Niki Fitness: భారత క్రికెట్లో ఫిట్నెస్ అంటే చాలామంది వెంటనే మేల్ క్రికెటర్లనే గుర్తు చేసుకుంటారు. జిమ్ సెషన్లు, వర్కౌట్ వీడియోలు, బాడీ ట్రాన్స్ఫార్మేషన్స్—ఇవి ఎక్కువగా పురుషులపైనే ఫోకస్ అవుతాయి. కానీ ఈసారి ఆ కథ పూర్తిగా మారిపోయింది. ఢిల్లీ క్యాపిటల్స్ సోషల్ మీడియాలో పోస్టు చేసిన ఒకే ఒక్క ఫొటో… అభిమానుల దృష్టిని మహిళా క్రికెటర్ల వైపు గట్టిగా తిప్పేసింది. ఆ ఫొటోలో కనిపించిన అద్భుతమైన ఫిట్నెస్తో అందరి నోరెళ్లబెట్టించినది మరెవరూ కాదు—U-19 T20 వరల్డ్ కప్ 2025 విజేత కెప్టెన్ నికీ ప్రసాద్.
Read also: iBomma-case: iBomma విచారణలో కొత్త మలుపు
కేవలం వర్కౌట్ ఫొటో మాత్రమే అయినా, దాంట్లో కనిపించిన ఆమె శరీర స్ఠైర్యం, టోనింగ్, కండరాల డెఫినిషన్ చూస్తే “ఇదేంటి లెవల్!” అనిపించేలా ఉంది. ఇప్పటి వరకు పురుష క్రికెటర్లను మాత్రమే ఫిట్నెస్ ఐకాన్లుగా చూసిన అభిమానులు, నికీ ఫొటో చూసిన తర్వాత మహిళల శరీరశక్తి, క్రమశిక్షణపైనా పెద్ద చర్చ మొదలైంది.
భారత మహిళా క్రికెట్లో ఫిట్నెస్ స్టాండర్డ్స్ పెరుగుతున్నాయ్
Niki Fitness: ఇటీవలి కాలంలో మహిళా క్రికెటర్లు ఫిట్నెస్ విషయంలో ఎలాంటి తగ్గుదల లేకుండా, పురుషులకంటే తక్కువేమీ లేరని నిరూపిస్తున్నారు. BCCI అమలు చేస్తున్న కఠినమైన ఫిట్నెస్ టెస్టులు, రీహాబ్ ప్రాసెస్లు, డైట్ ప్లాన్లు—ఇవి మహిళా క్రికెటర్ల పవర్ పెంచడంలో కీలక పాత్ర పోషిస్తున్నాయి. నికీ ప్రసాద్ ఒకవైపు వరల్డ్ కప్ విజేతగా తన సామర్థ్యాన్ని చూపిస్తుండగా, మరోవైపు తన ఫిట్నెస్తో మొత్తం తరం మహిళా క్రికెటర్లకు రోల్ మోడల్గా మారుతోంది.
యువత కూడా “మహిళలు కూడా జిమ్లో రాకింగ్ లుక్ ఇవ్వగలరు” అని చెప్పేలా ఈ ఫొటో ప్రభావం చూపుతోంది. మహిళా క్రికెట్కు పెరుగుతున్న గుర్తింపు, సోషల్ మీడియాలో పెరిగిన ఆదరణ… ఇవన్నీ నికీ ఫొటోతో మరింత వేగం పుంజుకున్నాయి. ఆమె ఫిట్నెస్ డిసిప్లిన్ రాబోయే సంవత్సరాల్లో మహిళా క్రికెట్ను ఇంకో స్థాయికి తీసుకెళ్లే ఆశలు పెంచుతోంది.
నికీ ప్రసాద్ ఎవరు?
2025 U-19 మహిళా T20 వరల్డ్ కప్ విన్నింగ్ కెప్టెన్.
ఫిట్నెస్ ఫొటో ఎందుకు వైరల్ అయింది?
ఆమె హార్డ్కోర్ వర్కౌట్ లుక్, కండరాల డెఫినిషన్ చూసి అభిమానులు ఆశ్చర్యపోయారు.
Read hindi news: https://hindi.vaartha.com
Epaper : https://epaper.vaartha.com/
Read also:
