WhatsApp: నేటి నుంచి ఈ ఫోన్లలో వాట్సాప్ సేవలు బంద్

2025 జూన్ 1 నుంచి వాట్సాప్ (WhatsApp) పలు పాత తరం స్మార్ట్‌ఫోన్లపై తన సేవలను పూర్తిగా నిలిపివేసింది. ఈ నిర్ణయం ప్రపంచవ్యాప్తంగా లక్షలాది మంది వినియోగదారులకు ప్రభావం చూపనుంది. మెటా (Meta) అధీనంలోని ఈ మెసేజింగ్ దిగ్గజం, సాంకేతిక అభివృద్ధి, భద్రతా ప్రమాణాలు, మరియు యాప్ పనితీరు మెరుగుదల నిమిత్తం ఈ కీలక నిర్ణయం తీసుకుంది.

ఎందుకు నిలిపివేశారు?
వాట్సాప్ ప్రకటన ప్రకారం, పాత ఆపరేటింగ్ సిస్టమ్‌లు (Operating Systems) ఆధునిక ఫీచర్లకు సరైన మద్దతు ఇవ్వలేవు. ముఖ్యంగా

వాట్సాప్ ఎప్పటికప్పుడు తన కనీస సిస్టమ్ అవసరాలను అప్‌డేట్ చేస్తూ ఉంటుంది. కొత్త ఆపరేటింగ్ సిస్టమ్ ఫీచర్లను ఉపయోగించుకోవడం, యాప్ భద్రతను పటిష్టం చేయడం, మొత్తం పనితీరును ఆప్టిమైజ్ చేయడం దీని వెనుక ఉన్న ప్రధాన లక్ష్యాలు. పాత తరం డివైజ్‌లు, వాటి హార్డ్‌వేర్ పరిమితుల కారణంగా, ఎండ్-టు-ఎండ్ ఎన్‌క్రిప్షన్, వీడియో కాలింగ్, కొత్త యూజర్ ఇంటర్‌ఫేస్ ఎలిమెంట్స్ వంటి ఆధునిక యాప్ ఫంక్షనాలిటీలకు సరిగా సపోర్ట్ చేయలేవు. పాత సిస్టమ్‌లకు సపోర్ట్ నిలిపివేయడం ద్వారా, ప్రపంచవ్యాప్తంగా ఉన్న సుమారు 300 కోట్ల మంది వినియోగదారులకు స్థిరమైన, మెరుగైన అనుభవాన్ని అందించాలని వాట్సాప్ లక్ష్యంగా పెట్టుకుంది.

ఏ ఏ ఫోన్లపై ప్రభావం

ఐఫోన్లలో వాట్సాప్ పనిచేయాలంటే కనీసం ఐఓఎస్ 15.1 లేదా ఆ తర్వాతి వెర్షన్ ఉండాలి. అలాగే, ఆండ్రాయిడ్ ఫోన్లలో అయితే ఆండ్రాయిడ్ 5.1 లేదా అంతకంటే కొత్త వెర్షన్ తప్పనిసరి. దీంతో పలు పాత తరం ఫోన్లలో వాట్సాప్ సేవలు అందుబాటులో ఉండవు.

ముఖ్యంగా ఐఫోన్ 5ఎస్, ఐఫోన్ 6, మరియు ఐఫోన్ 6 ప్లస్ మోడళ్లలో ఇకపై వాట్సాప్ పనిచేయదు. ఈ ఫోన్లు ఐఓఎస్ 15.1 కన్నా తక్కువ వెర్షన్లకు మాత్రమే సపోర్ట్ చేస్తాయి కాబట్టి, కొత్త వాట్సాప్ వెర్షన్‌తో అవి అనుకూలంగా ఉండవు. అయితే, ఐఫోన్ 6ఎస్, ఐఫోన్ 6ఎస్ ప్లస్, మరియు ఐఫోన్ ఎస్ఈ (మొదటి తరం) మోడళ్లు ప్రస్తుతం ఐఓఎస్ 15.8.4 వెర్షన్‌ వరకు సపోర్ట్ చేస్తాయి. కాబట్టి, ఈ ఫోన్లలో ప్రస్తుతానికి వాట్సాప్ పనిచేస్తుంది. మరో ఏడాది లేదా రెండేళ్లలో వాట్సాప్ తన కనీస అవసరాలను మళ్లీ పెంచినప్పుడు వీటిపై ప్రభావం పడొచ్చు.

ఆండ్రాయిడ్ విషయానికొస్తే, ఆండ్రాయిడ్ 5.0 (లాలీపాప్) లేదా అంతకంటే పాత వెర్షన్లపై పనిచేస్తున్న డివైజ్‌లలో కూడా వాట్సాప్ సపోర్ట్ నిలిచిపోతుంది. ఉదాహరణకు, శాంసంగ్ గెలాక్సీ ఎస్3, హెచ్‌టీసీ వన్ ఎక్స్, సోనీ ఎక్స్‌పీరియా జెడ్ వంటి పాత మోడళ్లు ఈ జాబితాలో ఉంటాయి. ఆండ్రాయిడ్ ప్లాట్‌ఫామ్‌లో చాలా రకాల మోడళ్లు ఉండటం వల్ల, ప్రభావితమయ్యే ఫోన్ల కచ్చితమైన జాబితా మారుతూ ఉండొచ్చు.

ఏం చేయాలి? పరిష్కార మార్గాలు

డివైజ్ అప్‌గ్రేడ్ చేయండి

ఐఓఎస్ 15.1 లేదా ఆండ్రాయిడ్ 5.1 పైకి సపోర్ట్ చేసే కొత్త స్మార్ట్‌ఫోన్‌కు మారడం ఉత్తమ పరిష్కారం. మధ్యతరగతి ధరలో మంచి ఫోన్లు ఇవే

సాఫ్ట్‌వేర్ అప్‌డేట్

ఐఫోన్ 6ఎస్, 6ఎస్ ప్లస్, లేదా ఎస్ఈ (1వ తరం) వంటి ఫోన్లు వాడుతున్నవారు, తమ డివైజ్‌ను ఐఓఎస్ 15.8.4 వెర్షన్‌కు అప్‌డేట్ చేసుకోవాలి. దీనికోసం సెట్టింగ్స్ > జనరల్ > సాఫ్ట్‌వేర్ అప్‌డేట్ ఆప్షన్‌కు వెళ్లండి.

ప్రత్యామ్నాయ యాప్‌ల వైపు

వాట్సాప్ సేవలు నిలిపివేయబడిన పరికరాల్లో Telegram, Signal, Element వంటి యాప్‌లు పని చేసే అవకాశం ఉంటుంది. వీటిని పరీక్షించి చూడవచ్చు.

చాట్ బ్యాకప్ తీసుకోండి

అయితే సేవలు పూర్తిగా నిలిపివేయబోయే ముందు మీ చాట్ హిస్టరీని ఐక్లౌడ్ (ఐఫోన్ యూజర్లు) లేదా గూగుల్ డ్రైవ్ (ఆండ్రాయిడ్ యూజర్లు) లోకి బ్యాకప్ చేసుకోండి. వాట్సాప్ సెట్టింగ్స్ > చాట్స్ > చాట్ బ్యాకప్ ఆప్షన్ ద్వారా మీ డేటాను భద్రపరుచుకోవచ్చు. బ్యాకప్ తీసుకుని తర్వాత కొత్త ఫోన్లో వాట్సాప్ ఇన్‌స్టాల్ చేసి రీస్టోర్ చేసుకోవచ్చు.