టీమిండియా సీనియర్ స్టార్లు విరాట్ కోహ్లీ మరియు రోహిత్ శర్మ (Virat Kohli and Rohit Sharma) వన్డే క్రికెట్కి గుడ్బై చెబుతారా అనే సందేహం క్రికెట్ వర్గాల్లో తిరుగుతోంది. ఈ నేపథ్యంలో మాజీ కెప్టెన్ సౌరవ్ గంగూలీ (Sourav Ganguly) స్పందించారు.అతని అభిప్రాయం ఏంటంటే – ఫామ్ ఉంటే ప్లేయర్ను ఎత్తేసే అవసరం లేదు.ఇటీవల ఓ క్రికెట్ కార్యక్రమంలో గంగూలీ మాట్లాడుతూ, ఎవరైతే బాగా ఆడతారో వారే జట్టులో ఉండాలి. ఫామ్ ఉన్నవాళ్లను వదలకూడదు అన్నారు.వన్డేల్లో కోహ్లీ, రోహిత్ల రికార్డులు చూసి ఎవ్వరూ విస్మయం చెందకుండా ఉండలేరు. విరాట్ కోహ్లీ గొప్ప బ్యాట్స్మన్. వన్డేల్లో అతని గణాంకాలు అద్భుతంగా ఉన్నాయి. రోహిత్ శర్మ కూడా పరిమిత ఓవర్లలో పర్ఫెక్ట్ ఆటగాడు, అని గంగూలీ చెప్పాడు.
రిటైర్మెంట్ రూమర్లపై గంగూలీ క్లారిటీ
ఇటీవల వార్తల ప్రకారం, ఈ అక్టోబర్లో ఆస్ట్రేలియాతో జరిగే వన్డే సిరీస్ తరువాత వీరిద్దరూ క్రికెట్కి వీడ్కోలు చెబుతారనే ఊహాగానాలు చెలరేగాయి.ఈ వార్తలపై స్పందించిన గంగూలీ, ఇలాంటి రిటైర్మెంట్ గాసిప్లపై నాకు ఎలాంటి అధికారిక సమాచారం లేదు, అని తేల్చి చెప్పారు.ఆ సిరీస్ అక్టోబర్ 19 నుంచి పెర్త్, అడిలైడ్, సిడ్నీలో జరగనుంది. ఇది వాస్తవంగా వీరి చివరి వన్డే సిరీస్ అవుతుందా అన్నది ఇంకా అనుమానంగా ఉంది.
ఆసియా కప్లో భారత్ ఫేవరెట్ – గంగూలీ జోస్యం
కేవలం సీనియర్ల భవిష్యత్తుపైనే కాకుండా, భారత జట్టు భవిష్యత్తుపై కూడా గంగూలీ ఆశాభావం వ్యక్తం చేశాడు.భారత్ ఇప్పుడు బలంగా ఉంది. టీమిండియా ప్రస్తుతం మంచి విశ్రాంతి తీసుకుంది. ఐపీఎల్, టెస్ట్ సిరీస్ తర్వాత ఇప్పుడు పూర్తి ఫోకస్ వైట్ బాల్ క్రికెట్ మీదే, అని గంగూలీ వివరించారు.సెప్టెంబర్ 9 నుంచి దుబాయ్లో ప్రారంభమయ్యే టీ20 ఆసియా కప్ గురించి మాట్లాడుతూ, అక్కడి పిచ్లు భారత్కు అనుకూలంగా ఉంటాయి. మన జట్టును ఓడించడం అంత తేలిక కాదు అని విశ్లేషించాడు.
శుభ్మన్ గిల్కి కెప్టెన్సీలో మంచి భవిష్యత్తు
గంగూలీ ఓ స్పెషల్ పాయింట్గా శుభ్మన్ గిల్ గురించి కూడా ప్రస్తావించాడు. టెస్టు కెప్టెన్సీలో అతని ప్రదర్శనను ప్రశంసిస్తూ, గిల్కి లీడర్షిప్లో బంగారు భవిష్యత్తు ఉంది, అని అభిప్రాయపడ్డాడు.ఆటపై అర్థం ఉన్న గంగూలీ వంటి ఆటగాడు మాట్లాడినప్పుడు, ఆ మాటలకు ప్రాధాన్యం ఉంటుంది.టీమిండియా వన్డే భవిష్యత్తు గట్టిగానే ఉంది. కానీ కోహ్లీ, రోహిత్ల రిటైర్మెంట్ చర్చలు మాత్రం ఆగడం లేదు. వీరిద్దరూ ఇంకా రెండేళ్లు ఆడగలగాలంటే, వాళ్ల ఫిట్నెస్, ఫామ్కి ఆధారపడి ఉంటుంది.
Read Also : Heavy Rains : ప్రజలు సహకరించాలన్న మంత్రి పొన్నం
