హిట్మ్యాన్ రోహిత్ శర్మ (Rohit Sharma) అంటేనే గతంలో ప్రత్యర్థి జట్లకు భయానక స్వప్నం. ఒకప్పుడు అతని అద్భుత బ్యాటింగ్, స్టైలిష్ స్ట్రోక్ ప్లే, పొడవాటి సిక్సర్లతో అభిమానుల గుండెల్లో స్థానం సంపాదించుకున్నాడు. అయితే ఇటీవల కొన్ని సంవత్సరాలుగా అతనిపై విమర్శలు విరుచుకుపడ్డాయి. బరువు పెరిగాడని, ఫీల్డింగ్లో చురుకుదనం తగ్గిందని, అంతర్జాతీయ స్థాయిలో పాత మాదిరిగా రాణించలేడని చాలా మంది అనుకున్నారు. “హిట్మ్యాన్ గతి అయిపోయిందా?” అన్న చర్చ కూడా మైదానాల గోడల్ని తాకింది.
Asia Cup 2025: యువరాజ్ సింగ్ రికార్డును బ్రేక్ చేసిన అభిషేక్ శర్మ
ఐపీఎల్ 2025లో పాల్గొంటూనే రోహిత్ టెస్ట్ క్రికెట్ (Test cricket) కు వీడ్కోలు పలకడం మరో మలుపు. అప్పటి నుంచి ఇప్పటివరకు అతను ఒక్క అంతర్జాతీయ మ్యాచ్ కూడా ఆడకపోవడంతో, అతడి ఫార్మ్, ఫిట్నెస్పై సందేహాలు మొదలయ్యాయి. కానీ ఈ గ్యాప్ను రోహిత్ వేరేలా వాడుకున్నాడు. తన శరీరాన్ని మళ్లీ పీక్ కండిషన్లోకి తీసుకువెళ్లేలా శ్రమించాడు. బీసీసీఐ (BCCI) కొత్తగా ప్రవేశపెట్టిన యో-యో, బ్రాంకో వంటి కఠినమైన ఫిట్నెస్ పరీక్షల్లో ఉత్తీర్ణత సాధించకపోతే జట్టులో చోటు ఉండదని స్పష్టం చేసిన తర్వాత, రోహిత్ తన డైట్, ఫిట్నెస్ రూటీన్ పూర్తిగా మార్చుకున్నాడు.
రోహిత్ శర్మ ఇటీవల కొద్ది కాలంలోనే ఏకంగా పది కిలోల బరువు తగ్గాడు. టీమిండియా మాజీ అసిస్టెంట్ కోచ్, రోహిత్ శర్మ ఫ్రెండ్ అయిన అభిషేక్ నాయర్ (Abhishek Nair) దగ్గర స్పెషల్ ట్రైనింగ్లో ఉన్న హిట్ మ్యాన్ వర్కవుట్స్, డైట్తో ఫిట్నెస్పై దృష్టిసారించాడు. అభిషేక్ నాయర్ ఇన్స్టాగ్రామ్లో రోహిత్తో ఉన్న ఒక ఫొటోను పోస్ట్ చేసి పదివేల గ్రామ్స్ తర్వాత.. మేము ఇంకా ప్రయత్నిస్తున్నాం అంటూ రాసుకొచ్చాడు.
సీనియర్ ప్లేయర్ విరాట్ కోహ్లీ కూడా రీ ఎంట్రీ
38 ఏళ్ల రోహిత్ శర్మ అక్టోబర్లో జరిగే భారత్ – ఆస్ట్రేలియా మూడు వన్డేల సిరీస్తో తిరిగి జట్టులోకి అడుగు పెట్టనున్నాడు. ఈ సిరీస్లో మరో సీనియర్ ప్లేయర్ విరాట్ కోహ్లీ (Virat Kohli) కూడా రీ ఎంట్రీ ఇవ్వనున్నాడు. ప్రస్తుతం ఈ ఇద్దరూ కేవలం వన్డే క్రికెట్లోనే యాక్టివ్గా ఉన్నారు.టెస్టు, టీ20లకు రిటైర్మెంట్ ప్రకటించిన రోహిత్ భవిష్యత్ వన్డే కెరీర్పై అనుమానాలు వ్యక్తమయ్యాయి. అయితే ఆయన ఈ ఏడాది ప్రారంభంలోనే ఆ ఊహాగానాలను ఖండించాడు.
ఛాంపియన్స్ ట్రోఫీ 2025 ఫైనల్లో న్యూజిలాండ్పై 76 పరుగులు చేసి ప్లేయర్ ఆఫ్ ద మ్యాచ్ అవార్డు గెలుచుకున్న రోహిత్, వన్డేల్లో కొనసాగుతానని స్పష్టంగా ప్రకటించాడు.ప్రస్తుతం ఐసీసీ వన్డే బ్యాటింగ్ ర్యాంకింగ్స్లో రెండో స్థానంలో ఉన్న రోహిత్, తన ఓపెనింగ్ భాగస్వామి శుభమన్ గిల్ తరువాత నిలిచాడు. రోహిత్ ఫిట్నెస్ ట్రాన్స్ఫార్మేషన్, రాబోయే సిరీస్లో ఆయన ప్రదర్శనపై అభిమానుల్లో కొత్త ఉత్సాహాన్ని నింపుతోందని చెప్పడంలో అతిశయోక్తి లేదు.
Read hindi news: hindi.vaartha.com
Read Also:
