తెలంగాణ ప్రభుత్వం దావోస్‌లో జరుగుతున్న వరల్డ్ ఎకనామిక్ ఫోరమ్‌లో తన తొలి పెద్ద ఒప్పందాన్ని కుదుర్చుకుంది. ప్రఖ్యాత వినియోగ వస్తువుల తయారీ సంస్థ యూనిలీవర్‌తో రాష్ట్రానికి పెట్టుబడులపై జరిగిన చర్చలు విజయవంతమయ్యాయి. ముఖ్యంగా తెలంగాణలో తయారీ యూనిట్ల ఏర్పాటుకు కంపెనీ అంగీకారం తెలిపింది. ఇందులో భాగంగా కామారెడ్డి జిల్లాలో పామాయిల్ తయారీ యూనిట్‌ను ఏర్పాటు చేయనుంది.తెలంగాణ ప్రతినిధుల బృందం ముఖ్యమంత్రి రేవంత్, ఐటీ శాఖ మంత్రి శ్రీధర్ బాబు నేతృత్వంలో యూనిలీవర్ సీఈఓ హీన్ షూమేకర్, చీఫ్ సప్లై చైన్ ఆఫీసర్ విల్లెం ఉయిజెన్‌లతో సమావేశమైంది.
తెలంగాణలో పెట్టుబడులు పెట్టేందుకు ఉన్న విస్తారమైన అవకాశాలను వారికీ వివరించారు.యూనిలీవర్ కంపెనీ, తెలంగాణలో పెట్టుబడులకు అనుకూలంగా ఉందని, దీనికి సంబంధించిన ఒప్పందాలు విజయవంతమయ్యాయని రాష్ట్ర ప్రతినిధుల బృందం వెల్లడించింది. మారెడ్డిలో పామాయిల్ తయారీ యూనిట్‌ ప్రారంభానికి యూనిలీవర్ సిద్ధమవ్వడమే కాకుండా, రాష్ట్రంలో బాటిల్ క్యాప్‌ల తయారీ యూనిట్‌ను కూడా ఏర్పాటు చేయడానికి ఆసక్తి వ్యక్తం చేసింది. ఈ ఒప్పందాలతో తెలంగాణలో పరిశ్రమల అభివృద్ధి వేగవంతమవుతుందని ఆశిస్తున్నారు.దావోస్‌లో తెలంగాణ ప్రభుత్వం పలువురు పారిశ్రామిక దిగ్గజాలతో చర్చలు జరిపింది. ప్రముఖ లాజిస్టిక్స్ సంస్థ ఎజిలిటీ ఛైర్మన్ తారెక్ సుల్తాన్‌తో మంత్రి శ్రీధర్ బాబు సమావేశమై, రాష్ట్రంలో వ్యవసాయ రంగ అభివృద్ధి, రైతుల ఆదాయ వృద్ధి కోసం అనుసరించవచ్చిన విధానాలపై చర్చించారు.
అలాగే, కాలిఫోర్నియాకు చెందిన ఆర్టిఫిషియల్ ఇంటెలిజెన్స్ కంపెనీ సాంబనోవా చీఫ్ గ్రోత్ ఆఫీసర్ సూలేతో మంత్రి శ్రీధర్ బాబు సమావేశమయ్యారు. ఈ చర్చల్లో సెమీ కండక్టర్ పరిశ్రమల్లో పెట్టుబడుల అవకాశాలను ప్రస్తావించారు.దావోస్‌లో జరిగిన ఈ తొలి ఒప్పందం తెలంగాణ అభివృద్ధికి మరింత గమ్యాన్ని చూపుతుందని విశ్లేషకులు భావిస్తున్నారు. యూనిలీవర్ వంటి గ్లోబల్ బ్రాండ్‌లు పెట్టుబడుల కోసం ముందుకొస్తుండటం రాష్ట్ర పరిశ్రమల రంగానికి గొప్ప పురోగతిగా పేర్కొంటున్నారు.ఇవన్నీ చూస్తుంటే, తెలంగాణ పెట్టుబడులకు అనుకూలమైన ప్రదేశంగా తన స్థానాన్ని మరింత బలపరుస్తోంది.
హైదరాబాద్‌: తెలంగాణ అసెంబ్లీ ఆవరణలో ఫోటోలు, వీడియోలు తీయకూడదని ఆంక్షలు విధించారు. కొత్త నిబంధనను అమలు చేయాలంటూ అసెంబ్లీ లాబీల్లో హెచ్చరిక బోర్డులు ఏర్పాటు చేశారు. ఈ Read more
2023 లో జరిగిన అసెంబ్లీ ఎన్నికలకు తన ఫారం-26 అఫిడవిట్ను సరిగ్గా దాఖలు చేయలేదని ఎన్నికల పిటిషన్కు సంబంధించి తెలంగాణ హైకోర్టు ఉత్తర్వులను సవాలు చేస్తూ కొత్తగూడెం Read more
తిరుపతి: తిరుపతి కార్పొరేషన్‌ డిప్యూటీ మేయర్‌ పదవిని ఎన్డీయేలోని టీడీపీ కైవసం చేసుకుంది. కోరం లేక నిన్న వాయిదా పడిన ఎన్నికను మంగళవారం తిరుపతి ఎస్వీ వర్సిటీ Read more
చైనా వివాహం, ప్రేమ, సంతానం మరియు కుటుంబం పై సానుకూల దృక్పథాలను పెంచేందుకు "ప్రేమ విద్య"ను విశ్వవిద్యాలయాల్లో ప్రవేశపెట్టాలని కోరుకుంటోంది. ఈ చర్య దేశంలోని జనాభా పెరుగుదలని Read more