ఉదయం మీరు టాయిలెట్కు వెళ్లినప్పుడు అది మీ ఆరోగ్యాన్ని కూడా పర్యవేక్షిస్తుందని ఊహించారా? అదే ఇప్పుడు నిజమవుతోంది. AI ఆధారిత స్మార్ట్ టాయిలెట్లు(Smart Toilets) మీ మల, మూత్ర నమూనాలను విశ్లేషించి మీ శరీర స్థితిని అంచనా వేస్తాయి. వీటిలో అమర్చిన అధునాతన సెన్సార్లు, కెమెరాలు, AI అల్గారిథమ్లు ద్వారా మలం రంగు, ఆకారం, గట్టిదనం, పరిమాణం వంటి వివరాలను పరిశీలిస్తాయి. AI ఈ డేటాను “బ్రిస్టల్ స్టూల్ ఫామ్ స్కేల్” ఆధారంగా వర్గీకరించి ఏవైనా అసాధారణ మార్పులు లేదా రక్తం వంటి సూచనలను గుర్తిస్తే, యూజర్కి వెంటనే హెచ్చరిక పంపిస్తుంది. అదేవిధంగా, యూరిన్లోని హైడ్రేషన్ స్థాయిలను కొలిచి వ్యక్తిగత ఆరోగ్య సలహాలను కూడా అందిస్తుంది.
Read also: Renu Desai: రేబిస్ వ్యాక్సిన్ తీసుకున్న రేణు దేశాయ్
టోటో సంస్థ ఆధునిక ఆవిష్కరణ
జపాన్కు చెందిన టోటో టాయిలెట్స్ కంపెనీ(Toto Ltd.) ఈ టెక్నాలజీ అభివృద్ధిలో ముందుంది. వారి స్మార్ట్ కమోడ్లో(Smart Toilets) అమర్చిన సెన్సార్లు మలం రంగు, పరిమాణం, ఆకారం వంటి వివరాలను క్షణాల్లో స్కాన్ చేసి స్మార్ట్ఫోన్ యాప్కు పంపిస్తాయి. ఈ యాప్లో “స్టూల్ క్యాలెండర్” అనే ఫీచర్ ద్వారా రోజువారీ ఆరోగ్య డేటా భద్రపరుస్తుంది. దీని ఆధారంగా శరీరంలో ఏవైనా మార్పులు ఉన్నాయా, లేదా జీవనశైలిని ఎలా మార్చుకోవాలో సూచనలు ఇస్తుంది.
వృద్ధులు, రోగులకు మేలు చేసే టెక్నాలజీ
ఈ స్మార్ట్ టాయిలెట్లు(Smart Toilets) కేవలం ఆరోగ్య స్పృహ ఉన్న వ్యక్తులకే కాదు, తమ పరిస్థితి వివరించలేని వృద్ధులు, ఆసుపత్రి రోగులకు కూడా ఎంతో ఉపయోగకరం. ఇది సాధారణ మరుగుదొడ్డిని ఒక రోజువారీ ఆరోగ్య తనిఖీ కేంద్రంగా మార్చేస్తుంది. భవిష్యత్తులో, ఈ టాయిలెట్లు కొలొరెక్టల్ క్యాన్సర్ వంటి వ్యాధులను ప్రారంభ దశలోనే గుర్తించే స్క్రీనింగ్ సాధనంగా మారే అవకాశం ఉంది.
Read hindi news: hindi.vaartha.com
Epaper: epaper.vaartha.com/
Read Also:
