తమిళ సినీ పరిశ్రమలో తీవ్ర విషాదం చోటుచేసుకుంది. అద్భుతమైన స్టంట్ మాస్టర్ ఎస్.ఎం. రాజు (SM Raju) ఒక ప్రమాదకరమైన షూటింగ్ సన్నివేశంలో ప్రాణాలు కోల్పోయారు. ఆర్య హీరోగా, పా. రంజిత్ దర్శకత్వంలో తెరకెక్కుతున్న ‘వెట్టువం’ (Vettuvam) సినిమా కోసం నాగపట్టణం సమీపంలో జరుగుతున్న షూటింగ్ సమయంలో కార్ టాప్లింగ్ స్టంట్ చేస్తుండగా, కారు అదుపుతప్పి బోల్తా కొట్టింది. ఈ ఘటనలో రాజు తీవ్ర గాయాలపాలై అక్కడికక్కడే మృతి చెందారు.52 ఏళ్ల ఎస్.ఎం. రాజు తమిళ చిత్రసీమలో కార్ స్టంట్స్లో నైపుణ్యం కలిగిన స్టంట్ కొరియోగ్రాఫర్గా పేరుగాంచారు. ‘సర్పట్టై పరంబరై’, ‘కబాలి’, ‘మద్రాస్’ లాంటి సినిమాల్లో ఆయన చేసిన స్టంట్స్ ప్రేక్షకులను మెప్పించాయి. ప్రాణాలతో చెలగాటం ఆడుతూ, సినీ ప్రేక్షకులకు ఉత్కంఠ కలిగించే యాక్షన్ సీన్లు అందించిన ఆయన చివరికి అదే వృత్తి ప్రాణాలు తీసింది.
స్టంట్ కొరియోగ్రాఫర్
ఈ ప్రమాద ఘటనపై సినీ ప్రముఖులు తీవ్ర దిగ్భ్రాంతి వ్యక్తం చేస్తున్నారు. నటుడు విశాల్ ఎక్స్ వేదికగా భావోద్వేగంతో స్పందిస్తూ, “రాజు ఇకలేరు అన్న విషయం జీర్ణించుకోలేకపోతున్నాను. నా సినిమాల్లో ఎన్నో స్టంట్స్ చేశాడు. ఆయన కుటుంబానికి జీవితాంతం తోడుగా ఉంటాను” అని పేర్కొన్నారు.ప్రముఖ స్టంట్ కొరియోగ్రాఫర్ సిల్వా (Silva) కూడా ఇన్స్టాగ్రామ్లో రాజు మృతి పట్ల సంతాపం తెలియజేశారు. కార్ జంపింగ్ స్టంట్ ఆర్టిస్టుల్లో ఒకరైన ఎస్ ఎం రాజు స్టంట్స్ చేస్తూ మరణించడం దారుణం. మా స్టంట్ యూనియన్, భారతీయ చిత్ర పరిశ్రమ గొప్ప స్టంట్ మ్యాన్ ను కోల్పోయింది అంటూ దిగ్భ్రాంతి వ్యక్తం చేశారు.ఇప్పటివరకు ఈ సంఘటనకు సంబంధించి నటుడు ఆర్య కాని లేదంటే దర్శకుడు పా రంజిత్ ఎలాంటి అధికారిక ప్రకటన విడుదల చేయలేదు.
సానుభూతి ప్రకటించకపోవడం
ఈ విషయంపై సోషల్ మీడియాలో పలువురు నెటిజన్లు అసంతృప్తి వ్యక్తం చేస్తున్నారు. తమ సినిమాలో స్టంట్స్ చేస్తూ ప్రాణాలు కోల్పోయిన వ్యక్తిపై కనీసం సానుభూతి ప్రకటించకపోవడం బాధాకరమని వారు పేర్కొన్నారు. రాజు తమిళ పరిశ్రమలో అనేక సినిమాలకు స్టంట్ కో-ఆర్డినేటర్గా పనిచేశారు. ఆయన ధైర్యంగా రిస్క్ తీసుకునే నైపుణ్యం, డెడికేషన్కు మంచి పేరుంది. విశాల్తో పాటు పలువురు స్టార్ హీరోల సినిమాల్లో (Movies) ఆయన చేసిన స్టంట్లు ప్రేక్షకుల మెప్పు పొందాయి.రాజు వృత్తిపై అంకితభావంతో తన ప్రాణాలకే లెక్కచేయకుండా పనిచేశారు. ఆయన మృతి స్టంట్ యూనిట్లలో భద్రతా ప్రమాణాలు పునఃసమీక్షించే అవసరాన్ని కలిగించింది. షూటింగ్ సమయంలో తీసుకోవాల్సిన భద్రతా చర్యలపై ఇప్పుడు అధికార వర్గాలు విచారణ జరుపుతున్నాయి. ప్రస్తుతం ‘వెట్టువం’ షూటింగ్ తాత్కాలికంగా నిలిపివేశారు.
తమిళ్ సినిమా పరిశ్రమను ఏమంటారు?
తమిళ్ సినిమా పరిశ్రమను సాధారణంగా కోలీవుడ్ (Kollywood) అని పిలుస్తారు. ఇది చెన్నైలోని కోడాంబాక్కం ప్రాంతంలో ఉండే సినీ స్టూడియోల ఆధారంగా ఏర్పడిన పేరు.
తమిళ్ సినిమా పరిశ్రమ కేంద్రం ఎక్కడ ఉంది?
తమిళ్ సినిమా పరిశ్రమ కేంద్రం తమిళనాడు రాష్ట్రంలోని చెన్నై నగరంలో ఉంది. ముఖ్యంగా కోడాంబాక్కం ప్రాంతం సినిమాలతో ప్రసిద్ధి చెందింది.
Read hindi news: hindi.vaartha.com
Read Also: B Saroja Devi: సరోజాదేవి మృతిపై సంతాపం తెలిపిన చంద్రబాబు, పవన్ కల్యాణ్
