తెలుగు ప్రజల పెద్ద పండుగ సంక్రాంతి సందర్బంగా ప్రజలు సొంతూర్లకు వెళ్లేందుకు ఉత్సాహంగా సిద్ధంగా కాగా.. పండుగ రద్దీ కారణంగా ప్రయాణాలకు సంబంధించిన కష్టాలు అధికమవుతున్నాయి. హైదరాబాద్ నగరం నుంచి పెద్దఎత్తున ప్రజలు బస్సులు, రైళ్లు ఆశ్రయించగా, అవి పూర్తిగా కిక్కిరిసిపోతున్నాయి. ప్రత్యేక రైళ్లు, బస్సులు అందుబాటులోకి తీసుకువచ్చినప్పటికీ, అవి కూడా నిమిషాల్లో నిండిపోతున్నాయి.
ప్రయాణికుల రద్దీ, డిమాండ్‌ను అదనుగా పెంచుకుంటున్న ప్రైవేటు ట్రావెల్స్ యాజమాన్యాలు టికెట్ ధరలను భారీగా పెంచేసి దోపిడీ చేస్తున్నారు. సాధారణ రోజుల్లో రూ.4 వేలుగా ఉండే హైదరాబాద్-విశాఖ ఏసీ స్లీపర్ టికెట్ ధరలు ఇప్పుడు రూ.6 వేలకుపైగా పెరిగాయి. అదే వోల్వో బస్సుల్లో టికెట్ ధర రూ.7 వేలు వరకు వెళ్ళింది. ఈ ధరల పెంపుతో ప్రయాణీకులు తీవ్ర ఆందోళన చెందుతున్నారు. మొబైల్ యాప్‌లు, వెబ్‌సైట్ల ద్వారా టికెట్ ధరలను స్పష్టంగా ప్రదర్శించడం ద్వారా ఈ ధరల పెంపు మరింత సమస్యగా మారింది. ప్రైవేటు బస్సుల యాజమాన్యాలు చట్టాల గురించి ఏమాత్రం పట్టించుకోకుండా తమ దందాలను స్వేచ్ఛగా కొనసాగిస్తున్నారు. అధికారులు ఈ అంశంపై ఎటువంటి చర్యలు తీసుకోకపోవడం ప్రజలలో నిరాశ కలిగిస్తోంది.
హైదరాబాద్-విజయవాడ మధ్య వోల్వో బస్సు ప్రయాణానికి రూ.4 వేలు చెల్లించాల్సిన పరిస్థితి ఏర్పడింది. సాధారణ రోజుల్లో ధరలు సాధారణంగా ఉంటే, పండుగ సమయాల్లో ఇలాంటి దోపిడీని తట్టుకోవలసి రావడం ప్రజలను విసిగిస్తోంది. ఈ ధరలు విమాన టికెట్ల ధరలను కూడా మించిపోవడం గమనార్హం. ప్రయాణికులు ప్రైవేటు ట్రావెల్స్ యాజమాన్యాల దందా పై చర్యలు తీసుకోవాలని కోరుతున్నారు. టికెట్ ధరల నియంత్రణకు ప్రభుత్వం చొరవ చూపి, ప్రయాణీకులకు న్యాయం చేయాలన్నది వారి ఆకాంక్ష. పండుగ వేళ ప్రయాణాలు సాఫీగా సాగేందుకు పకడ్బందీ చర్యలు తీసుకోవాలని వారు అధికారులు, ప్రభుత్వాన్ని అభ్యర్థిస్తున్నారు.
ఆంధ్రప్రదేశ్‌ మంత్రి నారా లోకేష్‌ను విశాఖపట్నంలో ఆశా వర్కర్లు కలిశారు. తమకు ఉద్యోగ భద్రత కల్పించాలని.. తమ సమస్యలను పరిష్కరించాలని వినతి పత్ర సమర్పించి కోరారు. తమను Read more
న్యూయార్క్‌: ఉక్రెయిన్‌కు సైనిక సహాయాన్ని నిలిపివేస్తున్నట్లు ప్రకటించిన తర్వాత ఉక్రెయిన్‌ అధ్యక్షుడు జెలెన్‌స్కీ నుంచి తనకు ముఖ్యమైన సందేశం వచ్చిందని అమెరికా అధ్యక్షుడు డొనాల్డ్‌ ట్రంప్ పేర్కొన్నారు. Read more
హైదరాబాద్: తెలంగాణలో బెటాలియన్ పోలీసుల ఆందోళనలపై డీజీపీ జితేందర్ స్పందించారు. ఈ ఆందోళనలకు ప్రభుత్వ వ్యతిరేక శక్తులు కారణమయ్యాయని ఆయన అభిప్రాయపడుతున్నారు. సెలవుల వ్యవహారంలో పాత విధానాన్ని Read more
గత వైసీపీ హయాంలో సోషల్ మీడియా లో అసత్యప్రచారాలు , అసభ్యకర పోస్టులు , వీడియోలు పోస్టు చేసి నానా రచ్చ చేసిన సంగతి తెలిసిందే. ఇప్పటికే Read more