School Holidays : తెలంగాణలో ప్రభుత్వ, ప్రైవేట్ స్కూళ్లకు సంబంధించి రాష్ట్ర విద్యాశాఖ కీలక ప్రకటన చేసింది. ఈ నెల 24వ తేదీ నుంచి పాఠశాలలకు వేసవి సెలవులు ఇస్తున్నట్లు విద్యాశాఖ ప్రకటించింది. ఈ మేరకు విద్యాశాఖ అధికారిక ప్రకటన విడుదల చేసింది. జూన్ 12వ తేదీన పాఠశాలలు పునఃప్రారంభం అవుతాయని పేర్కొంది. విద్యా సంవత్సరం క్యాలెండర్ ప్రకారమే షెడ్యూల్ను ఖరారు చేసినట్లు వెల్లడించింది. కాగా వేసవి సెలవులపై రకరకాల ప్రచారాలు జరుగుతున్న నేపథ్యంలో విద్యాశాఖ ఈ ప్రకటన జారీ చేసింది. ఏప్రిల్ 23 లోపు పరీక్షలు పూర్తవ్వనున్న నేపథ్యంలో అదే రోజు పరీక్షా ఫలితాలు నిర్వహించనున్న సంగతి తెలిసిందే. ఈ క్రమంలో ఏప్రిల్ 24 నుంచే వేసవి సెలవులు ప్రకటించింది.
24 నుంచి తెలంగాణలో స్కూళ్లకు సమ్మర్ హాలిడేస్
కాగా, స్కూళ్లకు మరింత ముందుగానే సెలవులు రానున్నట్లు గత రెండు రోజులగా ప్రచారం జరుగుతుంది. మామూలుగా ఏప్రిల్ 24 నుంచి తెలంగాణలో స్కూళ్లకు సమ్మర్ హాలిడేస్ ప్రారంభం అవుతాయని అకడమిక్ క్యాలెండర్లో పేర్కొన్నారు. కానీ.. ఎండలు తీవ్రంగా పెరిగిపోవడంతో మూడు రోజులు ముందుగానే స్కూళ్లకు సెలవులు ఇవ్వనున్నట్లు ప్రచారం జరిగింది. అంటే ఏప్రిల్ 20 నుంచే సెలవులు ఇస్తారని సర్య్కులేట్ అయింది. ఈ నేపథ్యంలో విద్యార్థులు, తల్లిదండ్రులు సమ్మర్ హాలిడేస్పై ఆరాతీస్తున్నారు. ఈ క్రమంలో తాజాగా తెలంగాణ విద్యాశాక సమ్మర్ హాలిడేస్కి సంబంధించి క్లారిటీ ఇచ్చింది.
Read Also: త్వరలో అకౌంట్లోకి డబ్బులు
