అమెరికా మరోసారి తన సైనిక శక్తిని ప్రపంచానికి చూపించింది. ‘ఆపరేషన్ మిడ్నైట్ హ్యామర్’ (‘Operation Midnight Hammer’)పేరిట, ఇరాన్లోని కీలక అణు కేంద్రాలపై అఘాతకరంగా దాడి చేసింది. ఈ దాడిలో అత్యాధునిక బీ-2 స్పిరిట్ స్టెల్త్ బాంబర్లు (B-2 Spirit stealth bombers) కీలకంగా వ్యవహరించాయి. మిస్సోరిలోని వైట్మాన్ ఎయిర్బేస్ నుంచి బయలుదేరిన ఈ విమానాలు, గగనతలంలోనే రీఫ్యూయలింగ్ తీసుకుంటూ, ఎక్కడా ఆగకుండా లక్ష్యాలను ఛేదించాయి.ఈ ఆపరేషన్లో బీ-2లు సుమారు 37 గంటలపాటు గాల్లోనే ప్రయాణించాయి. ఇది సాధారణంగా కష్టమైన పని. అయితే, బీ-2ను ఒక ఎగిరే హోటల్గా భావించవచ్చు. ఇందులో మైక్రోవేవ్, బెడ్లు, ఫ్రిజ్, టాయిలెట్లతో పాటు పుష్కలంగా ఆహారాలు, పానీయాలు ఉండటం విశేషం.
బీ-2 స్పిరిట్ అంటే ఏమిటి?
బీ-2 స్పిరిట్ ఒక ఐదో తరం స్టెల్త్ బాంబర్. మొదటిసారి ఇది 1989లో గాల్లోకి ఎగిరింది. 1999లో కోసావో యుద్ధంలో తొలిసారి వినియోగించారు. దీని ప్రత్యేకత యుద్ధకారణాల్లో నిఘా, వ్యూహాత్మక దాడులు చేయడంలో ఉంటుంది. పాత బీ-52, బీ-1 లాన్సర్లకు ఇది ఆధునిక రూపం.ప్రతీ బీ-2లో ఇద్దరు పైలట్లు ఉంటారు. ఆపరేషన్ మిడ్నైట్ హ్యామర్ సమయంలో కూడా ఇద్దరికి విశ్రాంతికి సౌకర్యాలు కల్పించారు. అవసరమైతే మూడో పైలట్ను కూడా ప్రయాణానికి పంపిస్తారు. దీని ద్వారా పతనమైన ఏ ప్రాంతానికైనా దూసుకెళ్లగల సామర్థ్యం లభిస్తుంది.
2001 తర్వాత మళ్లీ భారీ స్ట్రైక్
9/11 తర్వాత బీ-2 బాంబర్లు 44 గంటలపాటు ఎగిరిన ఆపరేషన్ను నడిపాయి. ఇప్పుడు మిడ్నైట్ హ్యామర్ ఆపరేషన్ బీ-2 చరిత్రలో రెండో అతిపెద్ద సైనిక దాడిగా నిలిచింది.ఇప్పటికే నార్త్రోప్ గ్రమ్మన్ సంస్థ తయారు చేస్తున్న బీ-21 రైడర్ స్టెల్త్ బాంబర్ బీ-2 స్థానాన్ని భవిష్యత్తులో తీసుకోనుంది. ఇది ప్రపంచపు మొట్టమొదటి ఆరో తరం బాంబర్గా గుర్తింపు పొందనుంది.
Read Also : Operation Midnight Hammer : 7 బీ2 విమానాలు..14 ఎంఓపీ బాంబులు..
