Revanth Reddy: తెలంగాణ రాష్ట్ర ప్రజలకు ముఖ్యమంత్రి రేవంత్ రెడ్డి ఘనంగా వినాయక చవితి శుభాకాంక్షలు తెలియజేశారు. రాష్ట్ర ప్రజల జీవితాల్లో ఎదురయ్యే ప్రతిరకమైన విఘ్నాలను తొలగించి, అందరి మోముల్లోనూ ఆనందం, సిరిసంపదలు, పరిపూర్ణ ఆరోగ్యం వెల్లివిరిసేలా చూడాలని ఆ విఘ్నేశ్వరుడిని ప్రార్థించినట్లు ఆయన పేర్కొన్నారు. ప్రజలందరూ భక్తిశ్రద్ధలతో పండుగను జరుపుకోవాలని కోరారు.
వాడవాడలా భక్తిశ్రద్ధలతో పూజలు
రాష్ట్రవ్యాప్తంగా ప్రతి వీధిలోనూ, వాడవాడలా అత్యంత వైభవంగా వెలిసే వినాయక మండపాలలో భక్తులు ఎంతో నిష్టతో, భక్తిశ్రద్ధలతో పూజా కార్యక్రమాలను నిర్వహించుకోవాలని సీఎం సూచించారు. పండుగ వాతావరణం ఎటువంటి ఆటంకాలు లేకుండా ప్రశాంతంగా సాగిపోవాలని ఆయన ఆకాంక్షించారు.
Revanth Reddy: ఉత్సవ కమిటీలకు ప్రభుత్వం శుభవార్త
గత ఏడాద మాదిరిగానే ఈ ఏడాది కూడా వినాయక మండపాల నిర్వహణ కోసం రాష్ట్ర ప్రభుత్వం తరఫున ఉచిత విద్యుత్ సౌకర్యం కల్పిస్తున్నట్లు సీఎం రేవంత్ రెడ్డి ప్రకటించారు. ఉత్సవ కమిటీలకు ఆర్థిక భారం తగ్గించాలనే ఉద్దేశంతో ప్రభుత్వం ఈ నిర్ణయం తీసుకున్నట్లు ఆయన వెల్లడించారు.
Read Also hindi news: hindi.vaartha.com
Epaper: epaper.vaartha.com
Read Also:
