ఆస్ట్రేలియా ప్లేయ‌ర్ స్టీవ్ స్మిత్ వన్డే క్రికెట్ నుంచి రిటైర్మెంట్ ప్రకటించాడు. మంగళవారం నాడు దుబాయ్‌లో భారత్‌తో జరిగిన ఛాంపియన్స్ ట్రోఫీ సెమీఫైనల్‌లో వన్డే మ్యాచ్ ఆడాడు. ఆస్ట్రేలియా తరఫున 73 పరుగుల‌తో టాప్ స్కోర‌ర్‌గా నిలిచినప్పటికీ, ఆస్ట్రేలియా ఈ మ్యాచ్‌లో ఓటమి పాలైంది. ఛాంపియన్స్ ట్రోఫీలో రెగ్యుల‌ర్ కెప్టెన్ ప్యాట్ కమిన్స్ గాయపడడంతో, ఈ టోర్నీలో స్మిత్ తాత్కాలికంగా జట్టుకు నాయకత్వం వహించాడు.
వన్డే క్రికెట్
స్టీవ్ స్మిత్ వన్డే క్రికెట్ కు రిటైర్మెంట్ ప్రకటించాడు.ఛాంపియన్ ట్రోఫీ సెమీఫైనల్ లో టీం ఇండియతో ఓటమి తర్వాత స్టివ్ స్మిత్ ఈ నిర్ణయాన్ని ప్రకటించాడు. ఆస్ట్రేలియన్ క్రికెట్ బోర్డు అధికారికంగా ఈ ప్రకటనను ధ్రువీకరించింది. డ్రెస్సింగ్ రూమ్ లోనే తన టీం మేట్స్ తో స్మిత్ ఈ నిర్ణయాన్ని పంచుకున్నాడు.
2027 ప్రపంచకప్‌
2027 ప్రపంచకప్‌కు సన్నద్ధం కావడానికి ఆటగాళ్లకు ఇది ఒక గొప్ప అవకాశం, కనుక వన్ డే క్రికెట్ కు ముగింపు చెప్పడానికి నాకు ఇది సరైన సమయమని భావిస్తునా, “టెస్ట్ క్రికెట్‌కు ప్రాధాన్యత ఉంది .. ప్రపంచ టెస్ట్ ఛాంపియన్‌షిప్ ఫైనల్, శీతాకాలంలో వెస్టిండీస్, ఆ తర్వాత స్వదేశంలో ఇంగ్లాండ్‌తో సిరీస్ కోసం ఎదురు చూస్తున్నాను. ఆ వేదికపై ఆడేందుకు నేను సిద్ధంగా ఉంటాను అని స్మిత్ తెలిపాడు.
కెప్టెన్సీ
స్మిత్ 2015 , 2023లో ఆస్ట్రేలియా ప్రపంచ కప్ గెలిచిన జట్టులో భాగంగా ఉన్నాడు. మైకేల్ క్లార్క్ రిటైర్మెంట్ తర్వాత అతను 50 ఓవర్ల జట్టుకు కెప్టెన్సీని చేపట్టాడు. అతను 64 మ్యాచ్‌లలో ఆస్ట్రేలియాకు నాయకత్వం వహించాడు, 32 గెలిచాడు మరియు 28 ఓడిపోయాడు, నాలుగు ఫలితాలు లేవు. అతను ఛాంపియన్స్ ట్రోఫీ కోసం తాత్కాలిక ప్రాతిపదికన కెప్టెన్సీని చేపట్టాడు, గాయంతో అవుట్ అయిన పాట్ కమిన్స్ కు బదులు స్మిత్ కెప్టెన్సీ చేశాడు.స్మిత్ నిర్ణయం గురించి సెలెక్టర్ల జార్జ్ బెయిలీ మాట్లాడుతూ, “వన్ డే ఇంటర్నేషనల్ క్రికెట్ నుండి రిటైర్మెంట్ తీసుకోవాలనే స్టీవ్ నిర్ణయాన్ని మేము పూర్తిగా అర్థం చేసుకున్నాము .ఆయనకు మద్దతిస్తున్నామని చెప్పాడు.
35 ఏళ్ల స్టీవ్ స్మిత్ తన వన్డే క్రికెట్ కెరీర్‌ను 170 మ్యాచ్‌లతో ముగించాడు. అతను 86.96 స్ట్రైక్ రేట్, 43.28 సగటుతో 5,800 పరుగులు సాధించాడు. ఇందులో 12 సెంచరీలు, 35 హాఫ్ సెంచరీలు ఉన్నాయి. వన్డేల్లో ఆస్ట్రేలియా తరపున అత్యధిక పరుగులు చేసిన 12వ ఆటగాడిగా తన కెరీర్‌ను ముగించాడు. అతని అత్యధిక వ్యక్తిగత స్కోరు 164, 2016లో న్యూజిలాండ్‌పై నమోదు చేశాడు. బ్యాటింగ్‌తో పాటు, లెగ్ స్పిన్నర్‌గా 28 వికెట్లు కూడా తీసుకున్నాడు. అలాగే, ఫీల్డింగ్‌లో తన ప్రతిభను చాటుతూ 90 క్యాచ్‌లు పట్టాడు.
రిటైర్మెంట్
ఛాంపియన్స్ ట్రోఫీ సెమీఫైనల్ ఓటమి అనంతరం, తన సహచరులతో కలిసి స్మిత్ వన్డే క్రికెట్ నుంచి తాను రిటైర్ అవుతున్నట్లు ప్రకటించాడు. క్రికెట్ ఆస్ట్రేలియా (సీఏ) మీడియాతో మాట్లాడుతూ, అతను టెస్ట్ క్రికెట్, టీ20 ఫార్మాట్లలో అందుబాటులో ఉంటాడని పేర్కొంది. స్మిత్ తన క్రికెట్ కెరీర్‌లో అనేక మైలురాళ్లు అందుకున్నప్పటికీ, వన్డే క్రికెట్‌కు వీడ్కోలు పలికాడు.
నాసా తాజా ప్రకటనలో సునీతా విలియమ్స్ సహా నలుగురు వ్యోమగాములు భూమికి క్షేమంగా చేరుకున్నారని వెల్లడించింది. అంతరిక్షంలో కీలక మిషన్‌ను పూర్తి చేసిన అనంతరం, అన్ డాకింగ్ Read more
రష్యా దూకుడును సమర్థవంతంగా ఎదుర్కోవడానికి తమ దేశంలో అమెరికా అణ్వాయుధాలను మోహరించాలి అనే పోలాండ్ అభ్యర్థనను అమెరికా మాజీ అధ్యక్షుడు డొనాల్డ్ ట్రంప్ తిరస్కరించారు. ఈ విషయాన్ని Read more
భారత క్రికెట్ జట్టు మాజీ కెప్టెన్ మహేంద్ర సింగ్ ధోనీ ప్రస్తుతం ఆట నుంచి విరామం తీసుకుని తన కుటుంబంతో విశ్రాంతిని ఎంజాయ్ చేస్తున్నాడు. ఈ తరుణంలో, Read more
పాకిస్థాన్ సూపర్ లీగ్ (పీఎస్ఎల్) 2025 సీజన్ ఏప్రిల్ 11 నుంచి ప్రారంభం కానుంది. సాధారణంగా ఫిబ్రవరిలో జరగాల్సిన ఈ టోర్నీ, ఐసీసీ ఛాంపియన్స్ ట్రోఫీ కారణంగా Read more