అమరావతి: ఏపీ మంత్రి నారా లోకేశ్‌ను డిప్యూటీ సీఎం చేయాలన్న డిమాండ్ ఆ పార్టీ సీనియర్ నేతల నుంచి బలంగా వినిపిస్తోన్న వేళ సోమవారం టీడీపీ అధిష్టానం కీలక ఆదేశాలు జారీ చేసింది. ఇక పై ఈ అంశంపై ఎవరూ బహిరంగంగా మాట్లాడొద్దని ఆ పార్టీ నేతలను ఆదేశించింది. మీడియా వద్ద కానీ, బహిరంగంగా కానీ ఈ వ్యవహారంపై స్పందించొద్దని.. ఎలాంటి ప్రకటనలు చెయ్యొద్దని స్పష్టం చేసింది. ఏ నిర్ణయమైనా కూటమి నేతలు కూర్చొని మాట్లాడుకుంటారని.. వ్యక్తిగత అభిప్రాయాలను పార్టీపై రుద్దొద్దని పేర్కొంది.
నారా లోకేశ్ ను డిప్యూటీ సీఎం చేయాలనే డిమాండ్ల నేపథ్యంలో జనసేన వర్గీయుల నుంచి కౌంటర్ అటాక్ మొదలయింది. “లోకేశ్ ను డిప్యూటీ సీఎం చేయండి… అందులో తప్పేమీ లేదు… పవన్ కల్యాణ్ ను సీఎం చేయండి” అంటూ కామెంట్లు పెడుతున్నారు. ఈ నేపథ్యంలో టీడీపీ అధిష్ఠానం సీరియస్ అయింది. అత్యుత్సాహం వద్దంటూ టీడీపీ నేతలకు సూచించింది.
కాగా, ఇటీవలే సీఎం చంద్రబాబు మైదుకూరు పర్యటనలో ఉన్నప్పుడు కడప జిల్లా అధ్యక్షుడు శ్రీనివాస్ రెడ్డి నారా లోకేష్ కు డిప్యూటీ సీఎం పదవీ ఇవ్వాలని తన అభిప్రాయాన్ని వ్యక్తం చేశారు. పార్టీతో సంబంధం లేకపోయినప్పటికీ ఎవ్వరి వ్యక్తిగత అభిప్రాయాలను వారు చెబుతున్నారు. మాజీ మంత్రి సోమిరెడ్డి చంద్రమోహన్ రెడ్డి.. పిఠాపురం మాజీ ఎమ్మెల్యే వర్మ, రాజమండ్రి అర్బన్ ఎమ్మెల్యే ఆదిరెడ్డి వాసు కూడా నారా లోకేష్ ను డిప్యూటీ సీఎం చేయాలని బహిరంగంగా వ్యాఖ్యానించారు. తాజాగా హోంమంత్రి అనిత సైతం లోకేష్ హోంమంత్రి పై స్పందించారు. ఈ నేపథ్యంలో ఈ అంశం పై ఎవ్వరూ మాట్లాడవద్దని పార్టీ నేతలకు అధిష్టానం ఆదేశాలు జారీ చేసింది.
ఆంధ్రప్రదేశ్ రాజకీయాల్లో ప్రతిపక్ష హోదా చర్చనీయాంశమవుతోంది. వైఎస్సార్ కాంగ్రెస్ పార్టీ (వైసీపీ) కు అసెంబ్లీలో తక్కువ సంఖ్యలో ఎమ్మెల్యేలు ఉన్నప్పటికీ, అధికార పార్టీ తదితర ప్రతిపక్ష పార్టీలతో Read more
హైదరాబాద్‌: ఎమ్మెల్యే పాడి కౌశిక్ రెడ్డి అరెస్టు సమయంలో దురుసుగా ప్రవర్తించారంటూ బీఆర్ఎస్ సీనియర్ నేత, ఎస్సీ, ఎస్టీ కమిషన్‌ మాజీ చైర్మన్‌ ఎర్రోళ్ల శ్రీనివాస్ కేసు Read more
భారత మాజీ క్రికెటర్ శిఖర్ ధవన్ తన జీవితంలో కొత్త అధ్యాయాన్ని ప్రారంభించినట్లు తెలుస్తోంది.అయేషా ముఖర్జీ నుంచి విడాకులు తీసుకున్న ధవన్, ప్రస్తుతం ఐర్లాండ్‌కు చెందిన సోఫీ Read more
న్యూఢిల్లీ : బీఆర్ఎస్ వర్కింగ్ ప్రెసిడెంట్ కేటీఆర్ ఢిల్లీ పర్యటనలో ఉన్న విషయం తెలిసిందే. ఈ క్రమంలోనే ఆయన ఈరోజు అమృత్ పథకంలో జరిగిన అవకతవకలపై మీడియాతో Read more