తెలంగాణ ముఖ్యమంత్రి రేవంత్ రెడ్డి(CM Revanth) నాగర్కర్నూలు జిల్లా మన్నెవారిపల్లెలో పర్యటించి ఎస్ఎల్బీసీ టన్నెల్ పురోగతిని పరిశీలించారు. హెలీ మాగ్నటిక్ సర్వే కోసం సిద్ధంగా ఉన్న హెలికాప్టర్, ఆధునిక పరికరాలను పరిశీలించిన అనంతరం మాట్లాడుతూ, టన్నెల్ పూర్తి చేసేందుకు కాంగ్రెస్ ప్రభుత్వం కట్టుబడి ఉందని ఆయన అన్నారు.
Read Also: Supreme Court: వీధికుక్కల వ్యవహారం.. సుప్రీంకు రాష్ట్రాల CSలు క్షమాపణలు
టన్నెల్ పనులపై రాజకీయాలు చేయవద్దు – సీఎం
టన్నెల్ బోరింగ్ యంత్రాలతో పనులు సాంకేతికంగా కష్టంగా ఉన్నప్పటికీ ప్రభుత్వం వాటిని పూర్తి చేయడానికి కృషి చేస్తోందని రేవంత్ రెడ్డి తెలిపారు. ఈ పనులను రాజకీయ రంగంలోకి లాగడం సరికాదని, ఎన్ని అవాంతరాలు ఎదురైనా టన్నెల్ను పూర్తిచేసి తీరుతామని ఆయన స్పష్టం చేశారు.
బీఆర్ఎస్ పాలనలో టన్నెల్ పనులు నిలిచిపోయాయి
ప్రాజెక్టు ప్రారంభ దశలో రూ.1,986 కోట్ల వ్యయంతో ఆమోదించబడిందని, గత రెండు దశాబ్దాలుగా అనేక అవరోధాలు ఎదురయ్యాయని సీఎం(CM Revanth) వివరించారు. తెలంగాణ ఏర్పాటయ్యే సమయానికి 30 కిలోమీటర్ల టన్నెల్ పనులు పూర్తయినప్పటికీ, బీఆర్ఎస్ పాలనలో దాదాపు 10 కిలోమీటర్లకు మించి పనులు జరగలేదని ఆయన విమర్శించారు.
కాళేశ్వరం ప్రాజెక్టుపై అధిక ఖర్చు – రేవంత్ విమర్శ
బీఆర్ఎస్ ప్రభుత్వంలో సాగునీటి ప్రాజెక్టుల(Irrigation projects) కాంట్రాక్టర్లకు రూ.1.86 లక్షల కోట్లు చెల్లించగా, అందులో కేవలం కాళేశ్వరం ప్రాజెక్టుకే రూ.1.06 లక్షల కోట్లు వినియోగించారని రేవంత్ రెడ్డి ఆరోపించారు. ఇతర జిల్లాలకు అవసరమైన నీటి ప్రాజెక్టులను కేసీఆర్ నిర్లక్ష్యం చేశారని ఆయన మండిపడ్డారు.
ఆంధ్రప్రదేశ్తో పోల్చిన తెలంగాణ పరిస్థితి
ఆంధ్రప్రదేశ్లో జగన్ ప్రభుత్వం పోతిరెడ్డిపాడు ప్రాజెక్టును విస్తరిస్తున్నా, అప్పటి సీఎం కేసీఆర్ మాత్రం చర్యలు తీసుకోలేదని రేవంత్ అన్నారు. తగిన పెట్టుబడి పెట్టి ఉంటే నల్గొండ వంటి జిల్లాలకు సాగునీరు అందేదని ఆయన వ్యాఖ్యానించారు.
Read hindi news: hindi.vaartha.com
Epaper: epaper.vaartha.com/
Read Also:
