ఆంధ్రప్రదేశ్ రాష్ట్ర ప్రభుత్వానికి చెందిన ఒక ముఖ్యమైన ప్రజా ఆరోగ్య పథకంగా ఉన్న NTR బేబీ కిట్ పథకం (NTR Baby Kits Scheme) మళ్లీ ప్రారంభించబోతున్నట్లు ప్రభుత్వం అధికారికంగా ప్రకటించింది. ప్రభుత్వ ఆస్పత్రుల్లో ప్రసవించే తల్లులకు నూతనజన్మించిన శిశువుకు అవసరమైన వస్తువులతో కూడిన ఈ కిట్ను ఉచితంగా అందించనుంది. ఈ పథకాన్ని తిరిగి ప్రారంభించేందుకు రాష్ట్ర ప్రభుత్వం రూ. 51.14 కోట్లు విడుదల చేసింది. పేద కుటుంబాలకు ఇది చాలా ఉపయోగకరంగా మారనుంది.
బేబీ కిట్ లో ఏమేమి ఉంటాయంటే
ప్రతి బేబీ కిట్ ఖర్చు సుమారు రూ. 1,410 ఉండగా, ఇందులో దోమల నెట్తో కూడిన బేబీ బెడ్, రెండు బేబీ డ్రెస్లు, రెండు టవల్స్, ఆరు వాషబుల్ నాపీస్, పౌడర్, షాంపూ, ఆయిల్, బేబీ సబ్బు, స్టోరేజ్ బాక్స్, చిన్న బొమ్మ వంటి వస్తువులు ఉంటాయి. ఈ కిట్లోని ప్రతి వస్తువు తల్లి, శిశువులకు అవసరమైన మౌలిక ఆహారం, ఆరోగ్య పరిరక్షణకు తోడ్పడేలా ఎంచుకోబడింది. ప్రత్యేకంగా ప్రభుత్వ ఆసుపత్రుల్లో ప్రసవించిన తల్లులకే ఈ కిట్లు లభిస్తాయి.
రాష్ట్రవ్యాప్తంగా ఈ పథకం ప్రారంభం
ఈ పథకాన్ని అధికారికంగా ప్రారంభించేందుకు ప్రభుత్వం త్వరలో ఒక తేదీని ఖరారు చేసి, రాష్ట్రవ్యాప్తంగా కార్యక్రమాన్ని ప్రారంభించనుంది. రాష్ట్రంలోని పేద కుటుంబాలకు ఇది ఒక ఆశాజ్యోతి లాగా మారనుంది. శిశువుల ఆరోగ్యం పట్ల ప్రభుత్వాన్ని దృష్టి సారించడం, తల్లి-శిశు సంరక్షణను ప్రోత్సహించడం వంటివి ఈ పథకం లక్ష్యాలుగా ఉన్నాయి. ఇప్పటికే ఎన్నో కుటుంబాలకు ఉపశమనం అందించిన ఈ పథకం తిరిగి ప్రారంభం అవుతుండడం గర్భిణీలకు నిజంగా శుభవార్తగా మారింది.
Read Also : YouTuber Jyoti Malhotra : పాక్తో సంబంధాలు.. యూట్యూబర్ కు షాక్
