Gmail New Feature: ప్రముఖ టెక్ దిగ్గజం గూగుల్ (Google) తన జీమెయిల్ (Gmail) వినియోగదారుల డేటా భద్రత కోసం అత్యంత సురక్షితమైన యాప్ లాకింగ్ తరహాలో ‘కాన్ఫిడెన్షియల్ మోడ్’ (Confidential Mode) అనే సరికొత్త ఫీచర్‌ను అందుబాటులోకి తెచ్చింది. వాట్సాప్‌లో ఉండే ‘వ్యూ వన్స్’, ‘డిసప్పియరింగ్ మెసేజెస్’ తరహాలోనే.. ఈ ఫీచర్ ద్వారా మనం పంపే సున్నితమైన ఈమెయిల్స్‌కు ఒక నిర్దిష్ట గడువును సెట్ చేయవచ్చు. బ్యాంక్ వివరాలు, పర్సనల్ పాస్‌వర్డ్‌లు, రహస్య డాక్యుమెంట్లు పంపే వారికి ఈ ఫీచర్ ఒక పటిష్టమైన రక్షణ కవచంలా పనిచేస్తుంది.
Read also:Samsung Galaxy A27 5G: ఈ శాంసంగ్ ఫోన్ ఫీచర్లు చూస్తే మైండ్ బ్లాంక్!
ఎలా పనిచేస్తుంది? (ఆటో-డిలీట్ & OTP ప్రొటెక్షన్)
ఈ కాన్ఫిడెన్షియల్ మోడ్ ద్వారా పంపిన మెయిల్స్ సాధారణ మెయిల్స్ కంటే పూర్తిగా భిన్నంగా మరియు సురక్షితంగా ఉంటాయి.
- ఆటోమేటిక్ డిలీట్ (Expiry Date): మెయిల్ పంపే ముందే మనం ఒక గడువు తేదీని (ఉదాహరణకు ఒక రోజు, వారం లేదా నెల) సెట్ చేయవచ్చు. ఆ గడువు ముగిసిన వెంటనే అవతలి వ్యక్తి ఇన్‌బాక్స్ నుండి ఆ మెయిల్ ఆటోమేటిక్‌గా అదృశ్యమవుతుంది.
- SMS పాస్‌కోడ్ (OTP రక్షణ): ఈ ఫీచర్‌లోని మరో హైలైట్.. అవతలి వ్యక్తి ఆ మెయిల్ ఓపెన్ చేయాలంటే వారి మొబైల్ నంబర్‌కు వచ్చే OTP (SMS Passcode) ఎంటర్ చేయడం తప్పనిసరి. దీనివల్ల వేరొకరు లీక్ చేసే అవకాశం ఉండదు.
- నో ఫార్వార్డ్ / నో కాపీ: ఈ మోడ్‌లో పంపిన మెయిల్స్‌ను అవతలి వ్యక్తి వేరొకరికి ఫార్వార్డ్ చేయడానికి, కాపీ చేయడానికి, డౌన్‌లోడ్ లేదా ప్రింట్ తీయడానికి జీమెయిల్ అనుమతించదు.
Gmail New Feature: ఈ ఫీచర్‌ను ఎలా యాక్టివేట్ చేసుకోవాలి?
1.కంపోజ్ మెయిల్ ఓపెన్ చేయండి
మీ జీమెయిల్ యాప్ లేదా వెబ్‌సైట్ ఓపెన్ చేసి కొత్త మెయిల్ రాయడానికి ‘Compose’ పై క్లిక్ చేయండి.
2.కాన్ఫిడెన్షియల్ మోడ్ ఆప్షన్ ఎంచుకోండి
మెయిల్ విండోలో కింద లేదా పైన ఉండే ‘More Options’ (మూడు చుక్కలు) పై క్లిక్ చేసి, అందులో ‘Confidential Mode’ (తాళం గుర్తుతో ఉన్న గడియారం సింబల్) ను సెలెక్ట్ చేసుకోండి.
3.గడువు తేదీని సెట్ చేయండి
అక్కడ మీకు నచ్చిన గడువు తేదీని (Set Expiry) ఎంచుకోండి. ఆ తేదీ తర్వాత ఆ మెయిల్ అవతలి వారికి కనిపించదు.
4.SMS పాస్‌కోడ్ ఎనేబుల్ చేయండి
అక్కడే ఉన్న ‘Require Passcode’ ఆప్షన్‌లో ‘SMS Passcode’ ను ఎంచుకుని, అవతలి వ్యక్తి మొబైల్ నంబర్ ఎంటర్ చేసి సేవ్ చేసి మెయిల్ సెండ్ చేయండి.
Read hindi news : hindi.vaartha.com
Read also Epaper : epaper.vaartha.com
Read also:
