దేశీయ బ్యాంకింగ్ వ్యవస్థలో నగదు లభ్యతను పెంచేందుకు భారతీయ రిజర్వు బ్యాంక్ మరోసారి కీలక చర్యలు చేపట్టింది. దేశీయ మార్కెట్లో లిక్విడిటీ పెరుగుతోందా లేదా? ఆర్థిక వ్యవస్థకు తగినంత నగదు అందుబాటులో ఉందా అనే విషయాలను సమీక్షించిన ఆర్బీఐ, మరింత స్థిరంగా బ్యాంకింగ్ వ్యవస్థకు నిధులు అందించేందుకు ప్రత్యేక ప్రణాళికను సిద్ధం చేసింది. ఇందులో భాగంగా బహిరంగ మార్కెట్ కార్యకలాపాలు డాలర్-రూపాయి స్వాప్ వంటి చర్యల ద్వారా భారీగా నిధులను అందుబాటులోకి తీసుకురావాలని నిర్ణయించింది.
రూ.1.9 లక్షల కోట్ల నిధులు
ఈ ప్రక్రియలో భాగంగా, మొత్తం రూ.1.9 లక్షల కోట్లను బ్యాంకింగ్ వ్యవస్థకు అందుబాటులోకి తేవాలని ఆర్బీఐ నిర్ణయించింది. ఇందులో రెండు ప్రధాన ఆర్థిక విధానాలను అమలు చేయనుంది. బహిరంగ మార్కెట్ కార్యకలాపాలు (OMO) ద్వారా సెక్యూరిటీ కొనుగోళ్లు ఓపెన్ మార్కెట్ ఆపరేషన్స్ ద్వారా మొత్తం రూ.1 లక్షల కోట్లకు సమానమైన ప్రభుత్వ సెక్యూరిటీల కొనుగోలు చేపట్టనుంది. మార్చి 12, మార్చి 18 తేదీల్లో రూ.50,000 కోట్ల చొప్పున ఈ సెక్యూరిటీల కొనుగోలు చేయనుంది. బ్యాంకింగ్ వ్యవస్థలో లిక్విడిటీ పెరిగేలా, క్రెడిట్ ఫ్లో మెరుగుపడేలా ఈ చర్య తీసుకున్నట్లు ఆర్బీఐ తెలిపింది. ఫిబ్రవరి 28న ఇప్పటికే 10 బిలియన్ డాలర్ల డాలర్-రూపాయి స్వాప్ నిర్వహించిన ఆర్బీఐ, మరోసారి ఇదే విధానాన్ని కొనసాగిస్తోంది. మార్చి 24న మరో 10 బిలియన్ డాలర్ల స్వాప్ వేలాన్ని నిర్వహించనుంది. దీని ద్వారా దేశీయ బ్యాంకింగ్ వ్యవస్థలో మరింత నగదు ప్రవాహాన్ని పెంచే అవకాశం ఉంది.
ఆర్బీఐ కీలక వ్యాఖ్యలు
ఆర్బీఐ గవర్నర్ తాజాగా మాట్లాడుతూ, మార్కెట్ పరిస్థితులను ఎప్పటికప్పుడు సమీక్షిస్తూ, అవసరమైన చర్యలు తీసుకుంటామని స్పష్టం చేశారు. లిక్విడిటీ పరంగా ఎలాంటి సమస్యలు రాకుండా ముందు జాగ్రత్త చర్యలు తీసుకుంటామని తెలిపారు. ఇటీవలి కాలంలో బ్యాంకింగ్ వ్యవస్థలో కొంత నగదు ఒత్తిడి నెలకొన్నది. దీనిని తగ్గించేందుకు ఆర్బీఐ ముందుకొచ్చింది. లిక్విడిటీ పెరిగితే రుణాలపై వడ్డీ రేట్లు స్థిరంగా ఉంటాయి లేదా తగ్గే అవకాశం ఉంటుంది. మార్కెట్లో లిక్విడిటీ చౌకగా అందుబాటులో ఉంటే, స్టాక్ మార్కెట్ సహా ఇతర ఆర్థిక వ్యవస్థలు దృఢంగా కొనసాగే అవకాశముంది. ఈ చర్యల ద్వారా భారత బ్యాంకింగ్ వ్యవస్థ మరింత బలపడే అవకాశముంది. బ్యాంకులకు తక్కువ రేట్లతో నిధులు అందుబాటులోకి రావడం, మార్కెట్ స్థిరత పెరగడం వంటి అంశాలు దీని ప్రభావిత ఫలితాలు. మొత్తానికి, దేశ ఆర్థిక వ్యవస్థను బలపరిచే దిశగా ఆర్బీఐ చేపట్టిన ఈ నిర్ణయాలు కీలకంగా మారనున్నాయి.నగదు లభ్యతను ఎప్పటికప్పుడు సమీక్షిస్తామని, మార్కెట్ పరిస్థితులకు అనుగుణంగా చర్యలు తీసుకుంటామని ఆర్బీఐ తెలిపారు.
దాయాది పాకిస్థాన్ మరోసారి కాల్పుల విరమణ ఒప్పందానికి తూట్లు పొడిచింది. జమ్మూ కశ్మీర్‌లోని నియంత్రణ రేఖ వద్ద కవ్వింపు చర్యలకు దిగింది. పూంఛ్ జిల్లాలో కృష్ణ ఘాటి Read more
న్యూఢిల్లీ: కాంగ్రెస్ నాయకుడు, లోక్‌సభ ప్రతిపక్ష నాయకుడు రాహుల్ గాంధీ, అఖిల భారత కాంగ్రెస్ కమిటీ (ఎఐసిసి) ప్రధాన కార్యదర్శి ప్రియాంక గాంధీ వాద్రా రెండు రోజులు Read more
అగ్రరాజ్యం అమెరికా అధ్యక్షుడు డొనాల్డ్ ట్రంప్ పదవీ బాధ్యతలు స్వీకరించినప్పటి నుంచి కఠిన వలస విధానాలను అవలంభిస్తున్నారు. అనేక మంది అక్రమ వలసదారులను బలవంతంగా ఇంటికి పంపిస్తూనే.. Read more
శ్రీనగర్‌: ఇటీవలే ఎన్నికలు జరుపుకున్న కేంద్ర పాలిత ప్రాంతం జమ్మూకశ్మీర్‌లో ప్రభుత్వ ఏర్పాటుకు వీలుగా కేంద్ర ప్రభుత్వం కీలక నిర్ణయం తీసుకుంది. జమ్మూకశ్మీర్‌లో రాష్ట్రపతి పాలనను రద్దు Read more