క్రికెట్ అభిమానులు ఎప్పుడూ తమ హీరోలను క్రీడా మైదానంలో మాత్రమే కాకుండా, వారి వ్యక్తిగత, సామాజిక జీవితాల్లో కూడా చూడాలని కోరుకుంటారు. ముఖ్యంగా ఎంఎస్ ధోనీ (MS Dhoni) అభిమానులకు ఈ వార్త ఒక పెద్ద సర్ప్రైజ్ అవుతుంది. మహేంద్ర సింగ్ ధోనీ, భారత క్రికెట్ లోని “కూల్ కెప్టెన్”గా విఖ్యాతి చెందారు. కోహ్లి, రోహిత్ శర్మ వంటి స్టార్ ప్లేయర్ల మధ్యన కూడా ధోనీ తన నిర్ణయాత్మక నిర్ణయాలు, ఆత్మవిశ్వాసంతో టీమ్ను ముందుకు నడిపేవారు. కానీ ఇప్పుడు క్రికెట్ మైదానం మాత్రమే కాదు, వెండితెరపై కూడా అభిమానులను అలరించడానికి సిద్ధమవుతున్నారు.
ఇప్పటికే సోషల్ మీడియా వేదికగా పెద్ద సంచలనం సృష్టించిన టీజర్, ప్రముఖ బాలీవుడ్ నటుడు ఆర్.మాధవన్ (R. Madhavan) సెప్టెంబర్ 7న పోస్ట్ చేశారు. ఈ టీజర్లో ధోనీ ఫుల్ యాక్షన్ రోల్లో కనిపించడం, అభిమానులను ఆశ్చర్యానికి గురి చేసింది. మాస్ యాక్షన్ సీక్వెన్స్లలో, ధోనీ క్రికెట్ మైదానం కూల్ కెప్టెన్ నుండే స్టైలిష్ యాక్షన్ హీరోగా మారడం, టీజర్ను ప్రత్యేకంగా ఆకర్షణీయంగా మార్చింది.
ఉత్కంఠభరితమైన యాక్షన్ థ్రిల్లర్ గా ఉంటుందని
ఆర్.మాధవన్, వసన్ బాల డైరెక్షన్లో రూపొందుతున్న ‘ది ఛేజ్’ అనే ప్రాజెక్టు టీజర్ను విడుదల చేశారు. ఇందులో ఆర్.మాధవన్తో పాటు ఎంఎస్ ధోనీ కూడా టాస్క్ఫోర్స్ ఆఫీసర్ (Task Force Officer) గా తుపాకీ పట్టుకుని బుల్లెట్ల వర్షం కురిపిస్తూ కనిపించారు. వారిద్దరూ ఒకే తరహా యూనిఫామ్ ధరించి ఉన్నారు. ఇది చాలా సరదాగా, ఉత్కంఠభరితమైన యాక్షన్ థ్రిల్లర్ గా ఉంటుందని టీజర్ చూస్తే అర్థమవుతుంది. ఆర్.మాధవన్ తన పోస్ట్లో “ఒక మిషన్. ఇద్దరు యోధులు. మీ సీట్బెల్ట్లను బిగించుకోండి – ఒక వైల్డ్, ఉత్కంఠభరితమైన ఛేజ్ మొదలవుతుంది” అని రాశారు. అయితే, ఇది సినిమానా, వెబ్ సిరీసా లేదా ఏదైనా ప్రకటననా అనేది మాత్రం స్పష్టంగా చెప్పలేదు.ఈ టీజర్ విడుదలైన వెంటనే నెట్టింట వైరల్ అయింది. ఎంఎస్ ధోనీ అభిమానులు, నెటిజన్లు ఆనందంతో షేర్ చేస్తూనే.. ఇది ఏ రకమైన ప్రాజెక్టు అని ప్రశ్నల వర్షం కురిపిస్తున్నారు.
సినిమా లేదా వెబ్ సిరీస్ అయ్యే అవకాశం
ఎంఎస్ ధోనీ ఇదివరకే అనేక ప్రకటనలలో అలాగే ‘ది గోట్’ అనే తమిళ సినిమాలో గెస్ట్ అప్పియరెన్స్ ఇచ్చారు. కానీ ఇలా పూర్తి స్థాయిలో యాక్షన్ పాత్రలో కనిపించడం ఇదే మొదటిసారి కావడంతో ఇది ఒక సినిమా లేదా వెబ్ సిరీస్ అయ్యే అవకాశం ఉందని చాలా మంది అభిప్రాయపడుతున్నారు.మహేంద్ర సింగ్ ధోనీ 2020లో అంతర్జాతీయ క్రికెట్కు రిటైర్ అయ్యారు. అయితే, ఇండియన్ ప్రీమియర్ లీగ్ (ఐపీఎల్) నుంచి మాత్రం ఇంకా రిటైర్ కాలేదు. ప్రస్తుతం ఆయన సీఎస్కే తరపున ఆడుతున్నారు. ఐపీఎల్ 2026లో కూడా ఆయన సీఎస్కేకు ఆడతారని అభిమానులు ఆశిస్తున్నారు. ఒకవేళ ధోనీ సినీ రంగ ప్రవేశం చేస్తే.. క్రికెట్ తర్వాత ఆయన అభిమానులను ఏ విధంగా అలరిస్తారో చూడాలి.
Read hindi news: hindi.vaartha.com
Read also:
