Shruti Haasan: పెళ్లి అంటే నాకు చాలా భయం

తమిళ నటి, గాయనీ, ప్రముఖ నటుడు కమల్ హాసన్ కుమార్తె శ్రుతి హాసన్ తాజాగా పెళ్లి గురించి చేసిన వ్యాఖ్యలు చర్చకు దారితీశాయి. ఓ ప్రముఖ మీడియా ఇంటర్వ్యూలో ఆమె తన వ్యక్తిగత అభిప్రాయాలు, భవిష్యత్ ప్రణాళికల గురించి ఓపికతో చెప్పింది. శ్రుతి హాసన్ తెలిపినట్లుగా – “పెళ్లి అంటే నాకు భయం. అది నా స్వేచ్ఛ (Freedom) ను తీసుకుపోతుందనే అనుభూతి కలుగుతుంది. ఒకసారి నేను పెళ్లికి చాలా దగ్గరగా వచ్చాను కానీ, అనుకోని పరిస్థితుల వల్ల అది విఫలమైంది. అప్పటి అనుభవం నా మనసుపై బరువుగా మిగిలింది.”

నమ్మకం

ఒక నటిగా నా అభిరుచులను, అభివ్యక్తిని కోల్పోవడం నాకు ఇష్టం లేదు. పెళ్లి తర్వాత చాలా మంది మహిళలు తమ కలలను, కెరీర్‌ను పక్కన పెట్టేస్తారు. అలాంటి బంధానికి నేను సిద్ధంగా లేను” అని శ్రుతి పేర్కొంది. ఈ వ్యాఖ్యలు ఆమె వ్యక్తిత్వాన్ని ఎంత విలువైనదిగా భావిస్తుందో తెలియజేస్తున్నాయి. నాకు ప్రేమపై నమ్మకం ఉంది. నేను ప్రేమలో ఉండటాన్ని ఆస్వాదిస్తాను. కానీ ప్రేమను పెళ్లి (Marriage) తో సమానంగా చూడడం తప్పు. ఇవి రెండు వేరే అంశాలు” అని చెప్పింది. ఈ మాటల ద్వారా ఆమె ప్రేమకు వ్యతిరేకం కాదు కానీ, పెళ్లి అనే వ్యవహారానికి సిద్ధంగా లేనని స్పష్టంగా పేర్కొంది.

పవర్‌ఫుల్ పాత్ర

ప్రస్తుతం శ్రుతి హాసన్ “కూలీ” అనే చిత్రంలో నటిస్తోంది. ఈ చిత్రం 2025 ఆగస్టు 14న విడుదలకు సిద్ధంగా ఉంది. ఈ సినిమాలో శ్రుతి పవర్‌ఫుల్ పాత్రలో కనిపించనుందని సమాచారం.శ్రుతి హాసన్ (Shruti Haasan) మాటల్లో కనిపించిన స్పష్టత, తన అభిప్రాయాలను ధైర్యంగా వ్యక్తపరచిన తీరు ఆమె వ్యక్తిత్వాన్ని ప్రతిబింబిస్తుంది. పెళ్లిపై, ప్రేమపై ఆమె అభిప్రాయాలు తన జీవితానుభవాల నుంచి తీసుకున్న నిష్కర్షలే. ఇవి సాహసంగా, నిజాయితీగా ఉన్నప్పటికీ… మహిళల స్వేచ్ఛపై మరింత చర్చకు దారితీయబోతున్నాయి.

శ్రుతి హాసన్‌ ఏ మతాన్ని అనుసరిస్తారు?

శ్రుతి హాసన్‌ స్వయంగా ఓ ఇంటర్వ్యూలో మాట్లాడుతూ,”నా ఇంట్లో ఎక్కువగా నాస్తిక భావాలే ఉన్నాయి. కానీ నాకు దేవునిపై నమ్మకం ఉంది. నేను ఆధ్యాత్మికంగా ఉండే వ్యక్తిని. అయితే, మతపరంగా కట్టుబడి ఉండడం నాకిష్టం లేదు” అని చెప్పింది.

శ్రుతి హాసన్ ఎందుకు ఇప్పటికీ పెళ్లి చేసుకోలేదు?

శ్రుతి హాసన్ ఇటీవల ఓ ఇంటర్వ్యూలో మాట్లాడుతూ,తనకు పెళ్లి మీద ఆసక్తి లేదని, ప్రేమను నిరూపించడానికి లేదా కమిట్మెంట్‌ చూపించడానికి పెళ్లి అవసరం లేదని స్పష్టం చేసింది.

Read hindi news: hindi.vaartha.com