దేశవాళీ క్రికెట్లో అత్యంత ప్రతిష్టాత్మకమైన టోర్నమెంట్లలో ఒకటైన దులీప్ ట్రోఫీ (Duleep Trophy) ఎంపికలపై ఈ సారి భారీ వివాదం నెలకొంది. టీమిండియాలో ప్రాధాన్యం కలిగిన స్టార్ ఆటగాళ్లు అయిన మహ్మద్ సిరాజ్, కేఎల్ రాహుల్ వంటి కీలక ఆటగాళ్లను సౌత్ జోన్ జట్టులో చోటు ఇవ్వకపోవడంపై బీసీసీఐ తీవ్ర అసంతృప్తి వ్యక్తం చేసింది. ఈ నిర్ణయంపై బోర్డు అత్యంత సీరియస్గా వ్యవహరిస్తూ రాష్ట్ర క్రికెట్ సంఘాలకు కఠినమైన హెచ్చరిక జారీ చేసినట్లు సమాచారం.తెలుసుకోదగిన విషయం ఏమిటంటే, దులీప్ ట్రోఫీ అనేది దేశీయ స్థాయిలో జోన్ల మధ్య జరుగే టోర్నమెంట్. ఇందులో ఉత్తర, దక్షిణ, తూర్పు, పడమర, మధ్య జోన్లతో పాటు రెస్ట్ ఆఫ్ ఇండియా జట్లు పోటీపడతాయి. ఈ టోర్నీ ద్వారా ఆటగాళ్లు తమ ప్రతిభను నిరూపించుకుని జాతీయ జట్టులో స్థానం సంపాదించుకునే అవకాశం ఉంటుంది. అందువల్ల దీనికి ఎప్పటినుండో విశేషమైన ప్రాధాన్యం ఉంది.సిరాజ్, రాహుల్తో పాటు వాషింగ్టన్ సుందర్, ప్రసిధ్ కృష్ణ, సాయి సుదర్శన్ వంటి ఆటగాళ్లకు కూడా సౌత్ జోన్ జట్టు (South Zone Team) లో చోటు దక్కలేదు.
కొన్ని రాష్ట్ర సంఘాలు భిన్నమైన అభిప్రాయంతో
ఈ పరిణామంపై స్పందించిన బీసీసీఐ క్రికెట్ ఆపరేషన్స్ (BCCI Cricket Operations) జనరల్ మేనేజర్ అబే కురువిల్లా, దులీప్ ట్రోఫీకి గౌరవాన్ని ఇవ్వాలని రాష్ట్ర సంఘాలకు సూచించారు. “దులీప్ ట్రోఫీ ప్రతిష్ఠను కాపాడటానికి, అత్యున్నత స్థాయి పోటీ ఉండేలా చూడటానికి, అందుబాటులో ఉన్న భారత ఆటగాళ్లందరినీ తప్పనిసరిగా వారి వారి జోనల్ జట్లలోకి ఎంపిక చేయాలి. ఈ విషయాన్ని జోనల్ కన్వీనర్లు అర్థం చేసుకోవాలి” అని ఆయన తన ఈమెయిల్లో స్పష్టం చేశారు.అయితే, ఈ విషయంలో కొన్ని రాష్ట్ర సంఘాలు భిన్నమైన అభిప్రాయంతో ఉన్నట్టు సమాచారం. అంతర్జాతీయ క్రికెటర్లు జట్టులోకి వస్తే, దేశవాళీ టోర్నీల్లో నిలకడగా రాణిస్తున్న యువ ఆటగాళ్లకు అన్యాయం జరుగుతుందని, వారి అవకాశాలు దెబ్బతింటాయని కొన్ని సంఘాలు భావిస్తున్నాయి. వారి స్థానంలో ఇండియా-ఏ లేదా బోర్డ్ ప్రెసిడెంట్స్ XI వంటి జట్లకు జాతీయ ఆటగాళ్లను ఎంపిక చేయడం మేలని వారు అభిప్రాయపడుతున్నారు.
ఈ నిబంధన ప్రకారమే శుభ్మన్ గిల్
వాస్తవానికి, సెంట్రల్ కాంట్రాక్ట్ ఉన్న ఆటగాళ్లు జాతీయ విధుల్లో లేనప్పుడు తప్పనిసరిగా దేశవాళీ క్రికెట్ ఆడాలని 2024లోనే బీసీసీఐ స్పష్టమైన నిబంధన తీసుకొచ్చింది. జాతీయ జట్టు కోచ్, సెలక్షన్ కమిటీ ఛైర్మన్ నుంచి ముందస్తు అనుమతి లేకుండా దేశవాళీ టోర్నీలను వీడటానికి వీల్లేదని అప్పుడే స్పష్టం చేసింది. ఈ నిబంధన ప్రకారమే శుభ్మన్ గిల్, యశస్వి జైస్వాల్, కుల్దీప్ యాదవ్ వంటి ఆటగాళ్లు ఇప్పటికే తమ జట్లలో చోటు దక్కించుకున్నారు. ఇప్పుడు కొందరు ఆటగాళ్లను ఎంపిక చేయకపోవడంతో బీసీసీఐ మరోసారి కఠినంగా వ్యవహరించింది.
Read hindi news: hindi.vaartha.com
Read also:
