SA20 League నాలుగో సీజన్ ఫైనల్లో సన్రైజర్స్ ఈస్టర్న్ కేప్ (Sunrisers Eastern Cape) తమ సత్తాను చాటింది. ప్రిటోరియా క్యాపిటల్స్పై ఏకపక్ష విజయం సాధించి ట్రోఫీని ముద్దాడింది.సన్రైజర్స్ ఈస్టర్న్ కేప్ 6 వికెట్ల తేడాతో గెలుపొందింది. ఈ విజయంతో ఈ టోర్నీలో మూడో టైటిల్ను కైవసం చేసుకుంది. అంతకుముందు 2023, 2024లోనూ ఆ జట్టు ఛాంపియన్గా నిలిచింది.
Read Also: IND vs NZ 3rd T20I: భారత్ ఘన విజయం..
కట్టుదిట్టంగా బౌలింగ్
టాస్ గెలిచి మొదట బ్యాటింగ్ చేసిన ప్రిటోరియా క్యాపిటల్స్కు డెవాల్డ్ బ్రెవిస్ వెన్నెముకగా నిలిచాడు. కేవలం 56 బంతుల్లోనే 8 ఫోర్లు, 7 సిక్సర్లతో విరుచుకుపడి 101 పరుగులతో మెరుపు శతకం బాదాడు. అయితే సన్రైజర్స్ (Sunrisers Eastern Cape) బౌలర్లు కట్టుదిట్టంగా బౌలింగ్ చేయడంతో ప్రిటోరియా నిర్ణీత ఓవర్లలో 7 వికెట్ల నష్టానికి 158 పరుగులు మాత్రమే చేయగలిగింది.159 పరుగుల లక్ష్యంతో బరిలోకి దిగిన సన్రైజర్స్కు ఆరంభంలోనే గట్టి షాక్లు తగిలాయి.
కేవలం 48 పరుగులకే 4 కీలక వికెట్లు కోల్పోయి పీకల్లోతు కష్టాల్లో పడింది. ఈ దశలో మాథ్యూ బ్రీట్జ్కే (68 నాటౌట్), ట్రిస్టన్ స్టబ్స్ (63 నాటౌట్) అద్భుత ఇన్నింగ్స్ ఆడారు. ఆరో వికెట్కు అజేయమైన భాగస్వామ్యాన్ని నెలకొల్పి మరో 4 బంతులు మిగిలి ఉండగానే జట్టును విజయ తీరాలకు చేర్చారు.
Read hindi news: hindi.vaartha.com
Epaper: epaper.vaartha.com
Read Also:
