ఆసియా కప్ 2025 టోర్నీలో అభిమానులు ఆసక్తిగా ఎదురుచూస్తున్న అత్యంత హై-వోల్టేజ్ మ్యాచ్కు రంగం సిద్ధమైంది. భారతదేశం – పాకిస్థాన్ (India – Pakistan)జట్ల మధ్య సూపర్-4 మ్యాచ్ దుబాయ్ అంతర్జాతీయ స్టేడియంలో మరికొద్ది సేపట్లో ప్రారంభం కానుంది. ఈ మ్యాచ్ టోర్నీలోనే కాదు, ఆసియా క్రికెట్లో ఓ క్లాసిక్ పోరాటంగా చరిత్రకెక్కే అవకాశముంది.
టాస్ గెలిచి బౌలింగ్ ఎంచుకున్న టీమిండియా
ఈ మ్యాచ్కు సంబంధించి టాస్ను భారత్ కెప్టెన్ సూర్యకుమార్ యాదవ్ గెలుచుకున్నారు. మొదట బౌలింగ్ (Bowling)ఎంచుకుంటామని ప్రకటించి పాకిస్థాన్ జట్టును బ్యాటింగ్కు ఆహ్వానించారు.దుబాయ్ వేదికలో చరిత్రను పరిశీలిస్తే, రెండో ఇన్నింగ్స్లో ఛేజింగ్ చేసే జట్టుకు విజయం సాధించే అవకాశాలు ఎక్కువగా ఉంటాయి. ఈ దృష్టితోనే సూర్యకుమార్ వ్యూహాత్మకంగా నిర్ణయం తీసుకున్నట్లు విశ్లేషకులు చెబుతున్నారు.
టోర్నీలో కీలకమైన మ్యాచ్ – హోరాహోరీ పోరు ఖాయం
ఈ సూపర్-4 మ్యాచ్ రెండూ జట్లకూ ఎంతో కీలకం. విజేత జట్టు ఫైనల్కు చేరేందుకు ఒక అడుగు ముందుకేస్తుంది. పాక్ను ఇప్పటికే గ్రూప్ దశలో ఓడించిన భారత్, మరోసారి ఆ జట్టును దాటగలగుతుందా అనే ఆసక్తి నెలకొంది. మరోవైపు పాకిస్థాన్ కోసం సిద్ధంగా ఉంది. ఫలితంగా ఈ మ్యాచ్లో హై టెన్షన్, హై ఉత్కంఠ ఉండనుందని క్రికెట్ విశ్లేషకులు అంచనా వేస్తున్నారు.
భారత్ vs పాక్ మ్యాచ్ – గ్లోబల్ క్రికెట్ అభిమానుల దృష్టి
భారత్ – పాకిస్థాన్ మ్యాచ్ అంటేనే ప్రపంచవ్యాప్తంగా ఉన్న కోటికుప్రే క్రికెట్ అభిమానుల ఆత్మీయత. ఏ వేదికలో జరిగినా ఈ పోరుకు ఉన్న క్రేజ్ వేరే లెవెల్లో ఉంటుంది. సోషల్ మీడియా, స్పోర్ట్స్ ఛానెల్స్ అన్నీ ఈ మ్యాచ్పైే కేంద్రీకృతమై ఉన్నాయి. ఎక్కడ చూసినా ఒక్కటే చర్చ – ఈసారి ఎవరు గెలుస్తారు?
సూపర్-4లో పాక్ను మరోసారి ఓడించాలని భారత్ లక్ష్యం
గ్రూప్ దశలో పాకిస్థాన్ను ఓడించి మంచి స్టార్ట్ ఇచ్చిన టీమిండియా, సూపర్-4లోనూ అదే దూకుడు కొనసాగించాలని ఆశిస్తోంది. భారత ఆటగాళ్లు ప్రస్తుత ఫారంలో ఉన్న దృష్ట్యా, మంచి ప్రదర్శన ఉంటుందనే అంచనాలు వెల్లువెత్తుతున్నాయి.ఈ మ్యాచ్లో విజయం సాధిస్తే, ఫైనల్కు చేరడం ఒక్కదాన్ని కాదు, ప్రత్యర్థిపై మానసిక ఆధిపత్యం కూడా భారత జట్టు సాధించగలదు.
Read hindi news: hindi.vaartha.com
Read Also:
