తెలంగాణ మాజీ ముఖ్యమంత్రి కేసీఆర్(KCR)ను మాజీ మంత్రి తన్నీరు హరీశ్ రావు ఎర్రవల్లి ఫామ్ హౌస్లో భేటీ అయ్యారు. కాళేశ్వరం ప్రాజెక్టు(Kaleshwaram Project)కు సంబంధించిన జస్టిస్ పీసీ ఘోష్ కమిషన్ విచారణకు హాజరైన హరీశ్ రావు, జరిగిన విచారణ వివరాలను కేసీఆర్తో పంచుకున్నట్లు సమాచారం. ప్రాజెక్టు నిర్మాణ కాలంలో తీసుకున్న నిర్ణయాలు, ఆర్థిక ఖర్చుల అంశాలపై విచారణలో హరీశ్ రావు వివరణ ఇచ్చినట్లు తెలుస్తోంది.
కేటీఆర్ కూడా సమావేశానికి హాజరు
ఈ కీలక సమావేశానికి మాజీ మంత్రి కేటీఆర్ కూడా హాజరైనట్టు సమాచారం. ప్రాజెక్టు విషయంలో బీఆర్ఎస్ నేతలపై కొనసాగుతున్న విమర్శలు, ఆరోపణల నేపథ్యంలో ఈ భేటీ ప్రాధాన్యత సంతరించుకుంది. కమిషన్ ముందు ఇచ్చే నివేదికలకు సంబంధించిన సమన్వయంపై ఈ సమావేశంలో చర్చ జరిగినట్టు బీఆర్ఎస్ వర్గాలు తెలిపాయి. భవిష్యత్తులో పార్టీ వ్యూహం, ప్రజల ముందుకు వెళ్లే విధానంపై కూడా ఈ భేటీలో చర్చ జరిగిందన్న ఊహాగానాలు ఉన్నాయి.
కేసీఆర్ కమిషన్ ముందు హాజరు కానున్న తేదీ ఖరారు
కాళేశ్వరం ప్రాజెక్టుకు సంబంధించిన విచారణలో ఈ నెల 11న మాజీ సీఎం కేసీఆర్ స్వయంగా కమిషన్ ముందు హాజరుకానున్నారు. ఆయన దశల వారీగా ప్రాజెక్టు ఆరంభం నుంచి తీసుకున్న నిర్ణయాలు, అంచనాలు, మరియు అనుబంధ అభివృద్ధి అంశాలపై పూర్తి వివరాలతో సమాధానం ఇచ్చేందుకు సిద్ధంగా ఉన్నట్టు తెలుస్తోంది. ఈ విచారణ రాష్ట్ర రాజకీయాల్లో కీలక మలుపు తిరుగనుందని విశ్లేషకులు భావిస్తున్నారు.
Read Also : Warning : సీఎం చంద్రబాబుకు వైఎస్ జగన్ వార్నింగ్
