తిరుపతిలో జరిగిన తొక్కిసలాట ఘటనలో క్షతగాత్రులను పరామర్శించేందుకు వచ్చిన డిప్యూటీ సీఎం పవన్ కళ్యాణ్, అక్కడి అభిమానుల ప్రవర్తనపై తీవ్ర అసంతృప్తిని వ్యక్తం చేశారు. ఈ సంఘటనలో పలువురు గాయపడిన విషయం తెలిసిందే. బాధితులను పరామర్శించడానికి వచ్చిన పవన్‌ను చూసేందుకు అభిమానులు పెద్ద ఎత్తున తరలివచ్చారు. వారి అరుపులు, కేకలతో పరిస్థితి అదుపుతప్పింది.
అభిమానుల ప్రవర్తన పట్ల పవన్ ఆగ్రహంగా స్పందించారు. “ఇది ఆనందించే సమయమా? ఏడ్చే సమయమా? ఇక్కడ ఇంత పెద్ద ప్రమాదం జరిగింది. మీకెవరికీ బాధ అనిపించట్లేదా?” అని అభిమానులను ప్రశ్నించారు. అక్కడున్న పోలీసులకు కూడా ఆయన క్లాస్ తీసుకున్నారు. “ఇంతమంది పోలీసులున్నారు. మీరెవరినీ కంట్రోల్ చేయలేరా?” అని పవన్ ఫైరయ్యారు.
ఈ ఘటనలో పవన్ భావోద్వేగంతో మాట్లాడుతూ బాధితులకు తన మద్దతు ప్రకటించారు. “ఈ ఘటన చాలా విచారకరం. ఇలాంటి పరిస్థితులు పునరావృతం కాకుండా చూసుకోవాలి” అని చెప్పారు. అభిమానులకు శాంతంగా ఉండాలని, బాధిత కుటుంబాలకు సహకరించాలని పిలుపునిచ్చారు.
పవన్ ఆగ్రహం వ్యక్తం చేసిన ఈ వీడియో సోషల్ మీడియాలో వేగంగా వైరల్ అవుతోంది. కొందరు పవన్ భావోద్వేగాన్ని మెచ్చుకోగా, మరికొందరు అభిమానుల ప్రవర్తనను తప్పుబడుతున్నారు. ప్రజలు ఇలాంటి ఘటనల నుంచి పాఠం నేర్చుకోవాలని నెటిజన్లు అభిప్రాయపడ్డారు.
ఈ ఘటన పవన్ కళ్యాణ్ అభిమానులపై పెద్ద చర్చకు దారితీసింది. మానవతా విలువలు, బాధితుల పట్ల సానుభూతి ప్రదర్శనలో అందరూ ముందుండాలని పవన్ చేసిన వ్యాఖ్యలు అందరికీ ఆలోచన కలిగించేలా ఉన్నాయి.
ఈరోజుల్లో మనిషి బ్రతుకుతున్నాడంటే అది టాబ్లెట్స్ వల్లే అని చెప్పాలి. ఒకప్పుడు ఎలాంటి నొప్పి వచ్చిన తట్టుకునేవారు..టాబ్లెట్స్ అనేవి పెద్దగా వాడే వారు కాదు..మరి ఎక్కువైతే ఆయుర్వేదం Read more
వారం రోజులుగా చాలామంది తీవ్రమైన శారీరక అస్వస్థతకు గురవుతున్నారు. తల తిరగడం, శరీరం తూలడం, కాళ్లు చేతులు లాగడం, దగ్గు, జలుబు వంటి లక్షణాలు కనిపిస్తున్నాయి. వీటితో Read more
వైసీపీ నేత, మాజీ మంత్రి పేర్ని నానిపై కేసు నమోదు కావడంతో ఆయన హై కోర్టును ఆశ్రయంచారు. గోడౌన్ నుంచి రేషన్ బియ్యం మాయమైన వ్యవహారంలో ఆయనపై Read more
నంద్యాల జిల్లాలో ఆర్టీసీ బస్సు ప్రమాదానికి గురైంది. కొలిమిగుండ్ల మండలం కలవటాల వద్ద అదుపుతప్పి బోల్తా పడింది. ఈ ప్రమాదంలో 20 మంది ప్రయాణికులు గాయపడ్డారు. కడప Read more