ఈరోజు తెల్లవారుజామున అమెరికాలోని దక్షిణ కాలిఫోర్నియాలో భూమి కంపించింది రిక్టర్ స్కేలు ప్రకారం దీని తీవ్రత 5.2గా నమోదైంది. ప్రకృతి ప్రకంపనలతో ప్రజలు భయంతో ఇంటి వెలుపలికి పరుగులు తీయగా, శాన్ డియాగో జూలో మరో రకమైన దృశ్యం చోటుచేసుకుంది.ఈ భూకంపానికి కాస్త ముందే జూలోని ఏనుగులు వింతగా ప్రవర్తించాయి. భూమి కంపించడానికి కొన్ని క్షణాల ముందు అవి ఏదో అనుమానంతో అల్లకల్లోలంగా కనిపించాయి. ఒక్కసారిగా అవన్నీ పరుగులు తీసి ఒకచోట చేరి వలయాకారంగా నిలబడ్డాయి. ఆ దృశ్యాన్ని గమనించిన జూ సిబ్బంది కూడా ఒక్కసారిగా ఆశ్చర్యపోయారు.సాధారణంగా ఏనుగులు తమ గుంపులోని చిన్నపిల్లల్ని లేదా బలహీనంగా ఉన్న ఏనుగుల్ని రక్షించాల్సిన పరిస్థితుల్లో ఇలా వలయాకారంగా ఏర్పడి నిలుస్తాయని నిపుణులు చెబుతున్నారు. ఇది ప్రధానంగా పులులు వంటి మృగాల దాడికి ఎదురైనప్పుడు జరిగే రక్షణ చర్య.
కానీ ఇప్పుడు భూకంప సమయంలో కూడా అదే విధంగా స్పందించడాన్ని పరిశీలించిన జంతు శాస్త్రజ్ఞులు ఆశ్చర్యానికి గురయ్యారు. వాస్తవానికి ప్రకృతి విపత్తులకు ముందు కొన్ని జంతువులు సున్నితంగా స్పందిస్తాయన్నది శాస్త్రపరంగా నిరూపితమైన అంశం. పాములు, కుక్కలు, పక్షులు ఇలా చాలా జంతువులు భూకంపాల వంటి ప్రకృతి ప్రమాదాలకు ముందే అప్రమత్తమవుతాయని చెప్పడం లేదు. ఇప్పుడు ఈ జాబితాలో ఏనుగులు కూడా చేరినట్టయింది.శాన్ డియాగో జూ ఈ ఘటనకు సంబంధించిన వీడియోను సోషల్ మీడియా ద్వారా షేర్ చేసింది. వీడియోలో ఏనుగులు అశాంతిగా తిరుగుతూ, ఒక్కసారిగా గ్రూప్గా ఒకచోట గుమిగూడి నిలిచిన దృశ్యం కనిపిస్తుంది. ఈ వీడియో నెటిజన్లను విశేషంగా ఆకట్టుకుంటోంది.
“మనుషులకంటే ముందే జంతువులు భూకంపాన్ని గుర్తిస్తాయేమో!” అంటూ చాలామంది కామెంట్లు పెడుతున్నారు. ఈ ఘటన వల్ల ఏనుగుల అవగాహన శక్తి గురించి మరోసారి చర్చ ప్రారంభమైంది. ఎలాంటి శబ్దం లేకుండా, ప్రకృతి ప్రకంపనలకు ముందే అవి స్పందించడం నిజంగా మానవాళికి ఒక సందేశం లాంటిది. ప్రకృతి మార్పులకు జంతువుల శరీరం ఎలా స్పందిస్తుందో తెలుసుకోవడం కోసం శాస్త్రవేత్తలు ఈ వీడియోను విశ్లేషిస్తున్నట్టు సమాచారం.ఈ ఘటనతో ఒక్కటే స్పష్టమవుతుంది – జంతువులు మనకంటే ముందే ప్రమాదాన్ని గ్రహించగలిగే సామర్థ్యం కలిగి ఉన్నాయనే విషయం. ఇది మనకు ప్రకృతిని గౌరవించే అవసరం ఎంత ముఖ్యమో గుర్తుచేస్తోంది.భూకంపం సమయంలో ఏనుగుల ఈ తెలివైన ప్రవర్తన ఇప్పుడు ఇంటర్నెట్లో హాట్ టాపిక్గా మారింది నిజంగా ప్రకృతి మాయ గాధలే!
Read Also : Trump Tariff: :ఫార్మాసూటికల్స్ రంగంపై ట్రంప్ భారీ టారిఫ్
