Rasi phalalu: కుజ గ్రహం జనవరి 16 నుంచి మకర రాశిలో సంచారం చేయడంతో అరుదైన రాజయోగం ఏర్పడుతోందని జ్యోతిష్య నిపుణులు చెబుతున్నారు. ఈ గ్రహగతి ప్రభావం ముఖ్యంగా మేష, కర్కాటక, మకర రాశులపై అనుకూల ఫలితాలు తీసుకొస్తుందని అంచనా వేస్తున్నారు. అదృష్టం, ఆర్థికాభివృద్ధి, కెరీర్ పురోగతి పరంగా ఈ రాశుల వారికి శుభకాలం ప్రారంభమవుతుందని పేర్కొంటున్నారు.
Read also: Super Moon 2026: రేపు తొలి పౌర్ణమి
మేష, కర్కాటక, మకర రాశులకు రాజయోగం
మేష రాశి(Aries horoscope) వారికి ఫిబ్రవరి 13 వరకు ఉద్యోగ, వ్యాపార రంగాల్లో గణనీయమైన లాభాలు కనిపిస్తాయి. ఉద్యోగాలలో పదోన్నతి, కొత్త అవకాశాలు రానున్నాయి. వ్యాపారస్తులకు లాభదాయక ఒప్పందాలు కుదిరే అవకాశం ఉంది. విద్యార్థులకు ఉన్నత విద్య, విదేశీ విద్యకు సంబంధించిన అవకాశాలు మెరుగుపడతాయి. సొంత ఇంటి కల నెరవేరే సూచనలు కూడా కనిపిస్తున్నాయని జ్యోతిష్యులు తెలిపారు.
కర్కాటక రాశి(Cancer horoscope) వారికి ఆదాయ వృద్ధి స్పష్టంగా కనిపిస్తుంది. అనుకోని మార్గాల ద్వారా ధన లాభం కలగవచ్చని చెబుతున్నారు. దీర్ఘకాలంగా ఎదురుచూస్తున్న బకాయిలు వసూలయ్యే అవకాశం ఉంది. ఉద్యోగరీత్యా లేదా వ్యాపార అవసరాల కోసం విదేశీ ప్రయాణ అవకాశాలు మెరుగుపడతాయి. కుటుంబ జీవితంలో సుఖసంతోషాలు పెరుగుతాయని అంచనా.
మకర రాశి(Capricorn horoscope) వారికి కుజగ్రహ ప్రభావంతో కష్టానికి తగిన ఫలితాలు లభిస్తాయి. గతంలో చేసిన ప్రయత్నాలకు మంచి ఫలితం కనిపిస్తుంది. కొత్త ఆదాయ మార్గాలు తెరుచుకుంటాయి. ఆర్థిక స్థిరత్వం పెరగడంతో పాటు కుటుంబ సభ్యుల నుంచి పూర్తి మద్దతు లభిస్తుంది. నిర్ణయాల్లో ధైర్యం పెరుగుతుందని, ముఖ్యమైన పనుల్లో విజయం సాధిస్తారని జ్యోతిష్యులు పేర్కొంటున్నారు.
మొత్తానికి కుజగ్రహ సంచారం ఈ మూడు రాశుల వారికి అదృష్ట ద్వారాలు తెరుస్తుందని, కొత్త అవకాశాలను సద్వినియోగం చేసుకుంటే జీవితంలో కీలక మార్పులు చోటు చేసుకుంటాయని జ్యోతిష్య నిపుణులు సూచిస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
