ఆంధ్రప్రదేశ్ రాజకీయాల్లో మరో కీలక పరిణామం చోటుచేసుకుంది. మాజీ పీసీసీ చీఫ్, మాజీ మంత్రి డాక్టర్ శైలజానాథ్ వైఎస్సార్ కాంగ్రెస్ పార్టీలో చేరేందుకు సిద్ధమయ్యారు. ఇటీవల ఆయన వైఎస్ జగన్‌మోహన్ రెడ్డిని కలవగా, ఆయన చేరికకు జగన్ గ్రీన్ సిగ్నల్ ఇచ్చారు. దీంతో ఆయన అధికారికంగా వైసీపీలో చేరేందుకు ఏర్పాట్లు పూర్తి అయ్యాయి.
రేపు ఉదయం 10 గంటలకు తాడేపల్లిలోని వైసీపీ కార్యాలయంలో జగన్ సమక్షంలో శైలజానాథ్ వైసీపీ కండువా కప్పుకోనున్నారు. ఈ కార్యక్రమానికి పలువురు వైసీపీ నాయకులు, శైలజానాథ్ మద్దతుదారులు హాజరయ్యే అవకాశం ఉంది. కాంగ్రెస్ పార్టీ తరఫున శింగనమల నియోజకవర్గం నుంచి రెండు సార్లు ఎమ్మెల్యేగా గెలిచిన ఆయన, రాష్ట్ర విభజన తర్వాత కాంగ్రెస్ పార్టీ బలహీనపడటంతో పొలిటికల్‌గా క్రియాశీలకంగా ఉండలేకపోయారు.
శైలజానాథ్, కిరణ్ కుమార్ రెడ్డి ప్రభుత్వం హయాంలో ప్రాథమిక విద్యాశాఖ మంత్రిగా పని చేశారు. రాష్ట్ర విభజన అనంతరం కాంగ్రెస్ పార్టీ దాదాపు నశించిపోయిన నేపథ్యంలో, ఆయన కొత్త రాజకీయ గమ్యం కోసం అన్వేషణ సాగించారు. గత కొన్నాళ్లుగా వైసీపీతో ఆయనకు సంబంధాలు పెరుగుతుండటంతో, చివరకు అధికార పార్టీలో చేరాలని నిర్ణయం తీసుకున్నారు.
ఈ చేరిక వైసీపీకి మరింత బలం చేకూర్చనుందని రాజకీయ విశ్లేషకులు భావిస్తున్నారు. ముఖ్యంగా రాయలసీమ రాజకీయాల్లో శైలజానాథ్ కు ఉన్న అనుభవం, అతని అనుచర బలం వైసీపీకి ఉపయోగపడే అవకాశం ఉంది. అలాగే, ఇది కాంగ్రెస్ పార్టీకి మరో దెబ్బగా మారనుంది. గతంలో వైసీపీలో చేరిన పీసీసీ మాజీ అధ్యక్షులు రఘువీరా రెడ్డికి ధీటుగా ఇప్పుడు శైలజానాథ్ కూడ వైసీపీలో చేరడం, రాష్ట్ర రాజకీయాల్లో కొత్త చర్చకు దారి తీసింది.
ప్రధాని నరేంద్ర మోదీ దేశంలో జమిలి ఎన్నికల పైన కీలక ప్రకటన చేశారు. సర్దార్ వల్లభాయ్ పటేల్ జయంతి సందర్భంగా జరిగిన ఉత్సవాలలో, మోదీ "ఒకే దేశం Read more
తెలంగాణ రాష్ట్ర ముఖ్యమంత్రి రేవంత్ రెడ్డి రేపు మరోసారి ఢిల్లీ పర్యటనకు వెళ్లనున్నారు. ఈ పర్యటనలో ఆయనతో పాటు డిప్యూటీ సీఎం భట్టి విక్రమార్క కూడా హస్తినకు Read more
దేశవ్యాప్తంగా మహాత్మా గాంధీ గ్రామీణ ఉపాధి హామీ పథకం (MGNREGA) కింద ఉపాధి కూలీలకు కేంద్ర ప్రభుత్వం చెల్లించాల్సిన మొత్తం బకాయిలు రూ. 6,434 కోట్లకు చేరాయి. Read more
ఆంధ్రప్రదేశ్‌లో పెన్షన్ పంపిణీ విధానంపై ముఖ్యమంత్రి చంద్రబాబు కీలక ఆదేశాలు జారీ చేశారు. ఉదయం 5 గంటలకే పెన్షన్ పంపిణీ ప్రారంభించాల్సిన అవసరం లేదని ఆయన స్పష్టం Read more