తెలంగాణ రాష్ట్ర ప్రభుత్వం మహిళల ఆర్థిక సంక్షేమాన్ని పెంపొందించడంపై ప్రత్యేక దృష్టి సారించింది. ‘ఇందిరమ్మ ఆత్మీయ భరోసా‘ పథకం కింద సంవత్సరానికి రూ.12వేల ఆర్థిక సహాయాన్ని మహిళల ఖాతాల్లో నేరుగా జమ చేయనున్నట్లు మంత్రి సీతక్క తెలిపారు. ఈ పథకం దేశంలోనే ఏ రాష్ట్రంలోనూ లేని విభిన్నమైనది అని మంత్రి వివరించారు.
ఈ పథకం ద్వారా మహిళల ఆర్థిక స్వావలంబనకు తోడ్పడటం లక్ష్యంగా ప్రభుత్వం ముందుకు సాగుతోంది. పథకంలో భాగంగా ఈ నెల 26న మొదటి విడతగా రూ.6వేలు మహిళల బ్యాంక్ ఖాతాల్లో జమ చేయనున్నట్లు మంత్రి ప్రకటించారు. మహిళల ఆర్థిక స్వావలంబనతో పాటు కుటుంబ స్థిరత్వానికి ఇది దోహదపడుతుందని పేర్కొన్నారు. ఉపాధి హామీ పథకానికి సంబంధించి ఆధార్ నంబర్లను సరిగ్గా నమోదు చేయలేదని, డేటా ఎంట్రీలో కొన్ని పొరపాట్లు జరిగాయని మంత్రి గుర్తించారు. ఈ పొరపాట్లను సరిదిద్దేందుకు సంబంధిత అధికారులను తక్షణ చర్యలు తీసుకోవాలని సూచించారు. ప్రభుత్వం అందించే ప్రతి పథకం ప్రజలకు పూర్తిస్థాయిలో చేరేలా చూడాలన్నారు.
ఇందిరమ్మ ఆత్మీయ భరోసా పథకంతో పాటు మహిళల కోసం మరిన్ని అభివృద్ధి కార్యక్రమాలను తీసుకురావాలని ప్రభుత్వం ప్రణాళికలు సిద్ధం చేస్తోంది. పల్లె, పట్టణ ప్రాంతాల్లో మహిళలు స్వయం ఉపాధి సాధించేలా ప్రత్యేక శిక్షణా కార్యక్రమాలను నిర్వహించేందుకు ప్రభుత్వం ముందుకువస్తోంది. ఈ పథకం అమలుకు సంబంధించిన ప్రకటనతో రాష్ట్రంలోని మహిళలు హర్షం వ్యక్తం చేస్తున్నారు. కుటుంబ ఆర్థిక బాధ్యతలను దృష్టిలో ఉంచుకుని తీసుకొచ్చిన ఈ పథకం వారికి బాసటగా నిలుస్తుందని వారు అభిప్రాయపడుతున్నారు. ఇలాంటి కార్యక్రమాలు మహిళా సాధికారతను మరింత బలపరుస్తాయని విశ్లేషకులు పేర్కొంటున్నారు.
నాగర్ కర్నూలు జిల్లా దోమలపెంట వద్ద ఎస్ఎల్బీసీ టన్నెల్ 14వ కిలోమీటర్లో జరిగిన ప్రమాదంలో చిక్కుకుపోయిన 8 మంది కార్మికుల ఆచూకీ ఇప్పటికీ తెలియలేదు. ఈ విషాద Read more
రాష్ట్రంలో 10వ తరగతికి సిద్దమవుతున్న ప్రభుత్వ పాఠశాలల విద్యార్థులకు అల్పాహారం అందించాలని తెలంగాణ ప్రభుత్వం నిర్ణయించిన సంగతి తెలిసిందే. దీనికి సంబంధించి తాజాగా మెనూ రూపొందించారు రాష్ట్రంలోని ప్రభుత్వ, Read more
కాంగ్రెస్ పార్టీ చీప్ పాలిటిక్స్ చేస్తుందని బీజేపీ మండిపడింది. మాజీ ప్రధాని మన్మోహన్ సింగ్ స్మారకార్థం స్థలాన్ని కేటాయించలేదంటూ కాంగ్రెస్ చేసిన తీరు సిగ్గుచేటుగా అభివర్ణించింది. బీజేపీ Read more
అమరావతి: ఆంధ్రుల జీవనాడి అయిన పోలవరం ప్రాజెక్టులో నేడు కీలక ఘట్టం ప్రారంభం కానుంది. నీటి నిల్వకు కీలకమైన డయాఫ్రమ్ వాల్ నిర్మాణ పనులు ఈరోజు నుంచి Read more