Panna Pemmasani : వైసీపీని వీడి టీడీపీలో చేరిన వడ్డెర నేతలు గుంటూరులో టీడీపీకి కొత్త శక్తి చేరింది వడ్డెర సామాజిక వర్గానికి చెందిన పలువురు ముఖ్య నాయకులు వైసీపీకి గుడ్‌బై చెప్పి టీడీపీలో చేరారు. ఈ చేరిక కేంద్ర సహాయమంత్రి డాక్టర్ పెమ్మసాని చంద్రశేఖర్ సమక్షంలో జరిగింది.ఈ సందర్భంగా పెమ్మసాని చంద్రశేఖర్ మాట్లాడుతూ, టీడీపీ బీసీల అభివృద్ధికి కట్టుబడి ఉన్న పార్టీ అని స్పష్టం చేశారు. గత వైసీపీ పాలనలో బీసీలను పూర్తిగా విస్మరించారని, బీసీ కార్పొరేషన్‌ను నిర్వీర్యం చేసారని తీవ్ర విమర్శలు గుప్పించారు. కూటమి ప్రభుత్వం మాత్రం బీసీల హక్కులను కాపాడేందుకు కృషి చేస్తోందని, వారి అభివృద్ధికి అవసరమైన అన్ని విధానాలను అమలు చేస్తుందని తెలిపారు.
వైసీపీ పాలనలో తమ వర్గం పూర్తిగా చిన్నబోయిందని, పార్టీ పెద్దలు పట్టించుకోలేదని వడ్డెర సామాజిక వర్గ నేతలు ఆరోపించారు.తమ వర్గాన్ని రాజకీయంగా నాశనం చేసే ప్రయత్నం జరిగిందని, అందుకే తమ భవిష్యత్తును టీడీపీతో బలోపేతం చేసుకోవాలని నిర్ణయించుకున్నట్లు వెల్లడించారు.పెమ్మసాని మాట్లాడుతూ, తెలుగుదేశం పార్టీ బీసీలకు దేశవ్యాప్తంగా రాజకీయ గుర్తింపు తీసుకువచ్చిన పార్టీ అని గుర్తుచేశారు. బీసీ సంక్షేమానికి ఎన్టీఆర్ మొదలుపెట్టిన మార్గాన్ని చంద్రబాబు నాయుడు కొనసాగిస్తున్నారని పేర్కొన్నారు. కూటమి ప్రభుత్వం అధికారంలోకి వచ్చిన తర్వాత బీసీలను అన్ని రంగాల్లో ప్రోత్సహించేందుకు కృషి చేస్తోందని తెలిపారు. ఈ మధ్య కాలంలో వైసీపీని వీడి టీడీపీలో చేరే నేతల సంఖ్య పెరుగుతోంది. తాజా వడ్డెర నేతల చేరిక టీడీపీకి మరింత బలాన్ని తీసుకువచ్చిందని రాజకీయ విశ్లేషకులు భావిస్తున్నారు. మరోవైపు, బీసీ వర్గాల్లో టీడీపీ పెరుగుతున్న ఆదరణ వైసీపీకి పెద్ద ఎదురుదెబ్బగా మారుతుందని విశ్లేషకుల అంచనా.
తెలంగాణ రాష్ట్రంలో రైతుల ఆత్మహత్యలు కొనసాగుతుండటం తీవ్ర ఆందోళన కలిగిస్తున్న విషయం. అప్పుల భారం, పంటలకు తగిన ధర రాకపోవడం వంటి కారణాలతో ఇప్పటికే నలుగురు రైతులు Read more
కోల్‌కతా : కోల్‌కతాలో ఆర్జీకర్‌ ఆస్పత్రి వైద్యురాలిపై హత్యాచార కేసు దేశవ్యాప్తంగా సంచలనం సృష్టించిన విషయం తెలిసిందే. అయితే ఈ కేసు పై బంగాల్‌లోని సీల్దా కోర్టు Read more
భారతదేశంలో వందేభారత్ రైలు ఓ చరిత్ర. పలు సౌకర్యాలతో పాటు నిర్ణిత సమయంలో గమ్యస్థానానికి చేరుకోవచ్చు. ఇందులో భాగంగా త్వరలో ప్రముఖ పుణ్యక్షేత్ర వారణాసికి ఏపీ నుంచి Read more
ఈ వేసవిలో విద్యుత్ డిమాండ్ 245 గిగావాట్లకు చేరుకోనుంది Telangana : ఈ వేసవిలో దేశవ్యాప్తంగా విద్యుత్ డిమాండ్ 245 గిగావాట్లకు పెరగనున్నది. ఈ డిమాండ్ ను Read more