KTR phone tapping case : తెలంగాణ రాజకీయాల్లో సంచలనం సృష్టించిన ఫోన్ ట్యాపింగ్ కేసులో కీలక పరిణామం చోటుచేసుకుంది. ఈ కేసులో కేటీఆర్ కు ప్రత్యేక దర్యాప్తు బృందం (SIT) నోటీసులు జారీ చేసింది. శుక్రవారం ఉదయం 11 గంటలకు జూబ్లీహిల్స్ పోలీస్ స్టేషన్లోని SIT కార్యాలయంలో విచారణకు హాజరుకావాలని ఆదేశించింది.
ఈ కేసులో ఇప్పటికే పలువురు పోలీసు అధికారులు అరెస్టు కావడంతో పాటు విచారణ కొనసాగుతోంది. ఇప్పుడు రాజకీయ నేతల విచారణకు రంగం సిద్ధం కావడంతో రాష్ట్ర రాజకీయాల్లో తీవ్ర ఉత్కంఠ నెలకొంది. ఫోన్ ట్యాపింగ్ కేసులో కేటీఆర్కు ఇది తొలిసారి నోటీసులు అందడం గమనార్హం.
Read Also: Chittoor: చంద్రబాబు చిత్తూరు జిల్లా పర్యటన ఏర్పాట్లను పరిశీలించిన కలెక్టర్
గురువారం నందినగర్లోని కేటీఆర్ నివాసానికి SIT అధికారులు (KTR phone tapping case) నోటీసులు అందజేశారు. సెక్షన్ 160 CRPC కింద ఈ నోటీసులు జారీ చేసినట్లు అధికారులు తెలిపారు. ఈ నోటీసుల ద్వారా విచారణకు హాజరై సహకరించాలని సూచించారు.
ఇదే కేసులో రెండు రోజుల క్రితం **హరీష్ రావు**ను SIT అధికారులు విచారించారు. హైదరాబాద్ సీపీ **సజ్జనార్**ను SIT చీఫ్గా నియమించిన తర్వాత ఈ కేసు విచారణ వేగం పుంజుకుంది. రాబోయే రోజుల్లో మరిన్ని కీలక పరిణామాలు చోటుచేసుకునే అవకాశం ఉందని రాజకీయ వర్గాలు భావిస్తున్నాయి.
Read hindi news: hindi.vaartha.com
Epaper: epaper.vaartha.com
Read Also:
