తెలంగాణ రాష్ట్ర ప్రభుత్వం నిరుద్యోగ యువత కోసం ప్రకటించిన రాజీవ్ యువ వికాసం పథకం కొత్త మార్గదర్శకాలను విడుదల చేసింది. స్వయం ఉపాధికి మరింత ప్రోత్సాహం కల్పిస్తూ, పథకం అమలులో పలు కీలక మార్పులు చేసింది. పాత పథకాలతో పోలిస్తే యూనిట్ల విభజన, రాయితీ నిధుల పెంపు, స్పష్టమైన నిబంధనలు వంటి అంశాలను ఇందులో తీసుకువచ్చారు. మార్చి 22న డిప్యూటీ సీఎం భట్టి విక్రమార్క సంక్షేమ శాఖ ఉన్నతాధికారులతో సమీక్ష నిర్వహించి యూనిట్ల వ్యయం, రాయితీ నిబంధనలను ఖరారు చేశారు. ఈ ప్రకటనతో లక్షల మంది నిరుద్యోగ యువతకు స్వయం ఉపాధి అవకాశాలు లభించనున్నాయి.
ప్రభుత్వం యూనిట్లను నాలుగు క్యాటగిరీలుగా విభజిస్తూ కొత్త మార్గదర్శకాలను రూపొందించింది. వీటి ద్వారా అలాగే ఏయే విభాగాలకు ఎలాంటి రాయితీలు అందనున్నాయనేది స్పష్టత వచ్చింది. మైక్రో యూనిట్లు – చిన్న స్థాయి వ్యాపారాలు, స్టార్టప్‌లు, కిరాణా షాపులు. స్మాల్ యూనిట్లు – మధ్య తరహా వ్యాపారాలు, SMEలు. మీడియం యూనిట్లు – ఫ్యాక్టరీలు, సూపర్ మార్కెట్లు, సర్వీసు రంగ వ్యాపారాలు. లార్జ్ యూనిట్లు – పెద్ద స్థాయిలో పరిశ్రమలు, మల్టీ-బ్రాంచ్ వ్యాపారాలు, ప్రతి క్యాటగిరీకి రాయితీ నిధుల వాటా పెంచారు. ముఖ్యంగా ఎస్సీ, ఎస్టీ, బీసీ, మైనార్టీ వర్గాల వారికి పెద్ద మొత్తంలో రాయితీ మంజూరు చేయనుంది. ఈ పథకం ద్వారా ప్రభుత్వం రూ. 6 వేల కోట్ల భారీ నిధులతో రాష్ట్ర వ్యాప్తంగా 5 లక్షల మంది నిరుద్యోగ యువతకు రాయితీ రుణాలను మంజూరు చేయనుంది. ఎస్సీ, ఎస్టీ అభ్యర్థులకు 80% రాయితీ నిధులు, బీసీ, మైనార్టీ అభ్యర్థులకు 60% రాయితీ నిధులు, సాధారణ కేటగిరీకి 40% రాయితీ నిధులు, ఇది గత పథకాల కంటే చాలా మెరుగైన నిబంధనలతో అమలవుతోంది.
దరఖాస్తు విధానం
ఈ పథకానికి దరఖాస్తు చేయాలనుకునే నిరుద్యోగ యువత ఏప్రిల్ 5, 2025 వరకు అధికారిక వెబ్‌సైట్ ద్వారా ఆన్‌లైన్‌లో దరఖాస్తు చేసుకోవచ్చు. ఆధార కార్డు, ఆదాయ ధృవీకరణ పత్రం, విద్యా అర్హతలు అప్లోడ్ చేయాలి. యూనిట్ వివరాలు, వ్యాపార ప్రణాళికను సమర్పించాలి. బ్యాంక్ ఖాతా వివరాలు నమోదు చేయాలి. ఆన్‌లైన్ ఫారం సమర్పించిన తర్వాత రిజిస్ట్రేషన్ నంబర్ వస్తుంది. ఏప్రిల్ 6 నుంచి మే 31 వరకు దరఖాస్తుల వెరిఫికేషన్ జరుగుతుంది. అర్హత కలిగిన అభ్యర్థులను ఎంపిక చేసి జూన్ 2న, తెలంగాణ ఆవిర్భావ దినోత్సవం సందర్భంగా రుణ పత్రాలను అందజేస్తారు. రాజీవ్ యువ వికాసం పథకం తెలంగాణ యువతకు కొత్త భరోసా కల్పించేలా రూపొందింది. గతంలో అందుబాటులో ఉన్న పథకాలకు ఉన్న లోపాలను దూరం చేసి, కొత్త మార్గదర్శకాలను తీసుకువచ్చిన ప్రభుత్వం నిరుద్యోగ సమస్యకు మరింత సమర్థమైన పరిష్కారం చూపించాలని భావిస్తోంది.
అమెరికా డైరెక్టర్ ఆఫ్ నేషనల్ ఇంటెలిజెన్స్ (DNI) తులసి గబ్బర్డ్ ఇండో-పసిఫిక్ పర్యటనలో భాగంగా భారతదేశాన్ని సందర్శించనున్నారు. ఆమె డొనాల్డ్ ట్రంప్ పరిపాలన నుండి ఈ పర్యటన Read more
విజయవాడ: పియాజియో ఇండియా యొక్క ప్రతిష్టాత్మక ద్వి చక్ర వాహన బ్రాండ్‌లు వెస్పా మరియు ఏప్రిలియా కోసం అధీకృత రిటైలర్ అయిన ఇన్నోవియా మోటర్స్, ఈరోజు విజయవాడలోని Read more
బెంగళూరు, డిసెంబర్ 2024: అమేజాన్ ఫ్యాషన్ తమ ప్రసిద్ధి చెందిన వార్డ్ రోబ్ రిఫ్రెష్ సేల్ 15వ ఎడిషన్ ను ప్రకటించింది. ఇది డిసెంబర్ 6 నుండి Read more
హైదరాబాద్ : ఐటీ అధికారుల సోదాలు హైదరాబాద్ లో మరో సారి కలకలం రేపుతున్నాయి. రియల్ ఎస్టేట్ వ్యాపారాలే లక్ష్యంగా మరో సారి ఐటీ సోదాలు కొనసాగుతున్నాయి. Read more