తెలంగాణలో అంతర్జాతీయ స్థాయిలో నిర్వహించనున్న ప్రపంచ సుందరి పోటీల (miss world 2025 hyderabad) నేపథ్యంలో రాష్ట్రంలో పర్యాటకోత్సాహం నెలకొంది. వివిధ దేశాల నుంచి వచ్చిన సుందరీమణులకు తెలంగాణ ప్రభుత్వం ఘనంగా ఆతిథ్యం ఇవ్వడానికి సిద్ధమైంది. ఈ సందర్భంగా రాష్ట్రంలోని చారిత్రక ప్రాధాన్యం గల కట్టడాలు, ప్రముఖ పర్యాటక ప్రదేశాలను వారికి పరిచయం చేసేందుకు ప్రత్యేక పర్యటనలు ఏర్పాటు చేశారు.
రామప్ప దేవాలయాన్ని సందర్శించనున్న సుందరీమణులు
ఈ కార్యక్రమంలో భాగంగా బుధవారం ప్రపంచ సుందరీమణులు వరంగల్ జిల్లా పాలంపేటలోని ప్రసిద్ధ రామప్ప దేవాలయాన్ని (Ramappa temple) సందర్శించనున్నారు. యునెస్కో వారసత్వ గుర్తింపు పొందిన ఈ ఆలయం తెలంగాణ చారిత్రక, శిల్పకళా మహత్తును ప్రతిబింబిస్తుంది. ఈ మేరకు స్థానిక అధికారులు అన్ని ఏర్పాట్లు పూర్తి చేశారు. ఆలయ పరిసరాల్లో భద్రతా ఏర్పాట్లతో పాటు సాంస్కృతిక కార్యక్రమాలకు కూడా సిద్ధంగా ఉన్నారు.
రాష్ట్ర ప్రభుత్వం ఒక ప్రత్యేక ప్రొమో
అతిథులకు తెలంగాణ సంప్రదాయాలను పరిచయం చేయడంలో భాగంగా రాష్ట్ర ప్రభుత్వం ఒక ప్రత్యేక ప్రొమో వీడియోను రూపొందించింది. ఈ వీడియోలో తెలంగాణ ప్రజల అతిథి సత్కార తత్వాన్ని, సంస్కృతి, కళలు, చరిత్రను వివరించారు. ఈ కార్యక్రమం ద్వారా రాష్ట్ర పర్యాటక రంగానికి కొత్త ఊపొచ్చే అవకాశం ఉందని అధికారవర్గాలు అభిప్రాయపడుతున్నాయి.
Read Also : Vallabhaneni Vamsi: వల్లభనేని వంశీకి బెయిల్
