T20 world cup final 2026 : టీ20 ప్రపంచకప్ 2026లో భారత జట్టు ఫైనల్కు చేరుకోవడంతో అభిమానుల్లో భారీ ఉత్సాహం నెలకొంది సెమీఫైనల్లో ఇంగ్లండ్పై 7 వికెట్ల తేడాతో విజయం సాధించిన టీమిండియా ఇప్పుడు న్యూజిలాండ్తో టైటిల్ పోరుకు సిద్ధమవుతోంది.
ఈ కీలక మ్యాచ్ అహ్మదాబాద్లోని నరేంద్ర మోదీ స్టేడియంలో జరగనున్న నేపథ్యంలో అభిమానుల్లో టెన్షన్ కూడా కనిపిస్తోంది గతంలో ఇదే మైదానంలో జరిగిన కొన్ని చేదు అనుభవాలు కారణంగా అభిమానులు ఆందోళన వ్యక్తం చేస్తున్నారు.
ఈ సమయంలో ఇద్దరు భారత అభిమానులు స్టేడియం బయట సరదాగా దిష్టి తీస్తున్న వీడియో సోషల్ మీడియాలో వైరల్ అవుతోంది మైదానానికి చెడు దృష్టి తగలకుండా ఉండాలని భావిస్తూ వారు చేసిన ఈ చర్య ఇప్పుడు నెట్లో చర్చగా మారింది.
2023 వన్డే ప్రపంచకప్ ఫైనల్లో ఇదే అహ్మదాబాద్ స్టేడియంలో భారత్ ఆస్ట్రేలియా చేతిలో ఓడిపోవడం అభిమానులకు ఇప్పటికీ బాధను మిగిల్చింది ఆ మ్యాచ్లో భారత్ ఒక్క మ్యాచ్ కూడా ఓడిపోకుండా ఫైనల్కు చేరినా చివరి మ్యాచ్లో ఓటమి ఎదురైంది.
Read Also: Jasprit Bumrah: బుమ్రా ఒక ‘వరల్డ్ క్లాస్ ఆపరేటర్’: కివీస్ క్రికెటర్
అదే విధంగా ప్రస్తుత టీ20 ప్రపంచకప్లో కూడా భారత్ ఓడిన ఏకైక (T20 world cup final 2026) మ్యాచ్ ఇదే మైదానంలో దక్షిణాఫ్రికాతో జరిగినది కావడం గమనార్హం దీంతో ఈ మైదానం గురించి అభిమానుల్లో సెంటిమెంట్ ఏర్పడింది.
ఫైనల్ మ్యాచ్ కూడా ఇదే వేదికపై జరగడంతో అభిమానులు కొంచెం టెన్షన్తో ఉన్నారు అయితే ఈసారి టీమిండియా గెలిచి గత అపశకునాన్ని చెరిపేయాలని అభిమానులు కోరుకుంటున్నారు
అభిమానులు చేసిన ఈ దిష్టి వీడియో సరదాగా కనిపించినా టీమిండియా విజయం కోసం వారు ఎంతగా ఆశపడుతున్నారో స్పష్టంగా తెలియజేస్తోంది.
Read hindi news: hindi.vaartha.com
Epaper: epaper.vaartha.com
Read Also:
