటుంబాలపై ప్రభావం పడనుంది. ప్రభుత్వం ప్రజలపై భారం మోపకుండా, ప్రయాణ వ్యయాన్ని సమీక్షించి, మళ్లీ సవరణ చేయాలని వారు డిమాండ్ చేస్తున్నారు.
Read Also : Chandrababu Naidu : బెజవాడలో బీజేపీ ర్యాలీ… హాజరైన చంద్రబాబు, పవన్ కల్యాణ్
