ప్రధానమంత్రి నరేంద్ర మోదీ విదేశీ పర్యటనల ఖర్చు గురించి కేంద్ర ప్రభుత్వం తాజాగా కీలక సమాచారం వెల్లడించింది. రాజ్యసభలో ప్రతిపక్ష నేత మల్లికార్జున ఖర్గే ప్రధాని విదేశీ పర్యటనలపై ఎంత మొత్తం ఖర్చు అయిందో వెల్లడించాలని కోరగా, దీనికి విదేశాంగ శాఖ సహాయ మంత్రి పబిత్ర మార్గెరిటా సమాధానమిచ్చారు.
భారత ప్రధానమంత్రి నరేంద్ర మోదీ 2022 మే నుండి 2024 డిసెంబర్ వరకు మొత్తం 38 విదేశీ పర్యటనలు చేశారు. ఈ పర్యటనల నిర్వహణ, భద్రత, వసతి, కమ్యూనిటీ రిసెప్షన్లు, రవాణా తదితర ఖర్చులకు కేంద్ర ప్రభుత్వం రూ. 258 కోట్లు ఖర్చు చేసినట్లు వెల్లడించింది. ఈ మొత్తంలో అత్యధికంగా ఖర్చయిన కొన్ని ప్రధాన పర్యటనలు- 2023 జూన్ – అమెరికా పర్యటనకు రూ. 22 కోట్లు, 2024 సెప్టెంబర్ – మరో యూఎస్ పర్యటనకు రూ. 15.33 కోట్లు, 2023 ఫిబ్రవరి – జపాన్ పర్యటనకు రూ. 11.5 కోట్లు, 2022 డిసెంబర్ – ఫ్రాన్స్ పర్యటనకు రూ. 9.7 కోట్లు, ప్రధాని మోదీ విదేశీ పర్యటనల ఖర్చుపై ప్రతిపక్షం విమర్శలు చేస్తున్నప్పటికీ, కేంద్రం మాత్రం ఇవి దేశానికి మేలే చేస్తాయని సమర్థించుకుంటోంది.
ప్రధాని సందర్శించిన దేశాలు
మోదీ తన ప్రధానమంత్రి పదవి కాలంలో వివిధ అంతర్జాతీయ సమ్మేళనాలు, ద్వైపాక్షిక చర్చలు, వ్యాపార ఒప్పందాలు, మైనింగ్-ఎనర్జీ రంగాల్లో భాగస్వామ్యాన్ని బలోపేతం చేసేందుకు అమెరికా, యూరప్, ఆసియా, ఆఫ్రికా తదితర ఖండాలలోని పలు దేశాలను సందర్శించారు. 2022-2024 మధ్య ఆయన సందర్శించిన దేశాలు ఇవీ- అమెరికా, జపాన్, జర్మనీ, కువైట్, డెన్మార్క్, ఫ్రాన్స్, యునైటెడ్ అరబ్ ఎమిరేట్స్ (యూఏఈ), ఉజ్బెకిస్థాన్, ఇండోనేషియా, ఆస్ట్రేలియా, ఈజిప్ట్, దక్షిణాఫ్రికా, గ్రీస్, పోలాండ్, ఉక్రెయిన్, రష్యా, ఇటలీ, బ్రెజిల్, గయానా ,ఈ పర్యటనల ద్వారా భారత్‌కు లాభపడే విధంగా రక్షణ, వాణిజ్య ఒప్పందాలు, విదేశీ పెట్టుబడులు, వ్యూహాత్మక సంబంధాలు వంటి అంశాల్లో పురోగతి సాధించినట్లు కేంద్రం పేర్కొంది. ప్రధాని మోదీ విదేశీ పర్యటనలు ఖర్చుతో కూడుకున్నా, దీని ద్వారా భారతదేశానికి అనేక ప్రయోజనాలు ఉన్నాయని ప్రభుత్వ వర్గాలు చెబుతున్నాయి. ప్రధానంగా ఈ ప్రయోజనాల్లో కొన్ని- అంతర్జాతీయ వ్యాపార ఒప్పందాలు – భారత్‌ను పెట్టుబడిదారులకు ఆకర్షణీయంగా మార్చడం. విదేశీ పెట్టుబడుల రాక – మేక్ ఇన్ ఇండియా, స్టార్టప్ ఇండియా వంటి కార్యక్రమాల ప్రోత్సాహం. రక్షణ ఒప్పందాలు – అమెరికా, ఫ్రాన్స్, రష్యా వంటి దేశాలతో కీలక రక్షణ ఒప్పందాలు. కచ్చితమైన ద్వైపాక్షిక సంబంధాలు – పలు దేశాలతో ద్వైపాక్షిక ఒప్పందాలు, అనుబంధాలను బలోపేతం చేయడం. విదేశాల్లో భారతీయులు – ప్రవాస భారతీయుల హక్కుల పరిరక్షణ, సహాయం అందించడం. ప్రధాని నరేంద్ర మోదీ 2022-2024 మధ్య 38 విదేశీ పర్యటనలు చేయగా, రూ. 258 కోట్ల ఖర్చు అయింది. ప్రతిపక్షాలు దీనిపై విమర్శలు చేస్తుండగా, ప్రభుత్వం మాత్రం దీన్ని దేశ అభివృద్ధికి అవసరమని సమర్థించుకుంటోంది.
ఓం ప్రసాద్ చౌటాలా 89 సంవత్సరాల వయస్సులో మరణించారు. హర్యానా మాజీ ముఖ్యమంత్రి మరియు భారతీయ జాతీయ లోక్ దళ్ (INLD) నాయకుడు ఓం ప్రసాద్ చౌటాలా Read more
క్రెడిట్ కార్డు వాడని వారు ఈ రోజుల్లో చాల అరుదు. ఎందుకంటే అత్యవసర పరిస్థితుల్లోనైన, ఎలాంటి సమయంలోనైనా డబ్బు చేతిలోలేనప్పుడు క్రెడిట్ కార్డు చాల ఉపయోగపడుతుంది. అంతేకాదు Read more
రెండవ ప్రపంచ యుద్ధం మచ్చలు ఇప్పటికీ కనపడుతూనే ఉన్నాయి. 2024లో అస్సాంలోని లఖింపూర్ జిల్లాలో రెండవ ప్రపంచ యుద్ధం నాటి 182 కిలోల బాంబును నిర్వీర్యం చేశారు. Read more
సౌత్ కొరియాలో జరిగిన విమాన ప్రమాదం తీవ్రమైన విషాదాన్ని మిగిల్చింది. సౌత్ కొరియా ఆగ్నిమాపక శాఖ 181 మందితో ఉన్న విమానంలో 179 మంది మృతి చెందారు. Read more