Whatsapp Vs Telegram : మెసేజింగ్ యాప్ దిగ్గజాలైన వాట్సాప్, టెలిగ్రామ్ మధ్య సోషల్ మీడియా వేదికగా ఆసక్తికరమైన పోరు నడుస్తోంది. యూజర్లు తమ ఫోన్ నంబర్లను ఇతరులకు వెల్లడించాల్సిన అవసరం లేకుండా, సురక్షితంగా కనెక్ట్ అయ్యేందుకు వీలుగా వాట్సాప్ సరికొత్త ‘యూజర్‌నేమ్స్’ (Usernames) ఫీచర్‌ను గ్లోబల్‌గా రోల్ అవుట్ చేసింది. సెట్టింగ్స్‌లోని అకౌంట్స్ విభాగంలో ఈ ఫీచర్ అందుబాటులో ఉంటుందని మెటా యాజమాన్యంలోని వాట్సాప్ తన అధికారిక ఎక్స్ (ట్విట్టర్) ఖాతాలో గర్వంగా ప్రకటించింది. అయితే, ఈ పోస్ట్‌పై ప్రత్యర్థి సంస్థ టెలిగ్రామ్ తనదైన శైలిలో సెటైరికల్ కౌంటర్ ఇచ్చింది. ఈ ఫీచర్‌ను తాము దశాబ్ద కాలం క్రితమే, అంటే 2014లోనే తమ ప్లాట్‌ఫారమ్‌లో ప్రవేశపెట్టామని కామెంట్ చేస్తూ వాట్సాప్ క్రెడిట్‌ను ఒక్కసారిగా తగ్గించే ప్రయత్నం చేసింది.
Read Also : ఈ శాంసంగ్ ఫోన్ ఫీచర్లు చూస్తే మైండ్ బ్లాంక్!
నాణ్యత vs పాపులారిటీ: యూజర్ కామెంట్‌కు టెలిగ్రామ్ అదిరిపోయే రిప్లై
ఈ డిజిటల్ వార్ ఇక్కడితో ఆగలేదు; ఒక సాధారణ నెటిజన్ వాట్సాప్ వైపు నిలుస్తూ.. “ఏది ఏమైనప్పటికీ వాట్సాప్‌కు ప్రపంచవ్యాప్తంగా 3.3 బిలియన్ల యాక్టివ్ మంత్లీ యూజర్లు ఉన్నారు” అంటూ టెలిగ్రామ్‌ను వెక్కిరించే ప్రయత్నం చేశాడు. దీనికి టెలిగ్రామ్ అడ్మిన్ ఇచ్చిన రిప్లై ప్రస్తుతం సోషల్ మీడియాలో విపరీతంగా ట్రెండ్ అవుతోంది. “నాణ్యతకు కేవలం ప్రజాదరణ (పాపులారిటీ) ఎప్పటికీ సరితూగదు” (Popularity does not equal quality) అంటూ టెలిగ్రామ్ ఆ యూజర్‌కు గట్టి సమాధానమిచ్చింది. వినియోగదారుల ప్రైవసీ, అడ్వాన్స్‌డ్ ఫీచర్ల విషయంలో వాట్సాప్ కంటే తామే ఎప్పుడూ ఒకడుగు ముందే ఉంటామని ఈ కౌంటర్ ద్వారా టెలిగ్రామ్ మరోసారి పరోక్షంగా స్పష్టం చేసింది.
Read Also hindi news: hindi.vaartha.com
Read Also Epaper : epaper.vaartha.com
Read Also :
