సినీ పరిశ్రమలో వరుస విషాద సంఘటనలు చోటుచేసుకుంటున్నాయి. ఇటీవలే కోలీవుడ్ ప్రముఖ నటుడు, మార్షల్ ఆర్ట్స్ గురువు షిహాన్ హుస్సేనీ (60) అనారోగ్యంతో కన్నుమూశారు. ఆయన గత కొంతకాలంగా లుకేమియా (బ్లడ్ క్యాన్సర్) తో పోరాడుతూ, చెన్నైలోని ఒక ప్రముఖ ఆసుపత్రిలో చికిత్స పొందుతూ ఈరోజు తుదిశ్వాస విడిచారు. ఆయన మృతిపట్ల టాలీవుడ్, కోలీవుడ్ ప్రముఖులు సంతాపం తెలిపారు. ముఖ్యంగా ఏపీ డిప్యూటీ సీఎం పవన్ కళ్యాణ్, కోలీవుడ్ స్టార్ హీరో విజయ్, ఇతర సినీ మరియు క్రీడా రంగ ప్రముఖులు ఆయనకు నివాళులు అర్పించారు.
షిహాన్ హుస్సేనీ: మార్షల్ ఆర్ట్స్ గురువు & నటుడు
షిహాన్ హుస్సేనీ కేవలం మార్షల్ ఆర్ట్స్ గురువుగానే కాకుండా, మంచి నటుడిగా కూడా సినీ పరిశ్రమలో గుర్తింపు తెచ్చుకున్నారు. అనేక తమిళ సినిమాల్లో నటించడంతో పాటు, మార్షల్ ఆర్ట్స్ లో తన శిష్యులకు శిక్షణ ఇచ్చారు. పవర్ స్టార్ పవన్ కళ్యాణ్, కోలీవుడ్ స్టార్ హీరో విజయ్ వంటి పలువురు ప్రముఖులు హుస్సేనీ వద్దే మార్షల్ ఆర్ట్స్ నేర్చుకున్నారు. పవన్ కళ్యాణ్ కరాటే, కిక్ బాక్సింగ్‌లో నైపుణ్యం సాధించడంలో హుస్సేనీ పాత్ర ఎంతో కీలకం. ఆయన దగ్గరే శిక్షణ తీసుకుని పవన్ కళ్యాణ్ బ్లాక్ బెల్ట్ అందుకున్నారు.
పవన్ కళ్యాణ్ సంతాపం
హుస్సేనీ మృతికి పవన్ కళ్యాణ్ తీవ్ర విచారం వ్యక్తం చేశారు. నా మార్షల్ ఆర్ట్స్ గురువు, నాకు మార్గదర్శకుడైన షిహాన్ హుస్సేనీ ఇక లేరు అనే వార్త నాకు తీవ్రంగా కలిచివేసింది. ఆయన అనారోగ్యంతో బాధపడుతున్నారని నాలుగు రోజుల కిందటే తెలిసింది. వెంటనే చెన్నైలోని నా మిత్రులకు సమాచారం ఇచ్చి మెరుగైన చికిత్స అందించాలనుకున్నాను. కానీ, అలా జరగకముందే ఆయన మన మధ్య నుంచి వెళ్లిపోయారు. ఈ నెల 29న చెన్నై వెళ్లి ఆయనను పరామర్శించాలని అనుకున్నాను. కానీ, ఇంతలోనే ఈ విషాదం జరిగింది. ఆయన ఆత్మకు శాంతి చేకూరాలని ప్రార్థిస్తున్నాను.
చెన్నైకి చెందిన షిహాన్ హుస్సేనీ భారతదేశంలోనే ప్రముఖ మార్షల్ ఆర్ట్స్ నిపుణులలో ఒకరు. మార్షల్ ఆర్ట్స్ గురువుగానే కాకుండా, అర్చరీ శిక్షకుడిగా కూడా ఎంతో మంది విద్యార్థులకు మార్గదర్శకుడిగా నిలిచారు. 1986లో కమల్ హాసన్, రేవతి జంటగా నటించిన బాలచందర్ దర్శకత్వంలోని ‘పున్నగై మన్నన్’ సినిమా ద్వారా వెండితెరకు అడుగు పెట్టారు. ఆ తర్వాత రజనీకాంత్ నటించిన వేలైకారన్ (1987), ‘బ్లడ్‌స్టోన్’ (1988), శరత్‌కుమార్ ‘వేదన్’ (1993) వంటి సినిమాల్లో నటించారు. అంతేకాకుండా, పవన్ కళ్యాణ్ ‘తమ్ముడు’ సినిమా తమిళ రీమేక్‌లో మార్షల్ ఆర్ట్స్ గురువుగా కూడా నటించారు. 2022లో విజయ్ సేతుపతి, నయనతార, సమంత నటించిన ‘కాతు వాకుల రెండు కాదల్’ సినిమాలో చివరిసారిగా నటించారు. హుస్సేనీ మృతిపై కోలీవుడ్ మరియు టాలీవుడ్ ప్రముఖులు తీవ్ర విచారం వ్యక్తం చేశారు. కోలీవుడ్ స్టార్ విజయ్, నటుడు అజిత్, కమల్ హాసన్, రజనీకాంత్, దర్శకుడు శంకర్, లైకా ప్రొడక్షన్స్ తలైవార్ లాంటి పలువురు ప్రముఖులు సంతాపం ప్రకటించారు.
నెట్‌ఫ్లిక్స్‌లో నయనతార, విఘ్నేశ్‌ శివన్‌ జంటపై రూపొందించిన డాక్యుమెంటరీ ఇటీవల విడుదలైన సంగతి తెలిసిందే. ఈ డాక్యుమెంటరీలో వారి ప్రేమకథ మొదలుకొని పెళ్లి వరకు అన్ని ముఖ్యమైన Read more
గతంలో "మళ్లీరావా", "ఎజెంట్ సాయి శ్రీనివాస ఆత్రేయ" వంటి సినిమాలతో ప్రేక్షకులను అలరించిన రాహుల్ యాదవ్ నక్కా తాజాగా "బ్రహ్మా ఆనందం" చిత్రంతో ప్రేక్షకుల ముందుకొచ్చారు. హాస్య Read more
2024 పవన్ కళ్యాణ్ జీవితంలో చరిత్రాత్మక సంవత్సరం.ఆంధ్రప్రదేశ్ రాజకీయాలను కుదిపేసిన ఈ పవర్ స్టార్, దేశవ్యాప్తంగా మాత్రమే కాకుండా ప్రపంచవ్యాప్తంగా కూడా భారీగా చర్చకు వచ్చారు.ఎన్నికల ప్రచారాల్లో Read more
ప్రముఖ నటుడు సిద్ధు జొన్నలగడ్డ సోదరుడు చైతు జొన్నలగడ్డ నటించిన తాజా చిత్రం MM పార్ట్-2 ప్రస్తుతం అతి పెద్ద అంచనాలతో ముందుకు సాగుతోంది. ఈ చిత్రం Read more