Prajavani Grievances: మెదక్: ప్రజల నుండి అందే ప్రజావాణి అర్జీల పరిష్కారంపై అధికారులు ప్రత్యేక శ్రద్ధ వహించాలని, పెండింగ్ దరఖాస్తులను అర్హత మేరకు త్వరితగతిన పరిష్కరించాలని జిల్లా కలెక్టర్ ప్రతిమా సింగ్ స్పష్టం చేశారు. సోమవారం కలెక్టరేట్ ప్రజావాణి హాలులో నిర్వహించిన కార్యక్రమంలో ఆమె ప్రజల నుండి నేరుగా వినతులను స్వీకరించారు.
Read Also: Sakala Janula Samme: కేసీఆర్, కేటీఆర్పై నమోదైన కేసును కొట్టివేసిన నాంపల్లి కోర్టు
80 దరఖాస్తుల స్వీకరణ
ఈ వారం నిర్వహించిన ప్రజావాణిలో వివిధ సమస్యలపై ప్రజల నుండి 80 వినతులు అందాయి. గత వారం అందిన దరఖాస్తులపై అధికారులు తీసుకున్న చర్యలను కలెక్టర్ శాఖల వారీగా సమీక్షించారు. అందిన ప్రతి అర్జీని క్షుణ్ణంగా పరిశీలించి, బాధితులకు తక్షణమే న్యాయం జరిగేలా చర్యలు తీసుకోవాలని అధికారులకు స్పష్టమైన ఆదేశాలు జారీ చేశారు.
Prajavani Grievances: క్షేత్రస్థాయి పర్యటనలు తప్పనిసరి
అనంతరం అధికారులతో జరిగిన సమీక్షా సమావేశంలో కలెక్టర్ మాట్లాడుతూ.. అధికారులందరూ కార్యాలయాలకే పరిమితం కాకుండా క్షేత్రస్థాయిలో పర్యటించాలని సూచించారు. గ్రామాల్లో పర్యటించినప్పుడే వాస్తవ పరిస్థితులు తెలుస్తాయని, తద్వారా అభివృద్ధి పథకాలపై స్పష్టమైన నివేదికలు అందజేయవచ్చని తెలిపారు. ప్రభుత్వ పథకాలను ప్రజలకు అత్యంత చేరువ చేయడంలో చిత్తశుద్ధితో వ్యవహరించాలని, విధి నిర్వహణలో నిర్లక్ష్యాన్ని సహించేది లేదని ఆమె హెచ్చరించారు.
పటిష్ట కార్యచరణతో ముందడుగు
శాఖల వారీగా పనితీరు మెరుగుపడేందుకు పటిష్టమైన కార్యచరణతో ముందుకు వెళ్తున్నామని కలెక్టర్ వివరించారు. ఈ కార్యక్రమంలో అదనపు కలెక్టర్ నగేష్, జడ్పీ సీఈఓ ఎల్లయ్య, డి.ఆర్.డి.ఓ పీడీ శ్రీనివాసరావు మరియు వివిధ శాఖల జిల్లా అధికారులు పాల్గొన్నారు.
hindi news: hindi.vaartha.com
Epaper: epaper.vaartha.com
Read Also:
