Cristiano Ronaldo: ప్రపంచ ఫుట్‌బాల్ దిగ్గజం, పోర్చుగల్ స్టార్ ఆటగాడు క్రిస్టియానో రొనాల్డో తన వ్యక్తిగత జీవితానికి సంబంధించి ఒక సంచలన నిర్ణయంతో అందరికీ షాక్ ఇచ్చాడు. తన చిరకాల ప్రేయసి జార్జినా రోడ్రిగ్జ్‌ను ఆగస్టు 11న అత్యంత గోప్యంగా వివాహం చేసుకున్నాడు. ఈ మధురమైన విషయాన్ని రొనాల్డో స్వయంగా సోషల్ మీడియా వేదికగా వెల్లడించడంతో ఈ న్యూస్ ఇంటర్నెట్‌లో క్షణాల్లో వైరల్‌గా మారింది. జార్జినాతో కలిసి ఉంగరాలు ప్రదర్శిస్తున్న ఫోటోను ఇన్‌స్టాగ్రామ్‌లో పంచుకుంటూ “C❤️G” అనే చిన్న క్యాప్షన్‌తో తమ బంధాన్ని అధికారికంగా ముడివేసుకున్నట్లు తెలిపారు.
కేవలం పిల్లల సమక్షంలోనే నిరాడంబర వేడుక
పోర్చుగల్ రాజధాని లిస్బన్ సమీపంలోని సుందరమైన తీరప్రాంత పట్టణం కాస్కాయిస్‌లో ఈ వివాహ తంతు చాలా నిరాడంబరంగా జరిగింది. ఎలాంటి హడావుడి లేకుండా, కేవలం వారి ఐదుగురు పిల్లలు క్రిస్టియానో జూనియర్, కవలలు ఇవా-మాటియో, అలనా మార్టినా, బెల్లా ఎస్మరాల్డాల సమక్షంలోనే ఈ జంట ఒక్కటైనట్లు బ్రన్స్‌విక్ గ్రూప్ ఒక ప్రకటనలో స్పష్టం చేసింది. దాదాపు పదేళ్లుగా అన్యోన్యంగా సాగుతున్న వీరి ప్రేమ ప్రయాణం చివరకు పెళ్లి పీటలెక్కి కొత్త మలుపు తిరిగింది.
Cristiano Ronaldo: దశాబ్ద కాలపు ప్రేమకథ మరియు రొనాల్డో అథ్లెటిక్ ప్రయాణం
ఈ జంట ప్రేమకథ 2016లో స్పెయిన్ రాజధాని మాడ్రిడ్‌లో ప్రారంభమైంది. అప్పట్లో రొనాల్డో రియల్ మాడ్రిడ్ క్లబ్‌కు ఆడుతుండగా, జార్జినా ఓ గూచీ బొటిక్‌లో సేల్స్ అసిస్టెంట్‌గా పనిచేసేవారు. అక్కడ మొదలైన పరిచయం ప్రేమగా మారింది. కాగా, అంతర్జాతీయ ఫుట్‌బాల్‌లో పోర్చుగల్ తరఫున రికార్డులు సృష్టించిన రొనాల్డో, ప్రస్తుతం సౌదీ ప్రో లీగ్‌లో అల్ నాసర్ క్లబ్‌కు ప్రాతినిధ్యం వహిస్తూ శనివారం నుంచి ప్రారంభమయ్యే దేశీయ సీజన్ కోసం సిద్ధమవుతున్నారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
